Telegram channel "YURIDIK TAʼLIM / Rasmiy kanal" — @yuridik_talim

YURIDIK TAʼLIM / Rasmiy kanal

1 Feb, 10:10

✅ O'g'rilik va talonchilik jinoyatlarining bir-biridan farqini bilasizmi?

◾️ Jabrlanuvchining yoki boshqalarning yo'qligida yoki ular bor bo'lsa-da, ularga bildirmasdan o'zganing mol-mulkini yashirin talon-toroj
qilish o'g'rilik hisoblanadi.

🔎 Bordi-yu jabrlanuvchi yoki boshqalar mol-mulkning olinayotganligini ko'rgan bo'lsa-da, lekin aybdor bildirmasdan harakat qilyapman deb o'ylagan bo'lsa, bunday qilmishni ham o'g'irlik deb tavsiflash lozim.

📹 Masalan, shaxsni o'g'rilik jinoyatini sodir etish jarayoni video kameraga yozilayotgan bo'lsada, biroq o'g'ri "kamera ishlamayapti, meni xech kim ko'rmayapti” deb harakat qilsa, u holda ham qilmish o'g'rilik deb topiladi.

◾️ O'zganing mulkini yashirin ravishda talon-toroj qilish bilan boshlangan, lekin jabrlanuvchi yoki boshqa shaxslar tomonidan sezib qolinganiga qaramasdan aybdor tomonidan mulkka egalik qilish maqsadida ularning hayoti va sog'lig'i uchun xavfli bo'lmagan zo'rlik ishlatib yoxud shunday zo'rlik ishlatish bilan qo'rqitib qilingan harakatlar talonchilik deb tavsiflanadi.

🎦 Masalan, bozorda shaxs yangi shimni kiyib ko'rish uchun alohida xonaga kiradi va o'zining shimini ichidan yangisini kiyib chiqib ketmoqchi bo'ladi. Sotuvchi buni darhol sezib qolib, "xaridor"ning orqasidan quvib, tutmoqchi bo'ladi, lekin talonchi baqir-chaqirga qaramay qochib ketadi.

♻️ Demak, qilmish avval yashirin usulda sodir etilib (agar shu usulda egallaganda o'g'rilik bo'lardi) so'ng aybdorning qilmishi jabrlanuvchiga ayon bo'lsada, uning mol-mulkini egallash maqsadida ochiqdan-ochiq harakat qiladi. Talonchilikka ilmiy adabiyotlarda "surbetlarcha",
"bezbetlarcha" harakat qilish deb ham ta`rif berishadi.

✅ QAYSI BIRI UCHUN JINOIY JAVOBGARLIK OG'IRROQ?

⚖ Agar boshqa og'irlashtiruvchi holatlar bo'lmasa, talonchilik uchun jinoiy javobgarlik og'irroqdir.

🔰 Sababi, bunda shaxsning sodir etgan jinoyati atrofdagilarga oshkor bo'lgan bo'lsada, noqonuniy harakatdan to'xtamaydi va davom etadi.

Xulosa:

✅ O'g'rilik yashirin usulda o'zganing mol- mulkini talon-taroj qilish. (Jinoyat kodeksi 169-modda;)

✅ Talonchilik ochiqdan-ochiq usulda
o'zganing mol-mulkini talon-taroj qilish. (Jinoyat kodeksi 166-modda.)

© Manba.

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

YURIDIK TAʼLIM / Rasmiy kanal

🏛️ «Yuridik taʼlim»™️ mustaqil loyihasining telegramdagi rasmiy sahifasi. 🏢 Yuridik taʼlimga oid eng muhim va eng so'nggi xabarlar. ✅ Reklama: 📥 @YT_Rek 📩 Murojaat uchun: @YuTA_Admin

1.2k 0 19 21

YURIDIK TAʼLIM / Rasmiy kanal

31 Jan, 10:48

⚡️✅ TDYU ga o'qishni qanday «Перевод» qilish mumkin ?!

💻 «Yuridik ta'lim» kanaliga eng ko'p keladigan savollardan biri: «Davlat OTM dagi o'qishimni qanday qilib TDYU ga ko'chirsam bo'ladi ?!» mazmunidagi savollar tashkil qiladi.

📊 Bugun bu jarayon qanday amalga oshirilishini qisqacha tushuntirib o'tamiz.

🏢 TDYUga O‘zbekistonning boshqa oliy ta’lim muassasasidan yoki xorijiy oliy ta’lim muassasasidan o‘qishni o‘tkazish O‘zbekiston Respublikasi Vazirlar Mahkamasining 2017 yil 20 iyundagi 393-son qarori bilan tasdiqlangan «Oliy ta’lim muassasalari talabalari o‘qishini ko‘chirish, qayta tiklash va o‘qishdan chetlashtirish tartibi to‘g‘risida»gi Nizomga asosan amalga oshiriladi.

📬 Oliy ta’lim muassasalari talabalarining o‘qishini ko‘chirish bo‘yicha arizalarni topshirish va ko‘rib chiqish quyidagicha amalga oshiriladi:

➖ o‘qishini ko‘chirish bo‘yicha arizalarni taqdim etish — har yili 15 iyuldan 5 avgustga qadar amalga oshiriladi;
➖ arizalarni oliy ta’lim muassasasi, tegishli vazirlik (idora) yoki Idoralararo komissiya tomonidan ko‘rib chiqib, qaror qabul qilish — har yili 5 avgustdan 30 avgustga qadar amalga oshiriladi.

