Ko'p oilalarda juda yomon odat bor - bolalarga gapirishlari uchun ruxsat bermaydilar va tinglamaydilar. Murg'aklar aralashsa, “Kattalarning suhbatiga aralashma!”, deyishadi, ular gapirish huquqidan mosuvo bo'lib ulg'ayishadi. 

Qanchalar noto'g'ri, hatto zararli tarbiya! Aksincha, bolalarni erkin gapirishga, o'zlari o'ylagan va eshitganlarini qanday bo'lsa, shunday ifodalashga undashimiz shart. Shunday qilib, ularning xatolarini to'g'rilab, kelajakda yolg'onchi va munofiq bo'lib qolishining oldini olish mumkin. 

Bir so'z bilan aytganda, farzandlarimizni o'z fikrini ikkilanmasdan aytishga, samimiy fikrlarini himoya qilishga, boshqalarning samimiy fikrini hurmat qilishga o'rgatishimiz kerak. Ana shundagina farzandlarimiz el-yurtga foydali va komil inson bo'lib yetishishadi..