Zarnigorbegim ⚜️

Россияга сизни киритишадими ёки йўқми, олдиндан 100% билишнинг имкони йўқ

❗️Лекин шунда ҳам келиш учун тақиқ бор ёки йўқлигини аэропортда билет харид қилаётиб, суриштиришни тавсия қиламан. Агар аэропортда билет олаётганизда запретингиз бор экан дейишса, кейин бошқа пулга текширинг ёки МВДга ёзинг. Лекин аэропортда билет сотаверса, бу ҳам 100% запрет йўқлигини кафолатламайди. Запретим йўқ экан деб учиб келиб, Москвага қўнгандан кейин киритилмай қолишингиз мумкин. Шу фикрларимга сабаб бўлган бир нечта ҳолатларни келтирсам.

1️⃣ Бир одамнинг маълумотларини ГИСМУ, ЦБДУИГ ва бошқа базалар орқали текширтирдик. Тоза чиқаверди. МВД сайти, реестр ҳам тақиқ йўқ, деб кўрсатди. Билет онлайн олинган эди. Аэропортга борганида запрети борлигини айтиб, самолётга ўтказишмади ҳам. Қўлига отказ қоғозини бериб, қайтаришди.

2️⃣Ёки запретини МВДга ёзиб, маълумот олганмиз. Запрет йўқ, келавер, деб жавоб олганмиз. Самолётга бемалол ўтириб, Москвага учиб келганидан кейин чегарада ҳеч қандай тушунтиришларсиз Россияга киритмай, қайтаришган.

3️⃣Баъзида шу даражада ажойиб ҳолатлар бўлади-ки, суд орқали қўйилган депорти бор одамлар яна қайтиб бемалол келаверади. Россия чегарасидан бемалол кириб келишаверади. Айрим ҳолларда хатто ҳужжат ҳам расмийлаштира олишади. Тажрибамда бир йил олдин, ярим йил олдин, бир ой олдин суд орқали депорт бўлиб, яна бемалол қайтиб кириб келганларни кўрганман. Ҳайрон бўлганман. Лекин ҳақиқат шу - аниқ тақиқ бўлса ҳам айрим нюанслар туфайли Россияга кириб кела олганлар бўлган.

Бу билан депорт бўлган бўлсангиз ҳам Россияга келаверинг демоқчи эмасман. Лекин Россияга келишимга 100% тақиқ йўқ экан, деб ишониб ҳам юборманг, демоқчиман. Текширсангиз эҳтимолли натижа ҳақида хабар топасиз. Бироқ кафолатли натижа ҳақида эмас. Шу нарса эсда туриши керак.

#маълумот
@zarnigor1

Амнистия 10 сентябргача узайтирилиши ҳақида Қирғизистон Ташқи ишлар вазирлиги хабар берди. Чунки аввалроқ айнан Қирғизистон амнистия муддатини узайтиришни сўраб мурожаат йўллаган эди.

Дипломатик каналлар орқали сўровларига ижобий натижа олишган шекилли, бир нечта Спутник ва Кремлинга ўхшаган нашрлар амнистия 10.09.2025 гача узайиши ҳақида хабар бера бошлади.

Ҳозирча амнистия узайгани ҳақида расмий ҳужжат йўқ. Бироқ амнистия муддати узайишига шубҳа кам. Чунки биласизлар, амнистия 30.12.2024да эълон қилинган бўлса ҳам аслида ҳужжат қабули март ойига келиб бошланди. Мартадан буён 600 минг киши учун хизмат кўрсатиш эса нореал нарса. Ижро масаласидаги кечикиш туфайли амнистиянинг дастлабки мақсадига етиши бўлмаслиги аниқ эди. Демак, амнистия муддати узайиши мантиқан тўғри қарор.

Лекин бу 10.09.2025 гача чўзиб, документ қилмай юравериш керак, дегани эмас. Қанча тез ҳужжат қилиб олсангиз, шунча яхши. Шунинг учун бугунги ишни эртага қўймасликни қатъий тавсия қиламан

#янгилик
@zarnigor1

Имконсиз нарсаларни орзу қилаяпсан, дейишса, менинг Аллоҳим Қудратли ва Қодирликда чексиздир, деб айтинг.


#Жумамуборак💚
@zarnigor1

Россияда ҳужжат бўйича "амнистия" тугашига 13 кун қолди.

Ҳали ҳужжат қилмаганлар, шошилиб қолиши керак.

❔"Амнистия" кимлар учун?
- Россияга келишга тақиқ олмаган ва шу кунгача ҳужжат қилмаганлар учун. Қолаверса, ҳужжат билан юриб, ҳужжатини "куйдириб" қўйганлар учун.

❓Ҳужжат расмийлаштириш учун қаерга мурожаат қилиш керак?
- ПВС ёки ММЦ га мурожаат қилинади.

❔Ҳужжат расмийлаштириш тартиби қандай?
- Аввал ҳужжат тайёрлашга ариза топширасиз. Топширилган ариза билан кейин регистрация қиладиган манзилингиз бўйича ОВМ ОМВД (МВДнинг миграция бўлими)да жарима тўлайсиз. Ундан кейин тўланган жарима чеки билан миграция қайди (регистрация) расмийлаштирасиз.

❓Агар амнистия вақтида ҳужжат расмийлаштирмаса нима бўлади?
- 1 майдан бошлаб ҳужжатсиз юрганларга қонунчиликдан кўзда тутилган жавобгарлик қўлланила бошлайди - жарима, реестр, Россияга келишга тақиқ, Россиядан мажбурий кетказиш (выдворение) ва ҳ.к.

❓Амнистия бўйича ҳужжат расмийлаштириш нархи неча пул?
Амнистиясиз неча пул бўлса шунча. Ягона фарқи ҳужжатга топширгач, жарима тўлайсиз. Москвада жарима 7 минг, қолган шаҳарларда 5 минг.

❓Амнистия яна қачон бўлади?
Ҳеч ким билмайди. Бўладими яна амнистия ёки йўқ, маълум эмас. Шунинг учун ҳозир имкониятни қўлдан бой бермаслик керак.

#саволжавоб
@zarnigor1

Бугун Рамазоннинг охирги куни. Закот ал-фитр (фитр закоти, фитр садақаси) тўлашни унутмаслик керак, яхшилар.

Питернинг мусулмонлар идораси кам даромад топадиганларга 100 рубль, ўрта даромад кўрадиганларга 500 рубль, кўп даромад кўрадиганларга 1000 рубль деб фитр закоти нисобини чиқариб берибди. Шу рақамларни ориентир олиб Россиядагилар тўлайвериши керак. Ўзингиз, оилангиз учун тўлайверасиз. Фақат уларни огоҳ қилиб қўйиш керак. Бугун шомгача тўлаб қўйиш керак. Шомдан янги кун - Рамазон ҳайити бошланади, Худо хоҳласа.

Ўзбекистондагиларга Фитр садақасининг миқдори буғдойдан — 10 минг сўм, арпадан — 16 минг сўм, майиздан — 110 минг сўм, хурмодан — 180 минг сўм деб белгиланибди. Даромадингизга қараб, суммани танлаб тўлайверасиз.

Закот ўзингиз яшаётган ҳудуддаги фақир, мискин ва бошқа ночорларга тўланади. Кимга тўлашни билмасангиз, масжидларга мурожаат қилсангиз бўлади. Россияда ҳам, Ўзбекистонда ҳам масжидларда бу борада қарашиб юборишади.

Аллоҳ закотингизни қабул қилсин, бергувчилардан қилсин.

@zarnigor1