✅ Davlat OTM laridan TDYU ga o'qishni ko'chirish faqatgina quyidagi uzrli sabablarga ko'ra ruxsat etiladi:

◾️bir hududdan ikkinchi hududga doimiy yashash uchun yoki turmushga chiqish munosabati bilan ko‘chib o‘tganda,
◾️turmush o‘rtog‘i yoki ota-onasi harbiy xizmat o‘tash joyini o‘zgartirganda,
◾️ota-onasi (turmush o‘rtog‘i) xorijdagi davlat xizmatidan qaytganda).

Ushbu sabablar bilan, bahorgi semestrda o‘quv mashg‘ulotlari boshlanishidan oldin ham amalga oshirilishi mumkin. Bunda: o‘qishini ko‘chirish bo‘yicha ariza topshirish — har yili 20 dekabrdan keyingi yilning 20 yanvariga qadar;

➖ o‘qishini ko‘chirish bo‘yicha arizani ko‘rib chiqib, qaror qabul qilish — har yili 25 yanvardan 15 fevralga qadar amalga oshiriladi.

© Manba: «Yuridik ta'lim» kanali tomonidan tayyorlandi.

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

3.2k 0 28 10 22

YURIDIK TAʼLIM / Rasmiy kanal

30 Jan, 08:34

Yuridik texnikumlarda jiddiy muammolar: Yuridik texnikumlar o'qituvchilarsiz qolishi mumkin.

Prezidentning 2024-yil 16-oktyabrdagi “Kasbiy taʼlimda malakali kadrlar tayyorlash tizimini yanada takomillashtirish va xalqaro taʼlim dasturlarini joriy qilish chora-tadbirlari toʻgʻrisida”gi PF-158-sonli farmoni ijrosida bir muammo kelib chiqyapti.

Bu farmonga asosan 2025-yil 1-yanvardan boshlab, boshqa vazirlik va idoralar tasarrufidagi koʻplab kollej va texnikumlar Oliy taʼlim, fan va innovatsiyalar vazirligi tasarrufiga oʻtgan. Jumladan, Adliya vazirligi tarkibidagi Yuridik texnikumlar ham Oliy taʼlim, fan va innovatsiyalar vazirligi ixtiyoriga oʻtkazildi.

Biroq, hozir Yuridik texnikumlarning pedagog xodimlari mehnatiga haq toʻlashda jiddiy muammo kelib chiqyapti. Qanday muammo deb soʻrasangiz, qisqacha tushuntiraman.

Hozir boshqa texnikumlar qatori Yuridik texnikumlarning pedagog xodimlariga haq toʻlash jarayonini ham tarifikatsiya tizimiga oʻtkazish jarayoni ketmoqda.

Qarang, Yuridik texnikumlar 2019-yildan kredit-modul tizimiga oʻtgan boʻlib, bu yerdagi pedagog xodimlarning 2024-2025-yildagi oʻquv yuklamasi, ularning shaxsiy ish rejasi hamda dars soatlaridan kelib chiqib, yil davomida ularga toʻlanadigan ish xaqi summalari 2024-2025 oʻquv yili boshida tasdiqlangan. Aynan shu reja-dasturlardan kelib chiqib, bu pedagoglar oʻquv yili boshida oʻz faoliyatini boshlagan. Oʻquv yili davomida ularga toʻlanadigan oylik ish haqlari ham oʻquv yili boshidagi kredit-modul tizimi asosida taqsimlab chiqilgan.

Masala shundaki, ayrim yuridik fanlar 1 semestr davomida, yaʼni 2025-yilning 1-yanvarigacha oʻtib boʻlingan va ular boʻyicha dars soatlari tugagan. Shuning hisobiga, agar yuridik texnikumlar 2-semestrdan (2025-yil yanvardan) tarifikatsiyaga oʻtadigan boʻlsa, oʻz-oʻzidan yuridik taʼlim beradigan pedagog-ustozlarning dars soatlari keskin qisqarib ketadi.

Natijada ushbu oʻqituvchilarga 0,5 stavkalik hajm boʻyicha ish haqi toʻlashga toʻgʻri keladi. Bu taxminan 1,5 mln. soʻm atrofidagi oylik ish haqi degani. Yuridik taʼlim beradigan pedagoglarning barchasi oliy yuridik maʼlumotli mutaxassis ekanini hisobga olsak, bu ular uchun juda kam ish haqi degani. Juda-juda kam.

Shu sababli biz ayni paytda joylardagi Yuridik texnikumlarning oliy yuridik maʼlumotli va malakali pedagoglarini toʻliq yoʻqotish arafasida turibmiz. Toʻgʻrisida, ular koʻchaga chiqib, qaysidir tashkilotda yuristlik qilsa ham, 4-5 mln soʻm oylik oladi. Hozir mana shunday achinarli vaziyatda turibmiz.

Masʼullarga murojaatim: keling vaziyatga real koʻz bilan qaraylik, koʻrinib turibdiki, Yuridik texnikumlar faoliyatini hozir, oʻquv yili davom etayotgan bir vaqtda tarifikatsiyaga oʻtkazish imkoni yoʻq.

Shunday ekan, nazarimda tarifikatsiyaga keyingi – 2025-2026 oʻquv yilidan boshlab oʻtish haqida rasmiy tushuntirish berilishi kerak.

