Haqiqatnoma

Ажойиб дунёда яшаяпмиз...

Йўқсиллар овқат илинжида километрлаб йўл босишмоқда. Бойлар эса ўша овқатни ҳазм қилиш учун шунча юришмоқда.

Нельсон Мандела

— Кулги умрни узайтириши ростми?
— Бу кимнинг устидан кулишингга боғлиқ. Масалан, Гондурасда баъзи амалдорларнинг устидан кулсанг, умрингни қисқартириб қўйиши мумкин...

Диққат ! Тезкор ! Пешку туман ахолиси уйма уй юрган фрибгарлардан сақланинг. Ҳозирда туманимизда уйма уй юриб одамларга ўзини бир кадаст палатасидан, бир ягона дарчасидан ва яна бир қарасангиз туман ҳокимлигидан деб таништириб ҳеч қаерга рўйхатга олинмаган уй рақамларини турли нархларда 30-100 минг сўмгача пуллаб юрмоқда. Бу фрибгарларга энг ачинарлиси Маҳаллалар уюшмаси Пешку туман бўлими бошлғи С.Сирожов хизмат ваколатидан чиқиб сохта "рухсатнома" таёрлаб берган.  Афсуски бу фрибгарлар бундан бир йил муқаддам сохта QR кодлик уй рақамларини бериб бутун бошли Бухоро вилояти ахолисини чув тушириб миллиарлаб даромад қилишга эришган эди. Майли бир янглишибди деб индамаган эдик. Бу безбет сохтакорлар энди эса бир йил олдин берган рақами нотўғри эканлигини содда халққа уқтириб янги рақам олиш кераклигини айтиб янгидан янги найрангларни ишга солмоқда. Бутун бошли Пешку туман аҳоли хонадонларини чув тушириб рақам тарқатиб шилгани етмагандек, одамларни шахсий малумотларини йиғиб олиб кетмоқда.  Ушбу сохта кадастр, ягона дарча ва ҳоказо ташкилотларга ишловчи уддабуронларни ва унга ҳуқуқий томонидан кўмаклашган мансабдорларни ҳаракатига ҳуқуқни муҳофаза этувчи органлар ҳуқуқий баҳо беришини сўраймиз.

#Қоялар_ва_соялар

Бундан икки-уч сана муқаддам ўзини неожадид ҳисобловчи тўда бўлар эди. Улар “Ё ватан, ё шарофатли ўлим!” деган пафосли сарлавҳа билан мақола эълон қилгани, "Аё, халойиқ, бизга босим бўлмоқда", деб мурожаатнома тарқатгани аниқ эсимда. Ҳолбуки, биз – матбуот котиблари уларнинг таъмагир ва муттаҳам кишилар эканини билардик. Улар очиқчасига бизнинг устимиздан куларди, ёздиқларида илмоқли гаплар билан айнан маткотибларнинг ғашига тегишни севарди. Мен бу гапларим билан ўзбек журналистикасини шарманда қилган "Компроматузб" жамоасини назарда тутаяпман.

Бугун жадидлик даъвосида юрган гўрсўхталарнинг жуда кўпчилиги ҳам ўша – бурунги қаллоблардан ортиқ эмас. Ҳар иккаласи битта тўда аслида. Уларнинг хос белгилари: тилда адолат, дилда адоват; луқма даражасида қалами бор, таҳлилга тоби йўқ; фақат ўзига маълум индикаторлар билан жамиятга, даврга баҳо бермоқчи бўлади ва буни одатда умумхалқ фикри сифатида дастаклайди; тўдасига аъзо бўлмаган соғлом фикрли журналист ва блогерларни тинимсиз айблайди; давлат бошқаруви, ижро тизимининг кун тартиби ҳақида етарлича тасаввури бўлмаган ёшларни атрофига тўплаб, уларнинг бугуни ва келажагини барбод қилади.

Сувни тинимсиз лойқалатиш, медиа маконда бетартиб хаос пайдо бўлганига "тепа"ни ўбдон инонтириш ва ўз раҳнамоларини иқтидорга келтириш сингари ўйинлар бор бу тўпнинг ичида. Ким билиб, ким билмай шу маслакка хизмат қилаяпти.

