Yosh yuristlar jamoat birlashmasi

NODAVLAT NOTIJORAT TASHKILOTLARI FAOLIYATIGA ARALASHISH JAVOBGARLIKNI KELTIRIB CHIQARADI

Bugungi kunda fuqarolik jamiyati institutlari sohasiga oid qonunchilik normalarini takomillashtirilishi shiddat bilan o‘zgarib borayotgan globallashuv jarayonida ularning faoliyat ko‘rsatishiga yanada yangi imkoniyatlar yaratib berishiga olib keladi.
Fuqarolik jamiyati institutlari, xususan, nodavlat notijorat tashkilotlari bilan davlat organlari va ularning mansabdor shaxslari o‘rtasida munosabatlarning yanada yaqinlashishi, o‘zaro hamkorlik darajasini oshishiga olib keladi.
Bu esa o‘z navbatida davlat organlari mansabdor shaxslarining nodavlat notijorat tashkilotlari faoliyatiga aralashishiga, ayrim holatlarda esa ularning huquqlarini buzilishiga olib kelishi mumkin.

“Nodavlat notijorat tashkilotlari to‘g‘risida”gi O‘zbekiston Respublikasi Qonuni 4-moddasiga muvofiq, davlat organlari hamda ular mansabdor shaxslarining nodavlat notijorat tashkiloti faoliyatiga aralashishiga, xuddi shuningdek nodavlat notijorat tashkilotining davlat organlari hamda ular mansabdor shaxslarining faoliyatiga aralashishiga yo‘l qo‘yilmasligi belgilangan.
Qonunchilikda mazkur normaning mavjudligi davlat organlari mansabdor shaxslarining nodavlat notijorat tashkilotlar faoliyatiga aralashish holatlarini oldini olishda muhim ahamiyat kasb etadi.
Biroq, amaliyotda davlat organlari mansabdor shaxslarining nodavlat notijorat tashkilotlari faoliyatiga aralashish holatlari aniqlanganda yoki ularning faoliyatiga to‘sqinlik qilish holatlari sodir etilganda, davlat organlari mansabdor shaxslariga nisbatan qonunchilikda javobgarlik masalalari belgilanmaganligi sababli belgilangan tartibda javobgarlik masalasi ko‘rib chiqilmasdan qolib ketishiga olib kelmoqda.

Shu sababli, qonunchilikka nodavlat notijorat tashkilotlari faoliyatiga aralashgan davlat organlari mansabdor shaxslariga nisbatan javobgarlikni keltirib chiqaruvchi normalarni kiritish maqsadga muvofiq hisoblanadi.
Mazkur normaning qabul qilinishi natijasida:
birinchidan, nodavlat notijorat tashkilotlari faoliyatiga davlat organlari mansabdor shaxslarining aralashishiga butunlay barham beriladi;
ikkinchidan, nodavlat notijorat tashkilotlari o‘zlarining ta’sis hujjatlarida ko‘rsatib o‘tilgan maqsad va vazifalarning bajarilishiga imkon yaratiladi;
uchinchidan, nodavlat notijorat tashkilotlari bilan davlat organlari o‘rtasida o‘zaro hamkorlik aloqalari yanada kuchayadi;
to‘rtinchidan, davlat organlari tomonidan o‘zlarining maqsad va vazifalarini amalga oshirishda nodavlat notijorat tashkilotlarini ijtimoiy buyurtmalar orqali qo‘llab-quvvatlashni oshishiga olib keladi.

Bizni kuzatishda davom eting!
@yoshyuristlar

❗️ Endi, jarima ballari oshib ketsa, haydovchi transport vositasini boshqarish huquqidan mahrum qilinadi

Ma'muriy javobgarlik to‘g‘risidagi kodeksga kiritilgan qo‘shimchalarga ko‘ra, yo‘l harakati qoidalarini buzgan haydovchilarga jarima ballari hisoblanadi. Agar bu ballar 12 dan oshsa, haydovchi transport vositasini boshqarish huquqidan mahrum qilinadi.

Quyidagi holatlar uchun ma'muriy javobgarlik belgilandi:

🔹 Siqilgan tabiiy gazda, suyultirilgan neft gazida yoki dizel va gazsimon yoqilg‘i aralashmasida ishlaydigan transport vositalaridan foydalanishda xavfsizlik qoidalarini buzganlik uchun;

🔹 Transport vositasida odam tashish qoidalarini buzganlik uchun;

🔹 Transport vositalarini quvib o‘tish qoidalarini buzganlik uchun;

🔹 Yo‘l bezoriligi uchun;

🔹 Huquqni muhofaza qiluvchi organlar xodimlarining foto- va (yoki) videotasvirini ularning obro‘sizlanishiga olib keladigan tarzda buzib tarqatganlik uchun.