Aks holda, bu yerdagi asosiy tarkib pedagoglarining ommaviy ravishda boʻshab ketish ehtimoli bor.

© Huquqshunos Saidali Muxtoraliyev

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

4.4k 1 63 22 77

YURIDIK TAʼLIM / Rasmiy kanal

30 Jan, 07:17

Bugun, 30-yanvar O‘zbekiston Respublikasining birinchi prezidenti Islom Abdug'aniyevich Karimovning tavallud kuni.

Islom Karimov 87 yoshni qarshi olgan bo‘lar edi...

Eslatib o‘tamiz, Islom Karimov 1938-yilning 30-yanvar kuni Samarqandda tavallud topgan, 2016-yilning 2-sentyabr kuni Toshkentda vafot etgan.

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

4.9k 0 49 1 134

YURIDIK TAʼLIM / Rasmiy kanal

29 Jan, 09:40

03:44

Video is unavailable for watching

Show in Telegram

⚡️✅ Rasman: 1-fevraldan Oʻzbekiston Respublikasi Huquqni muhofaza qilish akademiyasi bakalavriati “Tergov faoliyati” yoʻnalishiga 2025-yilgi qabul boshlanadi.

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

5.7k 0 172 118 59

YURIDIK TAʼLIM / Rasmiy kanal

29 Jan, 08:26

⚡️Fuqaro o'z familiyasi yoki ismini oʻzgartirishi mumkinmi ?!

🔹 Oila kodeksining 28-bobiga binoan, har bir fuqaro familiya, ism va ota ismini oʻzgartirish huquqiga ega.
Oʻn olti yoshga toʻlgan shaxs familiya va ismini oʻzgartirish haqida oʻzi yashab turgan joydagi FXDYO organiga ariza berishi lozim.
Arizaga tugʻilganlik haqidagi guvohnoma, pasport nusxasi, ota ona nikoh qogʻozi, ota ona pasporti nusxasi, 1 dona (3x4 oʻlchamli) fotosurat ilova qilinadi.
Hujjatlar FXDYO tomonidan Ichki ishlar boʻlimiga yuborilib, Ichki ishlar organi taqdim qilingan hujjatlarni 20 kun mobaynida oʻrganib chiqadi, ariza beruvchining familiyasi, ismi, ota ismini oʻzgartirish xususida asoslangan xulosa tuzadi va uni FHDYO organiga axborot tizimi orqali taqdim etadi. Shu xulosa asosida FXDYO boʻlimi tomonidan yangi familiya yoki ism beriladi. Ariza berilgan kundan boshlab bir oy mobaynida, uzrli sabablar (ishni rasmiylashtirish uchun zarur boʻlgan dalolatnoma yozuvi nusxalarining boshqa FHDYO organlaridan, ichki ishlar organlari xulosasining kechikib olinishi va boshqalar) mavjud boʻlganda FHDYO organi mudiri ushbu muddatni oʻn besh kundan koʻp boʻlmagan muddatga uzaytirishi mumkin.
❗️ Familiya va otaning ismini oʻzgartirish rad etilganda sud tartibida shikoyat qilinishi mumkin.

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

4.9k 0 61 30

YURIDIK TAʼLIM / Rasmiy kanal

28 Jan, 06:35

Gumondor yoki Gumonlanuvchi ?!

Sobiq shoʻrolar davrida turli sohalarga doir terminlar rus tilidan toʻgʻridan-toʻgʻri tarjima qilingan. Buning ortidan shakl va mazmuni nomutanosib boʻlgan terminlarga koʻp duch kelamiz. Shulardan biri rus tiliga oid подозреваемый yuridik terminining mustamlakachilik davrida oʻzbek tiliga gumondor deb notoʻgʻri tarjima qilinishidir.

Gumondor soʻzining gumon qilinuvchi shaxsga ishlatilishi xato. Chunki fors tilidan olingan -dor qoʻshimchasi shaxs yoki predmetning biron narsaga egalik maʼnosini anglatadi. Masalan: xabardor — xabarga ega, aybdor — aybi bor, mansabdor — mansabga ega, homilador — homilasi bor.

Demak, gumondor bu biror kim/narsadan gumon qilinayotgan kimsa emas, balki oʻzida biror kim/narsaga nisbatan gumoni bor odam.

1995-yildan boshlab qonunchilikda xato qoʻllangan gumondor soʻzi oʻrniga gumon qilinuvchi birikmasidan (baʼzida gumonlanuvchi soʻzidan) foydalaniladi va bu toʻgʻri qaror.

Tilning soʻz boyligi oshishida badiiy asarlarning roli katta. Aksariyat soʻzlar ilk bora adiblar tomonidan oʻz asarida qoʻllanadi va u orqali keng tarqaladi. Gumondor soʻzining deyarli barcha jamiyatimiz aʼzolari tomonidan nooʻrin ishlatilishiga asosiy sabab ham avval badiiy asarlarda, soʻng boshqa uslub matnlarida xato ishlatib kelinishi boʻlsa kerak.

— Gumondor bormi? – dedi usta.
— Gumondor-ku yoʻq, ammo bechoraning oʻlimi juda qiziq kunga toʻgʻri kelishi ajib, – dedi usta Farfi.
A. Qodiriy, “Oʻtkan kunlar”.

