-Xodim ta’tildan to‘liq foydalanmasligi mumkinmi?

-To‘liq foydalanilmaganda ta’tilni keyingi ish yiliga ko‘chirsa bo‘ladimi?

♻️ Har yilgi mehnat ta’tili – dam olish va ishlash qobiliyatini tiklash uchun ish o‘rni (lavozimi) hamda o‘rtacha ish haqi saqlab qolingan holda xodim ishdan ozod etiladigan, xodimga har yili ish yili davomida beriladigan vaqt davridir.

🔰Barcha xodimlar, shu jumladan o‘rindoshlik asosida ishlaydigan xodimlar har yilgi mehnat ta’tiliga chiqish huquqiga ega. (MK 217-m. 1-2-q.).

⁉️Ish yili nima?
Ish yili – xodimning muayyan ish beruvchida o‘n ikki oyga teng bo‘lgan va haqiqatda ish boshlangan sanadan e’tiboran hisoblab chiqariladigan ish davri (MK 225-m. 1-q.).

✅Har yilgi mehnat ta’tili har yili, ushbu ta’til berilayotgan ish yili tugaguniga qadar berilishi kerak (MK 230-m.). Ya’ni, ish beruvchilar uchun mehnat ta’tillarini o‘z vaqtida berilishi majburiyat hisoblanadi va ular MKning 227-228-moddalariga muvofiq xodimlarni ta’tilga o‘z vaqtida chiqishlarini ta’minlashlari shart.

🔆E’tiborli jihati, tasdiqlangan ta’tillar jadvaliga ko‘ra ish beruvchilar xodimni har yilgi mehnat ta’tili beriladigan vaqt to‘g‘risida ta’til boshlanishidan kamida o‘n besh kun oldin xabardor qilgan holda ta’tilni berishi mumkin, ya’ni, xodimning arizasi talab etilmaydi.

〽️Alohida holatlardagina:

➖ish beruvchi va xodim o‘rtasidagi kelishuvga ko‘ra mehnat ta’tilini qismlarga bo‘lishda (MK 231-m.);
➖mehnat ta’tilning 21 kalendar kundan ortiq qismi xodimning xohishiga ko‘ra kompensatsiyaga almashtirilishi mumkin bo‘lganda (bu ish beruvchiga majburiyat emas, ya’ni xodimning o‘zini xohishi yetarli emas, ish beruvchi kompensatsiyaga almashtirlmayman to‘liq ta’til beraman desa kompensatsiya qilinmaydi) (MK 234-m. 2-q.);
➖mehnat ta’tilini uzaytirish yoki uni boshqa muddatga ko‘chirish holati yuzaga kelganda (MK 229-m.).


https://t.me/yuridik_yordamuz