Yo‘l harakati qoidabuzarliklari bo‘yicha hisoblanadigan jarima ballari belgilangan miqdordan oshganligi uchun ma'muriy jazo qo‘llanilanadi. Bunda:

➖ Belgilangan huquqbuzarliklar sodir etilganligi uchun transport vositasi haydovchisiga mazkur huquqbuzarliklarda nazarda tutilgan asosiy jazo bilan birga jarima ballari hisoblanadi. Bunda sodir etilgan har bir huquqbuzarlik uchun hisoblanadigan jarima ballining eng yuqori miqdori 2 balldan oshmasligi kerak.

➖ Jarima ballari belgilangan huquqbuzarliklardan biri birinchi marta sodir etilgan kundan boshlab bir yil davomida hisoblab boriladi. Ushbu moddaning birinchi qismida nazarda tutilgan huquqbuzarliklar uchun hisoblangan jarima ballari bir yil o‘tgach transport vositasi haydovchisidan avtomatlashtirilgan tarzda yechiladi.

➖ Hisoblangan jarima ballari bir yil davomida 12 balldan oshgan holatlarda, oxirgi sodir etilgan huquqbuzarlik uchun belgilangan tartibda qo‘shimcha jazo sifatida haydovchi transport vositalarini boshqarish huquqidan mahrum qilinadi. Bunday huquqdan mahrum qilish muddati 6 oydan kam bo‘lmasligi belgilandi.


👉 @xushnudbek 👈

🟠🟠🟠🟠 🟦🟦🟦🟦🟦
2025-yil 1-yarmida Huquqshunoslik fanlaridan Milliy sertifikat imtihonlari tashkil etilmaydi.

📊BMBA tomonidan umumta'lim fanlaridan 2025-yilning 1-yarmida bo‘lib o‘tadigan sertifikat imtihonlari jadvali eʼlon qilindi.

👨‍💻Jadvalga koʻra umumta'lim fanlarini bilish darajasini aniqlash test sinovlari 9 ta – ona (o‘zbek, qoraqalpoq, rus) tili va adabiyot, matematika, fizika, kimyo, biologiya, tarix va geografiya fanlaridan milliy sertifikat imtihonlari o‘tkazilishi aytib oʻtilgan.

💻BMBA tomonidan eʼlon qilingan roʻyxatdan yangi fanlar, shuningdek Huquqshunoslik fanlaridan milliy sertifikat imtihonlari oʻtkazilishi nazarda tutilmagan.

✅Buning asosiy sababi sifatida esa «Yuridik taʼlim» kanali manbasiga koʻra Vazirlar Mahkamasining 2020-yil 12-oktabrdagi 646-son qaroriga tegishli oʻzgartirish kiritilmagani hisoblanadi. Ushbu Hukumat qaroriga Huquqshunoslik fanlaridan ham Milliy sertifikat imtihonlari tashkil etish belgilanidan soʻng bu borada yangilik boʻlishi mumkin.

© Manba: «Yuridik ta'lim».

Bizning kanalga obuna boʻling
✅@yoshyuristlar

#savolningjavobi

SAVOL: Men xotim bilan besh oydan buyon birgalikda yashamayapman, lekin xotinim hozirda homilador, shunday holatda men sudga nikohdan ajratish haqida da’vo arizasi berishim mumkinmi?

⚡️JAVOB: Yo`q.

Xotin homiladorlik vaqtida va bola tug‘ilganidan keyin bir yil mobaynida er xotinining roziligisiz nikohdan ajratish to‘g‘risida ish qo‘zg‘atishga haqli emas. Shu sababli, bunday da’vo arizasini qabul qilish sud tomonidan rad qilinadi.

✅Shu sababli bu holatda xotinning roziligi olinishi kerak. Lekin bu xotin tomonidan ariza berishni cheklamaydi.

Asos:O‘zbekiston Respublikasi Oliy sudi Plenumining qarori, 20.07.2011 yildagi 06-son. oltinchi band ikkinchi qism.

Bizni kuzatishda davom eting!
@yoshyuristlar