———————————————

Demak, gumon ostidagi shaxs —
• Gumondor ❌
• Gumon qilinuvchi ✅
• Gumonlanuvchi ✅

© Xatoliklar

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

5.2k 0 43 34

YURIDIK TAʼLIM / Rasmiy kanal

27 Jan, 11:16

⚡️✅ Huquqni muhofaza qilish akademiyasida “Kiberxavfsizlikni huquqiy taʼminlash” magistratura mutaxassisligi ochiladi.

“Raqamli texnologiyalar vositasida sodir etiladigan jinoyatlarga qarshi kurashish sohasi uchun professional kadrlar tayyorlash tizimini joriy etish chora-tadbirlari toʻgʻrisida”gi Prezident qarori (17-son, 22.01.2025 y.) qabul qilindi

🏢 Qarorga koʻra, 2025/2026 oʻquv yilidan har yilgi qabul parametrlari (kvotalari) doirasida quyidagi yoʻnalish va mutaxassislik joriy etiladi:

🔹Ichki ishlar vazirligi Akademiyasida bakalavriatning “yurisprudensiya” taʼlim yoʻnalishida oʻqish muddati toʻrt yilni tashkil etadigan “Raqamli texnologiyalar sohasida jinoyatlarga qarshi kurashish faoliyati” yoʻnalishi;

🔹Oʻzbekiston Respublikasi Huquqni muhofaza qilish akademiyasida oʻqish muddati bir yilni tashkil etadigan “Kiberxavfsizlikni huquqiy taʼminlash” magistratura mutaxassisligi.

✅ Isteʼdodli nomzodlarga quyidagi imtiyozlar taqdim etiladi:

▪️“Raqamli texnologiyalar sohasida jinoyatlarga qarshi kurashish faoliyati” yoʻnalishiga matematika, informatika, dasturlash va axborot texnologiyalari boʻyicha nufuzli xalqaro, mintaqaviy hamda respublika olimpiadalari sovrindorlarini dastlabki tanlovdan muvaffaqiyatli oʻtgandan soʻng oʻqishga yakka tartibdagi yakuniy suhbatsiz qabul qilinadi;

▪️“Kiberxavfsizlikni huquqiy taʼminlash” magistratura mutaxassisligiga Raqamli texnologiyalari vazirligi tomonidan belgilanadigan nufuzli xalqaro IT-sertifikatga ega nomzodlarni tanlovning mutaxassislik fanlari boʻyicha “informatika va axborot texnologiyalari” fanidan imtihon topshirishdan ozod etiladi.

🗓 2025-yil 1-iyulgacha IIV Akademiyasi tuzilmasida mavjud shtatlar doirasida kiberhuquq, aniq fanlar, raqamli texnologiyalar va axborot xavfsizligi hamda kriminalistik ekspertizalar kafedralarini oʻz ichiga oluvchi Kiberxavfsizlik va raqamli kriminalistika fakulteti tashkil etiladi.

🖥 Huquqni muhofaza qilish akademiyasining axborot-taʼlim portali orqali surishtiruvchilar, tergovchilar hamda prokuratura organlarining tezkor-qidiruv faoliyatini amalga oshiruvchi xodimlari uchun masofaviy shaklda “Raqamli kriminalistika” yoʻnalishi boʻyicha doimiy maxsus oʻquv kurslari tashkil etiladi.

5.7k 0 58 12 35

YURIDIK TAʼLIM / Rasmiy kanal

27 Jan, 06:29

⚡️✅ Organ xodimlari tomonidan to'g'ridan-togr'i ushlanishi yoki olib ketilishi mumkin bo'lmagan shaxslar.

🏛 Deputatlar;

🏛 O‘zbekiston Respublikasi Oliy Majlisi Senati a’zolari;

🏛 O‘zbekiston Respublikasi Oliy Majlisining Inson huquqlari bo‘yicha vakili (ombudsman);

🏛 O‘zbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish bo‘yicha vakil;

🇺🇿 sudyalar;

👮 prokurorlar.

📊 Ushbu shaxslarning immunitet huquqi va daxlsizlik huquqi mavjud bo'lib, ushlab turilishi hamda ichki ishlar organiga yoki huquqni muhofaza qiluvchi boshqa organga olib ketilishi mumkin emas.

💻 Mazkur taqiq mazkur shaxslar jinoyat ustida yoki bevosita uni sodir etganidan keyin qo‘lga tushgan hollarda tatbiq etilmaydi.

📑 Asos: O'zbekiston Respublikasi Jinoyat protsessual Kodeksi.

© Manba: «Yuridik ta'lim»

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

5.8k 0 57 3 45

YURIDIK TAʼLIM / Rasmiy kanal

26 Jan, 17:15

Xotin-qizlar ham DXXga ishga kirishi mumkinmi?

Davlat xavfsizlik xizmatiga ishga kirish tartibi haqida to'xtaladigan bo'lsak, “Davlat xavfsizlik xizmati toʻgʻrisida”gi qonunning 40-moddasiga ko'ra Davlat xavfsizlik xizmatiga harbiy xizmatga (ishga) qabul qilinayotgan, shuningdek Davlat xavfsizlik xizmati toʻgʻrisidagi maʼlumotlardan foydalanishiga ijozat beriladigan Oʻzbekiston Respublikasi fuqarolari, agar qonun hujjatlarida boshqacha tartib nazarda tutilmagan boʻlsa, davlat sirlarini tashkil etuvchi maʼlumotlardan foydalanishga ijozatni rasmiylashtirish tartib-taomilidan oʻtadi. Mazkur normaga muvofiq, fuqarolarni ishga qabul qilish tartib-taomili sir tutilishi belgilangan.

