Qorakoʻl ziyo nur oʻquv markazi

⚡️1-sinf o'quvchilari uchun fevral oyida qo'shimcha bir haftalik ta'til beriladi

O'zbekiston Respublikasi Vazirlar Mahkamasining 2017 yil 15 martdagi 140-sonli qarori bilan tacdiqlangan Nizomga ko'ra umumiy o'rta ta'lim muassasalarida 1-sinf o'quvchilariga ko'shimcha ta'til belgilanishi nazarda tutilgan.

Nizomga ko'ra, 1-sinf o'quvchilari uchun fevral oyi davomida qo'shimcha bir haftalik ta'til belgilanadi. Ta'til muddatini maktab ma'muriyati belgilaydi.

✅ Maktablarda ta'tillarning (kanikul) muddatlari quyidagicha belgilangan:

➡️ kuzgi ta'til — 4 noyabrdan boshlab 6 kalendar kun

➡️ qishki ta'til — 28 dekabrdan boshlab 14 kalendar kun;

➡️ bahorgi ta'til — 21 martdan boshlab 7 kalendar kun;

➡️ yozgi ta'til — oxirgi bosqichli nazorat sinovi o'tkazilgan kundan (bosqichli nazorat o'tkazilmaydigan sinflar uchun o'quv yili tugagan kundan keyingi kundan) boshlab 1 sentabrgacha.

☝️ Bayram kuniga to'g'ri kelib, qoldirilgan mavzular ixchamlashtirilgan (tig'izlashtirilgan) holda o'tiladi va jurnalga yoziladi.

Instagram| Telegram |Youtube| Tiktok | Natijalarimiz| Sayt

#ibrat

Айрим ота-оналарга ибрат бўлсин.


МУАЛЛИМДАН ТАЁҚ ЕГАН ШАҲЗОДА

(Эски мактаб ҳикояти)

Олам султони эркатой ўғлини мактабга берди. Саройда ўйнаб-кулиб, егани олдида, емагани ортида бўлиб юрган тантиқ шаҳзодага ўқиш тартиб-қоидалари қийинлик қилди. Муаллим болаларга қаттиқ талаблар қўяр, яхши ўқимаганларни таёқ билан урарди. Унинг адаб таёғи зарбидан еб кўрган шаҳзода чидай олмади. Кечки пайт отасига шикоят қилди:

– Отажон, мен сизнинг ўғлингиз эмасманми?

– Нимага ундай дейсиз, ўғлим, – деди султон, – сиз тахт-у тожимнинг ярашган гавҳари, салтанатимни безаган умид юлдузимсиз.

– Сиз шавкатли Румнинг улуғ султони, мен ўғлингиз бўладиган бўлсам, унда анави муаллим афанди нега мени ётқизиб олиб товонимга таёқ билан ураверади, қул болалар қатори ҳар куни таёқ ейман?

– Хафа бўлманг, ўғлим, – деди ота, – мен эртага мактабга бориб, шаҳзодага қўл кўтаришга жур’ат қилган ўша зўравон муаллимингизнинг ўзига адаб таёғи қанақа бўлишини кўрсатиб келаман.

Тонг ҳам отди. Султон Йилдирим Боязид бир мулозимини мактаб муаллими ёнига юборар экан, унга шундай дейишни тайинлади: “Амир Сулаймоннинг соғлиги яхши эмас, бироздан кейин ўзим олиб бораман. Мен бориб муаллимни қаттиқ койий бошлаган заҳотим у мени аяб ўтирмай ураверсин. Бўлмаса иш бузилади, шаҳзода ўқишга қизиқмай қолади”.

Алқисса султон ўғлини етаклаб мактабга борибди. Ичкари кириб сўз бошлабди:

– Эй замона домуллоси, мен сизга ишониб ўғлимни ўқишга берувдим. Янглишган эканман. Сиз уни ўқитиш ўрнига қул болалар қатори урар экансиз.

Муаллим бир узун таёқни деворга тираб қўйган экан. Султон гапини тугатиши билан муаллим жавоб берибди:

– Ҳар оғочнинг меваси ундан узоққа тушмайди. Сиз ўзингиз ким бўлибсизки, ўғлингиз яхши бўлсин?

Муаллим шундай деб таёқни олиб гоҳ султоннинг этагига, гоҳ деворга, гоҳ ерга тарс-тарс ура-ура мактабдан қувиб чиқарибди. Кейин шаҳзодани бир-икки таёқ уриб ўрнига ўтқазибди. Бўлган воқеадан қўрқиб ҳайратга тушган шаҳзода жим ўтириб ўқишга мажбур бўлибди.

Ўша куни кечқурун ота ўғлига шундай дебди:

– Ўғлим, ўша муаллимингиздан қандай таёқ еганимни ўзингиз кўрдингиз. Энди жим ўтириб ўқимасангиз бўлмайди. Мен ҳам болалик пайтимда устозларнинг адаб таёғини еб, итоат ва хизмат қилиб одам бўлганман. Ота-боболаримиз устоз жабри ота меҳридан афзал, деганлар.

Instagram| Telegram |Youtube| Tiktok | Natijalarimiz| Sayt

#Eslatma

❗️Ertadan, ya’ni 3-yanvardan boshlab barcha pedagog xodimlar uchun 2025-yilning birinchi ish kuni hisoblanadi

Yangi yil bayrami munosabati bilan barcha xodimlarga ketma-ket 5 kunlik dam olish kuni berilgan edi. Ertadan, ya’ni 3-yanvardan boshlab barcha pedagog xodimlar uchun 2025-yilning birinchi ish kuni hisoblanadi.

Maktablarda dars bo‘lmagan vaqt ya’ni, o‘quvchilar uchun berilgan qishki ta’til payti barcha pedagog xodimlarga ish kuni sanaladi.

Bu paytda o'qituvchilar pedagogik yuklamasida belgilab berilgan ishlarni amalga oshiradi yoki maktab ma’muriyati tomonidan berilgan topshiriqlarni bajaradi.

O'quvchilar uchun ta’til 2025-yil 12-yanvargacha davom etadi. III chorak darslari 2025-yil 13-yanvardan boshlanadi.

#ДИҚҚАТ #ТАРҚАТИНГ
⚡️⚡️⚡️Эртадан барча ходимлар учун 2025 йилнинг биринчи иш куни ҳисобланади.

Қарорга кўра,  2025 йилда 5 кунлик иш ҳафтасида ишлайдиган ходимлар учун дам олиш куни 4 январь – шанба кунидан 2 январь – пайшанба кунига кўчирилди ҳамда 6 кунлик иш ҳафтасида ишлайдиган ходимлар учун 2 январь – пайшанба қўшимча дам олиш куни этиб белгиланди.

Эртадан, яъни 3 январдан бошлаб барча ходимлар учун 2025 йилнинг биринчи иш куни ҳисобланади.

Instagram| Telegram |Youtube| Tiktok | Natijalarimiz| Sayt