Abdurakhmon | Blog

O'z yo'lida xato qilish, birovning yo'lida to'g'ri borishdan yaxshiroqdir.

"Jinoyat va jazo"

Hayotim sengadir shodlik ortmoqda
Sarg'aygan qor kabi erib bitar dard

Mening yuragimdan Fevral o'tmoqda
Sening yuragingga kirib bordi Mart 🌷

B.R (Fevral)

Bu hayotda kechqurun budilnikni yoqib qo'yish esingizdan chiqmasin:)

© Antuan Grizman

Jazoirda 270 xildan ortiq noyob kasalliklarning asosiy sababi qarindoshlar oʻrtasida nikoh sababli ekan. Tadqiqotlar shuni koʻrsatibdi.

Gap bu yerda Jazoir haqida emas. Buni dunyoning xohlagan mamlakatida tadqiqot bilan aniqlash mumkin edi. Muhimi, gap qarindoshlar oʻrtasida nikoh yomonligi haqida ketmoqda. Uning asoratlari kelajak avlod uchun xavfli boʻlishi mumkin. Avloddan avlodga asorat hatto kuchayib boradigan keyslar aytilmoqda.

Oʻzbekistonda oldingi yillari qonun bilan ham bu taqiqlangan edi. Amalda qonun qanchalik ishlayapti, bilmayman.

Oʻzimnikiga uylantiraman yoki oʻzimnikini kelin qilaman deb qanchalik muammo yaratishayotganini hatto bilishmaydi ham.

Qarindoshlar oʻrtasida nikohga ehtiyot boʻling, koʻrib qolsangiz oqibatlari haqida doim ogohlantiring. Bu yomon, tabiatga qarshi borib boʻlmaydi. Bu millat genofondini buzadigan darajada xavfli muammo.


#muammo
@allaevuzb

Nima uchun bu to'ntarish, inqilob? - Bu haqida The Guardian nashridan manba keltiraman:

DeepSeek: Xitoyning arzon chatboti global texnologiya bozorini larzaga soldi

Xitoyning DeepSeek startapi atigi 5.6 million dollarga yangi sun'iy intellekt modeli yaratib, global texnologiya bozorida keskin o'zgarishlarga sabab bo'ldi. Chatbot AQSh va Buyuk Britaniyada Apple ilovalar do'konida ChatGPT'ni ortda qoldirib, birinchi o'rinni egalladi.

Buning ta'sirida:
- Nvidia kompaniyasi bir kunda 465 milliard dollar yo'qotdi - bu AQSh fond bozori tarixidagi eng katta kunlik yo'qotish
- Microsoft 130 milliard dollar yo'qotdi
- Google kompaniyasi 80 milliard dollar yo'qotdi
- Tesla, Meta va Amazon aksiyalari ham keskin pasaydi
- Yevropa texnologiya aksiyalari 4.5% ga tushdi

DeepSeek asoschisi Lyan Venfeng: "Sun'iy intellekt hamma uchun arzon va qulay bo'lishi kerak", deya ta'kidladi. U 2021 yilda hobbi sifatida AI modellari yaratishni boshlagan.

Ahamiyatli jihati: DeepSeek chatboti AQShning eng ilg'or texnologiyalarisiz yaratilgan bo'lsa-da, sifat jihatidan Google, Meta va Anthropic modellaridan ustun chiqdi. Bu esa yirik texnologiya kompaniyalarining yuz milliardlab dollarlik xarajatlari samaradorligini shubha ostiga qo'ymoqda.

AQShlik taniqli investor Mark Andressen bu voqeani sovuq urush davrida SSSRning birinchi sun'iy yo'ldoshni uchirishiga qiyosladi - bu AI sohasidagi "Sputnik lahzasi" bo'ldi, deb baholadi.

Manba
Global tech shares fall as China AI chatbot DeepSeek spooks investors | Stock markets | The Guardian

Ҳамма биладиган нарсани билмагандек, ҳеч ким билмайдиган нарсани билгандек кўриниш; ҳеч кимга тушунарли бўлмаган нарсани эшитаётгандек, ҳаммага эшитиладиган нарсани эшитмагандек кўриниш; энг муҳими, ўзингдан ўзиб кетаолишингни кўрсатиш; кўпинча ҳеч қандай сир бўлмаган нарсани катта сирдек қилиб кўрсатиш; фақат қаламни учлаш учун кабинетингга қамалиб олиш ва бошингда шамол эсаётган бўлса ҳам, чуқур фикрли кўриниш; яхшими-ёмонми, ўзингни муҳим шахс қилиб кўрсатиш, чақимчиларни кўпайтириш ва хоинларни боқиш, муҳр мумларини эритиш, хатларни ушлаб қолиш ва мақсаднинг улуғворлиги билан воситаларнинг тубанлигини оқлашга уриниш. Мана сизга бутун сиёсат, жойимдан қўзғалмай қолай агар!

Пйер Бомарше
"Телба кун, ёки Фигаронинг уйланиши"

Неча йилдир, бу юртда фақат
Гапирарлар ўтмиш ҳақида
Унитилган бугун ва эрта.

Неча йилдир, бу мамлакатда
Ундовнинг куни туққан,
Савол — нафақада…

Хуршид Даврон

Oʻzingni oqlashni boshlasang tushuntirish ogʻir kechadi.

(C) Dostoyevskiy