Fuqarolarni Davlat xavfsizlik xizmatiga xizmatga qabul qilish, ularni lavozimga tayinlash, mansabini ko‘tarish va boshqa lavozimga o‘tkazish ularning jinsi, irqi, millati, tili, dini, ijtimoiy kelib chiqishi, shaxsiy va ijtimoiy holatidan qat’i nazar amalga oshiriladi. Davlat xavfsizlik xizmatining harbiy xizmatchilariga nisbatan maxsus talablar Davlat xavfsizlik xizmati raisi tomonidan belgilanadi

DXX ga ishga qabul qilish masalasida qay tartibda oʻtishi, ishga kirishda qanday talablar qoʻyilishi shuning bilan birga qaysi soha mutaxasisslari ishga qabul qilinishi maxfiy maʼlumot hisoblanadi.

O'zbekiston Respublikasi Konstitutsiyasi 58-modda.
Xotin-qizlar va erkaklar teng huquqlidir. Davlat xotin-qizlar va erkaklarga jamiyat hamda davlat ishlarini boshqarishda, shuningdek jamiyat va davlat hayotining boshqa sohalarida teng huquq va imkoniyatlarini ta'minlaydi.

Xullosa shuki, Davlat xavfsizlik xizmati oganlariga xotin-qizlarni ishga qabul qilishga oid hech qanday taqiq qo'yilmagan, DXXga ishga qabul qilish jinsi sababli rad etilmaydi.

© Yurisprudensiya.

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

5.6k 0 38 22 52

YURIDIK TAʼLIM / Rasmiy kanal

26 Jan, 15:35

Yuristlar qiziqadigan, tergovchilar doim so'raydigan Alibi nima ?!

Alibi (lotincha alibi - "boshqa yerda") - biror jinoyatda ishtiroki bor deb gumon qilingan yoki ayblanayotgan shaxsning jinoyat sodir boʻlgan joyda boʻlmaganidan va uning aybsizligidan dalolat beradi. Jinoyat yuz bergan vaqtda ayblanuvchi mutlaqo boshqa joyda boʻlgani isbotlansa, alibi aniqlangan hisoblanadi va unga nisbatan jinoiy taʼqib olib borish toʻxtaydi.

Biroq, jinoyat qilingan paytdan ayblanuvchi boshqa joyda koʻringanligi oʻrtasida tegishli vaqt oʻtgan boʻlsa, jinoyat qilishda boshqa yoʻl bilan yoki bilvosita ishtirok etganligi tasdiqlansa, bu hol ayblovni rad etolmaydi.

Agata Kristi "Kutubxonadagi qotillik" asarida "Aynan aybsizlarda alibi boʻlmaydi. Qotillik vaqti biroz surib qoʻyilsa, bas." deb mohirona taʼrif bergan.

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

5.7k 0 72 45

YURIDIK TAʼLIM / Rasmiy kanal

26 Jan, 13:23

⚡️✅ Prokuratura haqida asosiy ma'lumotlar.

📊 O‘zbekiston Respublikasi hududida qonunlarning aniq va bir xilda bajarilishi ustidan nazoratni O‘zbekiston Respublikasining Bosh prokurori va unga bo‘ysunuvchi prokurorlar amalga oshiradi.

📊 Bosh Prokuror va Prokurorlarning vakolat muddati — 5 yil.

📊 Bir shaxs surunkasiga 2 muddatdan ortiq Bosh prokuror bo'lishi mumkin emas.

📊 Prokuratura organlari o'z faoliyatlarini mustaqil, faqat Konstitutsiyasiga va qonunlariga bo‘ysungan holda amalga oshiradi.

📊 Prokurorlar o‘z vakolatlari davrida siyosiy partiyalarga va siyosiy maqsadlarni ko‘zlovchi boshqa jamoat birlashmalariga a’zo bo'lishlari mumkin emas.

📊 Bosh Prokurorni lavozimiga Prezident tayinlaydi (Senat tasdiqidan so'ng). O'zbekiston Harbiy Prokurorini ham Prezident tayinlaydi va lavozimidan ozod etadi. Qolgan deyarli barcha Prokurorlarni Bosh Prokurorning o'zi lavozimga tayinlanadi va lavozimidan ozod etadi.

© Manba: «Yuridik ta'lim» kanali tomonidan tayyorlandi.

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

4.8k 0 62 9 52

YURIDIK TAʼLIM / Rasmiy kanal

25 Jan, 15:37

⚖️ Advokat u kim ?

Advokat (lotincha advochatus - advocho soʻzidan olingan boʻlib - taklif qilaman, himoya qilmoq, yordamga chaqirmoq) belgilangan tartibda advokatlik maqomini olgan, jismoniy va yuridik shaxslarga malakali huquqiy yordam koʻrsatish hamda ularning huquqlari, qonuniy manfaatlarini sudda himoya qilishga vakil boʻlgan shaxs.

Advokatlik kasb sifatida qadim zamonlardan beri maʼlum (qadimgi Rim).

