Yakkasaroy tuman hokimligi Matbuot xizmati

Yakkasaroyda “Institut malikasi – 2025”: Go‘zallik, zakovat va mahorat uyg‘unligi

💢 Yakkasaroy tumanida joylashgan Toshkent to‘qimachilik va yengil sanoat institutida “Institut malikasi – 2025” ko‘rik-tanlovi o‘tkazildi.

👉 Mazkur tadbirda Yakkasaroy tuman hokimining o‘rinbosari, Oila va xotin-qizlar tuman bo‘limi boshlig‘i D.Rasulmuhamedova, tuman IIO FMB xodimlari, institut professor-o‘qituvchilari hamda talabalar faol ishtirok etdilar.

👍 Tanlovda turli fakultetlardan saralab olingan 4 nafar iqtidorli talaba-qizlar 5 ta shart asosida o‘z iste’dodi, bilimi va mahoratini namoyon etdilar. Qizlar bilimdonlik, siyosiy savodxonlik, ona mehrini ifoda etish, oshxonadagi chaqqonlik hamda ijodiy ko‘nikmalari bo‘yicha baholandi.

Natijalar quyidagicha aniqlandi:

🌟 Oltin toj sohibi: Xusanboyeva Shaxzoda – Iqtisodiyot fakulteti, 1-kurs, 13b-24 guruh (117 ball).

👍 1-o‘rin: Ibragimova Mohinur – Dizayn va texnologiyalar fakulteti, 1-kurs, 25r-24 guruh (114 ball).

👍 2-o‘rin: Nurullayeva Sabina – To‘qimachilik muhandisligi fakulteti, 3-kurs, 9-22 guruh (111 ball).

👍 3-o‘rin: Hamidullauyeva Sevara – Sanoat texnologiyalari va mexanika fakulteti, 3-kurs, 3b-22 guruh (104 ball).

🎁 G‘oliblar institut ma’muriyati tomonidan diplom va qimmatbaho sovg‘alar bilan taqdirlandilar.

✍️ Yakkasaroy tuman hokimligi Matbuot xizmati

Sifatsiz ishlar tanqid ostida – tuman hokimidan qat’iy talab

👉 Yurtimizda oxirgi yillarda amalga oshirilayotgan islohotlar barcha sohalarda ulkan o‘zgarish va taraqqiyotga zamin yaratmoqda.

🖇 Xususan, aholi turmush darajasini oshirish, har bir hududni obod va ko‘rkam maskanga aylantirish, fuqarolar uchun munosib yashash sharoiti yaratish maqsadida qator keng qamrovli dastur va loyihalar hayotga tatbiq etilmoqda.

💢 Shu jumladan, “Obod mahalla”, “Obod xonadon”, “Obod ko‘cha” kabi umummilliy tashabbuslar yurtimizning barcha hududlarida amaliy samaralarini bermoqda. Bu loyihalar orqali mahallalarda yangi infratuzilmalar yaratilib, aholi uchun qulay yashash muhiti shakllanmoqda.

👍 Bugun Yakkasaroy tuman hokimligida tuman hokimi Nilufar Allabergenova rahbarligida o‘tkazilgan tahliliy yig‘ilishda aynan shu masala muhokama markazida bo‘ldi. Yig‘ilishda shahar hokimining maslahatchisi Sh.Ergashev, hokim o‘rinbosari, tuman mutasaddilari, kommunal soha va qurilish tashkilot rahbarlari ishtirok etdi.

👉 Yig‘ilish davomida tumanda olib borilayotgan obodonlashtirish va asfalt yotqizish ishlarining sifati, bajarilish muddati va nazorat masalalari tanqidiy tahlil qilindi. Quruvchi va mas’ul rahbarlar tomonidan yo‘l qo‘yilayotgan kamchiliklar keskin tanqid qilindi.

🖇 Tuman hokimi mutasaddi idoralarga belgilangan vazifalarni aniq muddatlarda, belgilangan standartlar asosida amalga oshirish bo‘yicha qat’iy topshiriqlar berdi.

🗒 Bu kabi yig‘ilishlar faqat tanqid emas, balki islohotlarning haqiqiy natijadorligini ta’minlash, mas’uliyatni oshirish va xalq ishonchini mustahkamlashga qaratilgan amaliy qadamlardir.

✍️ Yakkasaroy tuman hokimligi Matbuot xizmati