Буларнинг шовқинига учиб, эйфорияга берилаётган ёшлар диққатига: булар асло ўзбек журналистикасининг устозлари, қоялари, улуғлари эмас. Устозларимиз, улуғларимиз бошқалар, уларни таниб олинг ва бу талотўп ичинда қутқу кўланкалари, иғво чечаклари сари эмас, асл устозлар сари интилинг. Миллатимизнинг маънавий устунларига эргашинг. Яна бир гап. Булар танқид деб номлаётган хом-хатала битиклар конструктив танқид эмаслигини тушуниш учун 80-90-йиллар ўзбек матбуотини, ҳаёт ҳақиқати билан тўйинган ҳақиқий таҳлилни, танқидий чиқишларни ўқинг.

Сўзим якунида яна бир фикрни айтмоқчиман. Бугунги ўзбек журналистикаси миллат олдида недир қарздор бўлса, янги даврнинг маданий, иқтисодий, ижтимоий қиёфасига тўлақонли чизгилар йўқлиги учун, қутқуларга альтернатив фикрлар тахчиллиги учун қарздор. Майдонни сўзи ҳам, ўзи ҳам ночор-у нопок кимсаларга бўшатиб бергани учун қарздор. Турли "сўзбўрон"лардан ҳамма безор бўлди.

Беҳзод Қобулов

Хитойда бир киши шундай оч ва чарчаган едики, чидай олмай нок ўғирлаб еди одамлар ўғрини ушлаб, жазолаш учун император ҳузурига олиб келишди.

Ўғри императорни кўриб, унга деди: Ҳурматли Император, мен оч эдим, чидай олмадим, ўғирлаб едим. Мени кечиришингизни илтимос қиламан. Агар мени кечирсангиз, сиз учун бебаҳо совға бор дейди
Император истеҳзоли кулди: Сенга ўхшаган одамда мендек император учун қийматли бўлган нима бўлиши мумкин?
Ўғри кафтидаги нок уруғини узатади ва: Агар сиз бу уруғни эксангиз, олтин мева берадиган дарахт бир кунда ўсиб чиқишини кўрасиз дейди
Император кулиб: Ундай бўлса, олтин меваларни кўрсам, кечираман деди.
Ўғри: Император ҳазратлари, мен бу уруғни эка олмайман, чунки мен ўғриман. Бу уруғни фақат умрида ўғирлик қилмаган, бошқаларга нисбатан адолатсизлик қилмаган, ёлғон гапирмаган одам эксагина олтин мева беради. Акс ҳолда уни экганни заҳарлаб, мисли қурилмаган дард билан ўлдиради. Султоним, бу уруғни фақат сиз эка оласиз
Император қовоғини чимирди, бир муддат ўйлади, сўнг қўпол овоз билан: Мен боғбон эмас, императорман, ўша уруғни бош вазирга беринг деди
Ўғри уруғни бош вазирга узатганда, бош вазир ваҳима ичида императорга юзланиб, эътироз билдирди: Экиш ва парваришлашда мен жуда нўноқман ҳазратим, сеҳрли уруғни исроф қиламан. Менимча, бу уруғни хазиначи экиши керак
Бош ғазначи дарҳол баҳона топиб: Бу вазифани бошқа бировга топширди.
У ерда бўлганларнинг барчаси бирин-кетин баҳона топиб уруғ экиш вазифасидан қочишди.
Кейин император вужудга келаётган сукунатда бироз уйланиб қолди. У рўпарасидаги бош вазир, ғазначи ва барча амалдорларга тикилиб
Келинг, бу ўғрига уруғнинг олтин мева беришини ва уни хурсанд қилишини биргаликда кўрсатамиз деди.
Чўнтагидан бир тилла танга олиб, ўғри ушлаб оладиган қилиб ирғитди.
Сўнгра ҳамма секин чўнтагидан олтин чиқариб ўғрига бергунича кутиб турди
Кейин кулиб: йўқол бу ердан эй Ўғри, бу сабоқ бугун ҳаммамизга етарли деди.

Хулоса сиздан...