Zamonaviy advokat - malakali huquqiy yordamni taklif qiluvchi va keng qamrovli mutaxassis hisoblanadi. U fuqarolik, maʼmuriy, oila, mehnat munosabatlarida huquqiy yordam koʻrsatsa, jinoyat huquqida ayblovdan himoya qilish va yetkazilgan moddiy va maʼnaviy zararlarni undirishga koʻmaklashadi.

Advokat termini birinchi marotaba Petr-I davrida 1716-yilda ishlatilgan ekan.

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

6.4k 0 84 47

YURIDIK TAʼLIM / Rasmiy kanal

25 Jan, 07:17

⚡️✅ «Yurisprudensiya» abituriyentlari diqqatiga: Bojxona institutiga o'qishga kirish uchun arizalar qabul qilish davom etmoqda.

📬 Bojxona institutiga o‘qishga kirish uchun arizalar 2025 yilning 1 yanvaridan – 1 apreliga qadar davom etadi.

📥 Nomzodlar qabul bo'yicha doimiy yashash, o‘qish, muddatli harbiy xizmat o‘tayotgan hududda joylashgan bojxona boshqarmalariga murojaat etishlari mumkin.

◾️ Maʼlumot olish uchun, Hududiy bojxona boshqarmalarining telefon raqamlari Bojxona qo‘mitasining veb-sayti (https://customs.uz/uz/) “Hududiy boshqarmalar” ruknida qayd etilgan.

🏢 Institutda o‘qish kunduzgi shaklda, ta’lim muddati 4 yil, iqtisodchi va huquqshunos mutaxassisliklari bo‘yicha tayyorlanadi. O‘qishga qabul qilinganlar to‘liq davlat granti asosida o‘qitilib, bepul formali-kiyim bosh va oziq-ovqat bilan ta’minlanadi hamda tibbiy xizmat ko‘rsatiladi.

📊 Bojxona institutida o‘qish davri bojxona organlarida xizmat qilgan davrga qo‘shiladi.

💻 Talabgorlar bojxona institutiga tanlov bosqichlari va belgilangan me’yorlar bilan Bojxona instituti bakalavriatiga o‘qishga qabul qilish tartibi to‘g‘risidagi Nizom orqali batafsil ma’lumot olishingiz mumkin.

✅ «Yuridik ta'lim»: Eslatib o'tamiz Bojxona qo'mitasining Bojxona institutida 2024-2025-o'quv yilidan boshlab, «Yurisprudensiya: iqtisodiy xavfsizlikni huquqiy ta'minlash» ta'lim yo‘nalishiga fanlar majmuasi asosiy fanlari quyidagicha belgilangan:

◾️ 1—fan: «Huquqshunoslik fanlari».
◾️ 2—fan: «Chet tili»

♻️ Abituriyentlarga yuboramiz.

© Manba: «Yuridik ta'lim».

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

6.5k 0 136 38 40

YURIDIK TAʼLIM / Rasmiy kanal

24 Jan, 13:56

Rankings TOP-1000_2025.pdf

1.3Mb

⚡️Diplomlari to‘g‘ridan to‘g‘ri tan olinadigan TOP-1000 talikka kirgan OTMlar ro‘yxati

Oliy ta’lim, fan va innovatsiyalar vazirligi tomonidan 2025-yil uchun tasdiqlangan xalqaro e’tirof etilgan tashkilotlarning (Quacquarelli Symonds World University Rankings, Times Higher Education, Academic Ranking of World Universities) reytingida oliy ta’lim muassasalari orasida birinchi 1 000 o‘rinni egallagan xorijiy oliy ta’lim muassasalari ro‘yxati tasdiqlandi.

Ushbu ro‘yxat 2025-yil uchun e’lon qilingan bo‘lib, har yili yangilanib turadi.

Ma’lumot uchun, TOP-1000 oliygohlarni tamomlagan talabalarning diplomlari O‘zbekistonda imtihon sinovlarisiz tan olinadi (nostrifikatsiya qilinadi).

5.8k 0 54 25 37

YURIDIK TAʼLIM / Rasmiy kanal

24 Jan, 11:53

✅ O'zbekiston Respublikasi Konstitutsiyasining tuzilishi.

Muqaddima

📝BIRINCHI BO'LIM .ASOSIY PRINSIPLAR .
📌1-bob. Davlat suvereniteti (1-6-moddalar)
📌2-bob. XaIq hokimyatchiligi (7-14-moddalar)
📌3-bob. Konstitutsiya va qonunning ustunligi (15-16-moddalar).
📌4-bob. Tashqi siyosat (17-18-moddalar)

📝IKKINCHI BO'LIM . INSON VA FUQARONING ASOSIY HUQUQLARI, ERKINLIKLARI VA BURCHLARI.
📌5-bob. Umumiy qoidalar (19-21-moddalar).
📌6-bob. Fuqarolik (22-24-moddalar)
📌7-bob Shaxsiy huquq va erkinliklar (25-35-moddalar).
📌8-bob. Siyosiy huquqlar (36-40-moddalar)
📌9-bob. Iqtisodiy , ijtimoiy , madaniy va ekologik huquqlar (41-53-moddalar).
📌10-bob. Inson hamda fuqaroning huquq va erkinliklari kafolatlari (54-58-moddalar).
📌11-bob. Fuqarolarning burchlari (59-64-moddalar).

