Yetim dasturchi kundaligi

Vanihoyat virtualbox 7 macbook arm platforlaridayam stabil ishlashni boshladi. Paralles Desktopga yillik litsenziya olib qo'ygab @orzklv uchun bir daqiqa sukut saqlaymiz)

Virtualizatsiya arm va x86_64 arxitekturalari uchun muammosiz ishlamoqda, shuningdek network va tashqi qurilmalardayam muammo kuzatilmadi. Yagona muammo yangi VM ochgandan so'ng sizda EFI manager kerakli startup faylni topolmasligi hisoblanadi. Ammo muammoga yechim bor.

Virtual mashina ishga tushirilganda birinchi filesystemdan startup.nsh faylini topa olmaganini va shu asosida EFI shellga o'tishni so'raydi. Aynan shu qismda FS# (# bu faylsystem identifikatori, ko'p holatda 0) fayl tizimiga o'tib kerakli faylni yaratish lozim.

EFI Shell terminalda quyidagi buyruqlarni kiritamiz:

$: FS0:

LS, CD buyruqlari orqali kerakli papkalar bilan manipulatsiya qilsangiz bo'ladi. Ushbu manipulatsiyadan asosiy maqsad boot.efi faylini topish va uni ishga tushirish hisoblanadi. Tez-tez foydalanadigan operatsion tizimlarga ko'ra ular quyidagilardan biri bo'lishi mumkin:

Macos: \System\Library\CoreServices\boot.efi
Windows: \EFI\boot\bootx64.efi
Linux: \EFI\debian\grubx64.efi

Linuxda agarda bootloader grub asosida bo'lsa arxitekturaga qarab grubaa64.efi fayli ham bo'lishi mumkin. Agarda yuqoridagilardan birortasi sizga mos kelmasa kerakli fayli yuqoridagi manipulatsiya buyruqlari orqali aniqlash imkoningiz bor. Fayl aniqlagach esa terminalga shunchaki fayl nomini o'zini kiritish kifoya. Masalan:

$: grubaa64.efi

Virtual mashina har safar o'chib yonganda bu ishni takrorlamaslik uchun faylsystemga o'tgach edit startup.nsh buyrug'i orqali yangi fayl yaratish va uni ichiga kerakli efi fayl joylashuvini ko'rsatishingiz mumkin.

Misol:

$: FS0:
$: edit startup.sh

Fayl kontentiga:

\EFI\debian\grubaa64.efi

ctrl+s faylni saqlash, ctrl+q dan esa tahrirlash oynasidan chiqish uchun foydalansangiz bo'ladi. Shundan so'ng shunchaki reset buyrug'ini kiritasiz va virtual machina ichidagi os normal holatda ishga tushishni boshlaydi.

@yetimdasturchi