𝒁𝒂𝒌𝒊𝒚𝒚𝒂𝒖𝒛

Мақола.

Қон- қариндошлик ришталари

Бизлар кўпинча жаннатга олиб борадиган йўлни узоқлардан қидириб юрамиз. Аслида,ўз уйимиз, хонадонимизда жаннат сари энг яқин йўллар борку!
Улар ота- онамиз, ака- укамиз,опа- сингилларимиз, аёллар учун эрлари ва фарзандларимиздир. Уларга меҳр- эътибор кўрсатиб кўнгилларини олишимиз, баъзан нафл намоз ва нафл рўзалардан афзал бўлади.

Ҳадиси шарифга кўра ота- оналаримиз жаннат эшигидир. Ҳозирги пайтда баъзи бир ини-сингиллар, оға- инилар арзимаган нарсаларни сабаб қилиб, жудо-жудо бўлиб юришибди. Уларга (Абдуллоҳ ибн Абу Авф розиаллоҳу анҳудан ривоят қилинади)  Набий соллаллоҳу алайҳи ва саллам:
"Ичида қариндошлик алоқасини узувчи бор қавмга раҳмат тушмайди" дедилар. (Бухорий ривояти)

Бир-бирларини кечирмаганликлари сабабли Аллоҳ таоло раҳматидан маҳрум бўлиб қолишлари мумкин. Кимдир мерос талашиб ёки бошқа сабаб билан акасининг ёки укасининг, опа -синглисининг ҳаққига хиёнат қилган бўлса, кўнглига ботадиган гап айтган бўлса ёки яқинлари билан муштлашган бўлса ҳам охиратда Аллоҳ таоло ҳузурида жавобини ўзи беради. Гуноҳлари учун тавба қилиб, истиғфор айтиб,уларни такрорламасдан солиҳ амаллар қилса, силайи раҳмда давом этса, Аллоҳ таоло раҳматидан умид қилса, иншааллоҳ, эришади. Аллоҳ таоло (Исро сурасининг 28-оятида)

"Агар Роббингдан умид қилаётганинг раҳматини талаб қилган ҳолда улардан юз ўгирадиган бўлсанг, уларга мулойим сўз айтгин." Яъни қўлингда берадиган нарсанг бўлмаса, ота-она, қариндош, мискинларга, йўлда қолганларга моддий ёрдам бера олмай юз ўгирадиган бўлсанг, Роббингдан келажакда сенга ҳам ризқ-рўз раҳмат талаб қилган ҳолда ширин сўз айт. Биз кечиримли бўлишимиз керак.Фарзандларимиз оилада нима бўлаётганидан хабардор бўлиб,ибрат олади.

Азиз биродарлар ,кечиримли бўлишга ҳаракат қилайлик. Қон -қариндошлик ришталарини мустаҳкам боғлайлик.

Уйчи туман Овчибулоқ МФЙ отинойиси  Эгамбердиева Ҳабибахон

https://t.me/zakiyyauz

#Мақола

#Мавзу: Фарзанд-оқ қоғоз.

Қоғозга қандай ёзсангиз шундай ўқийсиз, ерга қандай уруғ эксангиз шундай ҳосил оласиз. Фарзанд тарбияси ҳақида бундай тимсолли гап айтиш, мантиқ жилосидан достонлар уфуриб турадиган ҳикматлар кашф этиш айнан бизнинг халқимизга хос фазилатлардан.
Инсон ўз табиатидаги фазилату қусурларнинг етмиш фоизини оиладан, оиладаги муҳитдан, ота-она ва ака сингилларидан олади. Қолган қисми таълим муассасаларида шаклланиб, маҳаллада камолига етади. Бундан кўриниб турибдики, бола тарбиясида оила-мактаб-маҳалла ҳамкорлиги муҳим аҳамиятга эга. Фарзанд тарбиясига ота-она масъул, мактаб бу соҳада кўмакчи, маҳалла эса назоратчи. Бир болага етти қўшни ота-она, деб бежиз айтилмаган .
Тарбия хакида гап кетганда, унинг илдизлари муқаддас динимиз, қадриятларимиз, ота-боболаримизга бориб тақалаверади.
Исломда болалар тарбияси ота-онанинг энг масъулиятли ва узоқ давом этадиган бурчларидир.
Саьид ибн Осс розияллоху анхудан ривоят қилинади. "Расулуллоҳ соллаллоху алайҳи васаллам: "Ҳар бир ота ўз фарзандига яхши одоб ўргатишдан ортик хадя қила олмайди", дедилар.
Тарбияшунос аллома Абдулла Авлоний таъкидлаганларидек: "Тарбия бизлар учун ё ҳаёт-ё мамот, ё нажот-ё ҳалокат, ё саодат-ё фалокат масаласидир".
Шундай экан келажагимиз ворислари, фарзандларимизнинг чуқур билим олишлари учун шароитлар яратиб, салохиятларини юзага чиқаришга камарбаста бўлишимиз зарур.
Ҳазрат Навоий айтганларидек: "Қобилиятли кишига берилган тарбия гавҳар каби қимматлидир". Тарбия ҳамма замонда, ҳамма маконда долзарб мавзудир.
Фарзандларимиз баркамол, яхши инсонлар бўлишини истасак, уларга кўпрок вақт ажратишимиз, истеъдодларини қўллаб-қувватлашимиз, тўғри йўналтиришимиз керак.
Энг асосийси ўзимиз шахсий намуна бўлиб, бобо-бувиларининг насихатларидан бахраманд қилайлик. Динимиз буюрган гўзал амалларни ўргатайлик.
Китобга ошно қалблардан ёмонлик чиқмайди, улар билан маданий тадбирлар, маьрифий сухбатлар қилайлик. Зеро, яхши тарбия бизнинг бахтли кексалигимиздир.
Фарзандларимиз бугун куз қувончимиз, эртага бошимизга дунё куёшиданда нурли тож кийдирувчи фарзандлар бўлиб улғайсинлар.
Бола кулгуси оламни безайди. Аллоҳ берган энг улуг неъмат фарзандларимиз бахтига юртимиз тинч, хаётимиз фаровон, фарзандларимиз бизданда бахтли бўлишсин.