📝UCHINCHI BO'LIM. JAMIYAT VA SHAXS
📌12-bob. Jamiyatning iqtisodiy negizlari (65-68-moddalar).
📌13-bob. Fuqarolik jamiyati institutlari (69-75-moddalar)
📌14-bob. Oila, bolalar va yoshlar (76-80-moddalar).
📌15-bob. Ommaviy axborot vositalari (81-82-moddalar)(@yuridik_talim).

📝TO'RTINCHI BO'LIM. MA'MURIY-HUDUDIY VA DAVLAT TUZILISHI
📌16-bob. O'zbekiston Respublikasining ma'muriy-hududiy tuzilishi (83-84-moddalar).
📌17-bob. Qoragalpog'iston Respublikasi (85-90-moddalar)

📝BESHINCHI BO'LIM . DAVLAT HOKIMYATINING TASHKIL ETILISHI .
📌18-bob. O'zbekiston Respublikasi Olly Majlisi (91-104-moddalar).
📌19-bob. O'zbekiston Respublikasi Prezidenti (105-113-moddalar).
📌20-bob. O'zbekiston Respublikasi Vazirlar Mahkamasi (114-119-moddalar)
📌21-bob. Mahalliy davlat hokimiyati asoslari. Fuqarolarning o'zini o'zi boshqarish organlari (120-127-moddalar).
📌22-bob. Saylov tizimi (128-129-moddalar).
📌23-bob. Sud hokimyati (130-140-moddalar).
📌24-bob. Advokatura (141-142-moddalar).
📌25-bob. Prokuratura (143-146-moddalar).
📌26-bob. Moliya, pul va bank tizimi (147-151-moddalar)
📌27-bob. Mudofaa va xavfsizlik (152-153-moddalar)

📝OLTINCHI BO'LIM . KONSTITUTSIYANI O'ZGARTIRISH TARTIBI (154-155-moddalar).

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

6.3k 0 195 1 37

YURIDIK TAʼLIM / Rasmiy kanal

23 Jan, 14:22

✅ Diskriminatsiya nima ?!

📊 Diskriminatsiyaga uchragan. Bu soʻzni koʻp eshitganmiz, u qanday maʼnoni anglatadi?
Diskriminatsiya (lot. dischriminatio – cheklash, kamsitish) – odatda davlatning, yuridik yoki jismoniy shaxslarning huquqlari boshqa davlatlar, yuridik yoki jismoniy shaxslarga nisbatan kamsitilishini anglatadigan umumhuquqiy atama.
Diskriminatsiya - odamlar bilan bir xil vaziyatda turlicha munosabatda boʻlish bilan ajralib turadi. YAʼni bir guruh odamlar bilan yaxshi munosabatda boʻlinib, ayrimlari bilan ularni qaysidir guruh yoxud toifaga ajratgan holda yomonroq munosabatda boʻlganda yuzaga keladi. Odamlar yoshi, nogironligi, millati, kelib chiqishi, siyosiy qarashlari, irqi, dini, jinsi, tili, madaniyati va boshqa koʻplab sabablarga koʻra diskriminatsiyaga yaʼni kamsitilishga uchrashi mumkin.

© «Inson huquqi»

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

5.8k 0 56 1 68

YURIDIK TAʼLIM / Rasmiy kanal

23 Jan, 08:09

Magistraturaga kirishdagi amaliyot endi adolatsizlik tamoyiliga aylanib bormoqda

Maʼlumki, hozirda magistraturaga o'qishga kirish uchun bakalavriat diplomi bali va til sertifikatidagi ball inobatga olinadi hamda hech qanday test sinovlari amalga oshirilamaydi❌

💵Buni joriy etishdan maqsad magistraturga o'qishga kirishda OTMlardagi mavjud korrupsion holatlarning oldini olish edi va bunga erishildi, ammo tanganing ikkinchi tomoni yuzaga chiqa boshladi.

📈 Oddiy misol: Rektor Kanyazov davrida (2013-2019) Toshkent davlat yuridik universitetini tamomlaganlarning diplom balli maksimal 85 dan oshmaydi. Ammo hozirda yuridik yoʻnalishda magistrga kirishda yetarli ball to'plash uchun diplom balingiz kamida 95-100 ball talab qilinmoqda.

Bu esa turli xil yillardagi baholash mezonlari, rektorlarning siyosiy qarashlari hamda ta'limdagi o'zgarishlar sabab o'qishga kirishdagi notenglikni yuzaga keltirmoqda. Natijada haqiqatdan bilimi yetarli biroq diplom bali 90 atrofida bo'lmaganlar o'qishga kira olmay qolib ketyapti.

So'nggi yillardagi statistikani qaraydigan bo'lsak, aynan test tizimi yo'qolganidan so'ngi yillarda berilgan diplom ballar ancha yuqorilab ketgan. Bu esa shunchaki tasodif emasligini tushunish qiyin emas. Bundan tashqari, magistraturani turdosh yoʻnalishlarni bitirganlar bosib ketdi, bu esa test tizimisiz miyyasida mutaxassislikdan alif ham bo'lmagan talabgorlarning diplom bali bilan o'qishga kirib ketishlariga sabab bo'lmoqda.

✔️ Shu sababli, magistraturaga kirishda mutaxassislik boʻyicha test sinovlarini joriy etish kerak. Korrupsion holatlarning oldini olish uchun bu mas'uliyatni OTMlarga emas Bilim va baholarni malakash agentligiga topshirish kerak. Shunda odamlarda korrupsiyaga nistaban e'tirozlar u qadar ko'p bo'lmaydi degan fikrdaman.

