A.V || Med

🫀AORTAL KLAPAN STENOZI

Ta'rif:

Aorta kalapani teshigining torayishi

Etiologiyasi va Patogenezi:

Odatda yoshga bog'liq ravishda aortal klapan "eskirishi" natijasida hosil bo‘lgan fibroz va kalsifikatsiya tufayli:

Odatda katta yoshli bemorlarda (60 yoshdan oshgan) kuzatiladi.
Ikki yarimli (bikuspid) aorta kalapani aortal klapan stenoz xavfni oshiradi va kasallikning boshlanishini tezlashtiradi. Oddiy aorta klapani uchta yarimga ega; kamroq yarimlar har bir yarimga ortiqcha yuklama beradi.

Shuningdek, surunkali revmatik kalapan kasalligi oqibati sifatida yuzaga kelishi ham mumkin. Revmatik kasallik tufayli yuzaga kelgan aortal klapan stenozning o'ziga xos farqlanuvchi belgilari:
1)Stenoz dastlab mitral klapanda kuzatiladi
2)Aorta klapani ravoqlari *komissuralarining birlashishi kuzatiladi.
*Klapan komissurasi - bu klapan ravoqlarining bir-birga tegib turadigan yuzasi .

Yurak kompensatsiyasi tufayli uzoq davomida kasallik simptomlarsiz kechadi, bu davrda bemorda shikoyatlar bo'lmaydi faqat aukultatsiyada kreshendo-dekreshendo shovqinieshitiladi.

Asoratlari:

Konsentrik chap qorincha gipertrofiyasi – yurak yetishmovchiligiga olib kelishi mumkin.
Jismoniy harakat paytida stenotik klapan orqali qon oqimini oshirish qobiliyatining cheklanishi tufayli stenokardiya (ko'krak qafasida og'riq) va hushdan ketish (sinkopi) kuzatiladi. Bu ikkala simptomlar ham miokard va miyaga qon oqimining kamayganligi tufaylidir.

Makroangiopatik gemolitik anemiya – eritrotsitlarning kalsifikatsiyalangan qopqoq orqali o‘tishi tufayli eritrotsitlar shikastlanadi va natijada shistotsitlar, ya'ni "kaskasimon" hujayralar hosil bo‘ladi.

Davolash:

Aortal klapanni almashtirish - faqat yuqoridagi simptomlar yuzaga kelgandan keyin bajariladi (❗️Aorta klapani yetishmovchiligida esa simptomlar yuzaga kelmasdan oldin klapan almashtiriladi)

👉@PATOMAUZ

🫀STENOKARDIYA

🔹Stabil stenokardiya

- bu jismoniy zo‘riqish yoki hissiy stress paytida paydo bo‘ladigan ko‘krak og‘rig‘idir.

Koronar arteriyalarning aterosklerozi (> 70% stenoz) tufayli yuzaga keladi; qon oqimi miokardning zo'riqish paytidagi metabolik ehtiyojlarini qondira olmaydi.
Miotsitlarning qaytar jarohatlanishini ifodalaydi (nekroz yo‘q).
Ko‘krakdagi og‘riq (< 20 daqiqa davom etuvchi), chap qo‘l yoki jag‘ga tarqalishi, terlash va nafas qisishi bilan namoyon bo‘ladi.
EKG subendokardial ishemiya tufayli ST-segment depressiyasini ko‘rsatadi.
Dam olish yoki nitroglitserin bilan yengillashadi.

🔹Nostabil stenokardiya

- bu dam olish paytida yuzaga keladigan ko‘krak og‘rig‘idir.

Odatda aterosklerotik blyashkaning yorilishi, tromboz va koronar arteriyaning to‘liq bo‘lmagan o‘tkazuvchanligi tufayli yuzaga keladi
Miotsitlarning qaytar jarohatlanishini ifodalaydi (nekroz yo‘q).
EKG subendokardial ishemiya tufayli ST-segment depressiyasini ko‘rsatadi.
Nitroglitserin bilan yengillashadi.
Miokard infarktiga o‘tish xavfi yuqori.

🔹Prinzmetal(Vasospastik) stenokardiya

- bu jismoniy zo‘riqish bilan bog‘liq bo‘lmagan, epizodik ko‘krak og‘rig‘idir.

Koronar arteriyalarning vazospazmi tufayli yuzaga keladi.
Miotsitlarning qaytar jarohatlanishini ifodalaydi (nekroz yo‘q).
EKG transmural ishemiya tufayli ST-segment elevatsiyasini ko‘rsatadi.
Nitroglitserin yoki kalsiy kanallarining blokatorlari bilan yengillashadi.

👉@PATOMAUZ

2.5 oylik kanalim statistikasi

Kanalingizni shunday holdagi statistikasini koʻrmoqchi boʻlsangiz, @TGStat_Bot orqali 2024 deb kanalingiz linkini keltirib oʻtsangiz xuddi shunday koʻrinishdagi statistikani koʻrishingiz mumkin. (2024dan keyin probel qoldiring)

MIT olimlari hujayralardagi elektr signallarini juda aniq kuzatadigan simsiz antennalar yaratishdi.Bu kichik antennalar elektr signallarini yorug‘likka aylantirib, oddiy laboratoriya mikroskoplari yordamida o‘lchaydi. Ular hujayralar o‘rtasidagi o‘zaro ta’sirlarni real vaqt rejimida kuzatib, topilgan signallarga mos ravishda yorug‘lik tarqatadi.

Bu ixtiro yurak aritmiyasi yoki Altsgeymer kasalligi kabi holatlarni tashxislash va davolashni yanada takomillashtirishi mumkin. U simlar va kuchaytirgichlarga ehtiyojni yo‘q qiladi va hujayralarni o‘rganishni osonlashtiradi.

Rossiya olimlari mRNA asosidagi saraton vaksinasi ishlab chiqilganini e’lon qildi va uni 2025-yil boshidan bemorlarga bepul tarqatishni rejalashtirayotganini davlatga qarashli TASS axborot agentligi xabar qildi.

Radiologiya Tibbiyot Tadqiqot Markazi rahbari Andrey Kaprin vaksinaning muvaffaqiyatli ishlab chiqilganini tasdiqladi. Gamaleya Milliy Tadqiqot Markazi vakili Aleksandr Gintsburgning so‘zlariga ko‘ra, dastlabki sinovlarda vaksina o‘simta o‘sishi va metastazlarning tarqalishini to‘xtatishda samaradorligini ko‘rsatgan.