Ўзбекистон “Адолат” СДП Қашқадарё вилоят Кенгаши 🇺🇿l Расмий канал

Депутат мактабдаги камчиликларни бартараф этишда кўмаклашди
Халқ депутатлари Ғузор туман Кенгаши депутати Ҳасан Қаххоров партия фаоллари ва Нуроний жамғармаси туман бўлими вакиллари иштирокида 28-умумтаълим мактабида бўлиб, иситиш тизими билан танишдилар. Шунингдек, депутат истиқболимиз эгалари таълим-тарбия олаётган синфхоналарга ҳам бирма-бир кириб, давомат билан қизиқди. Ачинарли томони шундаки, мактабда иситиш тизимида ҳам, давомат масаласида ҳам камчиликлар борлиги аниқланди.
Депутат ўрганишлари давомида ота-оналар ва ўқитувчилар томонидан билдирилган таклиф ва фикрларни инобатга олиб, масъулларга зарур тавсиялар берди.
Шодмон Эшбоев,
Партия фаоли.

Депутатнинг хайрли ишларига одамлар елкадош бўлмоқда
Халқ депутатлари Ғузор туман Кенгаши депутати Раҳмат Абдуллаевнинг эл-юр равнақи йўлида амалга ошираётган ишларидан аҳоли мамнун. Депутат жонажон ватанимизнинг яшил бойлигини кўпайтириш мақсадида “Яшил макон” умуммиллий лойиҳаси доирасида амалга оширилаётган ишларда фаол иштирок этмоқда.
Раҳмат Абдуллаев ўз ҳисобидан тумандаги 7-сонли умумтаълим мактабига 200 туп, 17-сонли мактабга эса 100 туп, Чақар МФЙ ҳудудига экиш учун 400 туп мевали ва манзарали дарахт ниҳолларини етказиб берди ва ҳашар йўли билан экишда бош-қош бўлди.
Бахром Мустафоев,
“Адолат” СДП Ғузор туман Кенгаши раиси.

Маҳсулот етиштиришда илмий ёндашув талаб этилмоқда
Олий Мажлис Қонунчилик палатаси депутати Эркин Ҳайитов Қамаши туманида бўлиб, қишлоқ хўжалиги йўналишида амалга оширилаётган ишлар билан танишди. Хусусан, “Қишлоқ хўжалиги майдонларидаги қўшимча имкониятлардан фойдаланган ҳолда маҳсулот етиштиришни кўпайтиришга доир чора-тадбирлар тўғрисида”ги қарор ижросини ўрганди.
Оқработ фермер хўжаликлари ҳудудидаги қишлоқ хўжалик техникаларининг мавсумга созлиги, ғалла майдонларини маҳаллий ва минерал ўғитлар билан озиқлантириш, маҳсулот етиштиришда илмий ёндашув каби масалаларга эътибор қаратди. Депутат ўрганишлари якунида туман ҳокими Хуршид Усмонов ва мутасаддилар билан ҳам учрашиб, ердан оқилона фойдаланиш, техникаларни мавсумга ҳар томонлама сифатли ҳозирлаш юзасидан тавсиялар берди.
Шунингдек, депутат “Яшил макон” умуммиллий лойиҳаси доирасида ташкил этилган ҳашарда ҳам қатнашиб, туманда янгитдан барпо этилаётган “Ёшлар боғи”га мевали ва манзарали дарахт ниҳолларини экди.
Нурмуҳаммад Мирзаев,
“Адолат” СДП Қамаши туман Кенгаши раиси.