Xoʻsh, Siz qanday fikrdasiz?

© «Magistrlar official»

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

6.3k 0 28 4 76

YURIDIK TAʼLIM / Rasmiy kanal

22 Jan, 16:06

Notarial palata 5 yoshda

Prezidentning 2019-yil 9-sentyabrdagi farmoni asosida 2020-yil 22-yanvar kuni Notarial palata tashkil etilgan edi.

5 yil davomida Palataga a'zo bo‘lgan xususiy notariuslar soni 1110 nafarga yetdi.

So‘nggi yillarda ijobiy tomonga keskin o‘zgargan sohalardan biri aynan notarial soha bo‘lganini e’tirof etish adolatdan bo‘lar edi. Hammaning yodida bo‘lsa kerak, avvallari notarius deganda oyog‘i yerdan uzilgan, odamlarni bir tiyinga olmaydigan, qo‘pol hamda muomala madaniyatini bilmaydigan, mijozlarni soatlab, ba’zan kunlab kuttiradigan, xizmatlari uchun og‘ziga sig‘gan narxni o‘zi belgilaydigan, bundan norozi bo‘lganingizda esa "yoqmasa, katta ko‘cha" deb xizmat ko‘rsatishni rad etadigan insonlar ko‘z oldimizga kelar edi. Hozir buning mutlaqo teskarisi. Oldingidek notariuslar yakkam-dukkam qayerlardadir qolib ketgan bo‘lmasa, umumiy holat ancha sog‘lomlashdi.

Hozir hattoki notarial xizmatlarni onlayn ko‘rsatish ham mumkin bo‘lmoqda, ovora bo‘lib notariusning oldiga borish ham shart emas. Bir necha yil oldin bu salkam fantastika edi.

Davlat monopoliyasi bekor qilinib, xususiy sektorga ruxsat berilishi va buning ortidan sog‘lom raqobat paydo bo‘lishi o‘z so‘zini aytdi. Bunga ishonmaganlar, xususiy desa darrov firibgarlarni tushunadiganlarning xavotiri asossiz bo‘lib chiqdi. Mabodo bironta qo‘li egri notariusning ko‘nglida qing‘irlik xohishi bo‘lsa ham, amalda buni qila olmaydigan elektron tizim yaratilmoqda.

Albatta, hali oldinda qilinadigan ishlar juda ko‘p. Tizimni sog‘lomlashtirish, firibgarlardan tozalash, notariuslarni xalqqa yaqinlashtirish, xizmatlar sifatini oshirish, zamonaviy texnologiyalarni joriy etish borasida Notarial palata faoliyatiga omadlar tilayman.

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

6.6k 0 33 35

YURIDIK TAʼLIM / Rasmiy kanal

22 Jan, 10:57

⚡️✅ Daʼvogar kimu, javobgar kim ?

Daʼvogar (ariza beruvchi) va javobgar fuqarolik sud ishlarini yuritishda taraflar hisoblanishadi.

💻 Daʼvogar - oʻzining buzilgan yoki nizolashilayotgan huquqlarini yoxud qonun bilan qoʻriqlanadigan manfaatlarini himoya qilish maqsadida sudga murojaat etgan yoinki manfaatini koʻzlab ish qoʻzgʻatgan shaxs.

📥 Oʻziga nisbatan (daʼvogarning buzilgan huquqlari va qonun bilan qoʻriqlanadigan manfaatlari yuzasidan) talab taqdim etilgan shaxs Javobgardir.

Oddiy: Shaxsga nisbatan kimdir sudga daʼvo bilan chiqsa, u holda daʼvo boʻyicha javob beruvchi taraf javobgar boʻladi.

© Manba: «Inson huquqi».

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

6.6k 1 50 28

Продам канал с доходом 138090

TGStat Bot

SearcheeBot

YURIDIK TAʼLIM / Rasmiy kanal

Channel's geo and language

Category

YURIDIK TAʼLIM / Rasmiy kanal

YURIDIK TAʼLIM / Rasmiy kanal

YURIDIK TAʼLIM / Rasmiy kanal

YURIDIK TAʼLIM / Rasmiy kanal

YURIDIK TAʼLIM / Rasmiy kanal

YURIDIK TAʼLIM / Rasmiy kanal

YURIDIK TAʼLIM / Rasmiy kanal

YURIDIK TAʼLIM / Rasmiy kanal

YURIDIK TAʼLIM / Rasmiy kanal

YURIDIK TAʼLIM / Rasmiy kanal

YURIDIK TAʼLIM / Rasmiy kanal

YURIDIK TAʼLIM / Rasmiy kanal

YURIDIK TAʼLIM / Rasmiy kanal

YURIDIK TAʼLIM / Rasmiy kanal

YURIDIK TAʼLIM / Rasmiy kanal

YURIDIK TAʼLIM / Rasmiy kanal

YURIDIK TAʼLIM / Rasmiy kanal

YURIDIK TAʼLIM / Rasmiy kanal

YURIDIK TAʼLIM / Rasmiy kanal

YURIDIK TAʼLIM / Rasmiy kanal

28 003

Popular in the channel

Site language

Продам канал с доходом 138090

TGStat Bot

SearcheeBot

YURIDIK TAʼLIM / Rasmiy kanal

Channel's geo and language

Category

28 003

Popular in the channel