А.Хўжаева,
Наманган вилояти бош отинойиси.

https://t.me/zakiyyauz

#Мақола.

#Мавзу: Қиш фасли ғаниматдир.

Мана юртимизга тӯрт фаслни бири қиш фасли ҳам кириб келди.
Ҳар фаслни ӯзига яраша гӯзаллиги бор. Баҳор фасли янгиланиш ва яшариш фасли бӯлиб бутун бир олам гулга бурканиб кӯзимизни қувонтиради.
Ҳар фаслни ӯзига яраша гӯзаллиги таровати бор албатта.

Мана энди қиш фасли.
Ёғаётган ҳар бир қор зарраси ӯзгача гуллар шаклида ёғади, қарангки бир-бирига ӯхшамайди. Кӯрганда кӯзлар қувнайди. Гӯзал Мусаввир, Аллоҳга ҳамду-санолар айтамиз.
Қиш фаслига беғубор кунларга етганимизга беҳисоб шукроналар қиламиз.
Ҳамма томон оппоқ бурканиб Она замин оромда, дову-дарахтлар уйқуда.

Кунлар қисқа, тунлар узун бӯлгани боис Мӯмин мусулмон инсонларга бу жуда катта имконият. Тунлар таҳажжуд номозларни бемалол ӯқишлари, Кунлар салқин қисқа бӯлгани учун рӯза тутишга қийналмайдилар. Шунинг учун ҳар бир мусулмон кишилар бу кунларда ибодатларда бардавом бӯлиб бу қиш кунларидан унумли фойдаланишлари Қуръон ёдлаш ва ӯқишлари учун ҳам бу кунлар ғанимат Аммо ҳар бир мусулмон инсон йилнинг ҳар бир кунларни ғанимат билиб ибодатда бардавом бӯлиши жоиздир. Негаки умр қисқа ҳар бир кунлар ғанимат эканлигини унутмаслигимиз лозим.

Аллоҳ таъоло Қуръони карим оятларида марҳамат қилади: Аллоҳ имон келтириб, яхши ишларни қилганларга мағфират ва улуғ мукофотларни ваъда қилди.(Моида сураси 9-ояти). Демак ҳар бир қилган ибодатларимиз, ҳар бир яхшилик йӯлида қилган амалларимиз билан икки дунё саодатига эришамиз ИншаАллоҳ. Шунинг учун бу совуқ кунларда ибодатларда бардавом бӯлиш билан бирга, балки ночор оилалар ҳолидан хабар олишимиз беэътибор бӯлмаслик ҳар бир мусулмон кишиларнинг муҳим вазифаси ҳисобланади.

Косонсой тумани расмий отинойиси Худойбердиева Хосият.

https://t.me/zakiyyauz

ҲАСАДЧИЛАРДАН ЧЎЧИМАНГ

Ким ҳасадчи кимсадан хавфсираса, ушбу дуоларни ўқисин:
1️⃣. Зикр, дуолар билан бирга икки "қул аъузу"ни ўқисин.
"Ҳамда ҳасадчининг ҳасади ёвузлигидан паноҳ сўрайман" (Фалақ сураси, 5-оят).

2️⃣. Ишларингизни ҳасадчидан яширинг.
"...Эй ўғилларим! (Мисрга) бир дарвозадан кирманглар, балки турли хил дарвозалардан киринглар!" (Юсуф сураси, 67-оят)

3️⃣. Ундан узоқ юринг.
"Агар менга имон келтирмасаларинг, у ҳолда мендан четланинглар!" (Духон сураси, 21-оят).

4️⃣. Озоридан тийилиши учун унга яхшиликлар қилинг.
"...Сиз (ёмонликни) гўзалроқ (муомала) билан қайтаринг!" (Фуссилат сураси, 34-оят).


https://t.me/zakiyyauz