Xushnudbek - o‘ta shaxsiy

Menimcha, kechagi kunning eng beg‘ubor tasviri:

Otasining qo‘lida xotirjam uxlayotgan qizaloq🥰

P.S.: stadiondan turib milliy terma jamoamizni qo’llab-quvvatlash uchun borgan barcha muxlislarga ham rahmat. Hozir eng muhim palla, yigitlarimizga xalqimizning ishonchi, daldasi va duosi juda zarur.

🔘 @xushnudbekuz

Erinmasdan hisoblab chiqdim: 90-daqiqadan keyin toki Qatar gol urgungacha bo’lgan 12 daqiqa ichida salkam 4 daqiqaga yaqin o’yin bo’libdi xolos. Hakam aslida 6 daqiqa qo’shgandi.

Qizil kartochkani VAR uzoq tekshirgani, Husniddin Aliqulov hamda Qatarning ikki futbolchisiga tibbiy yordam ko’rsatilgani evaziga vaqt rosa cho’zilgan.

Demak, hakamga ko’p ham e’tiroz qilmaslik kerak. U to’g’ri qaror qildi.

Menimcha, qizil kartochka ham yo’q edi. Abbosbek yaqqol yolg’iz emasdi.


🔘 @xushnudbekuz

Himoyaga “yotganimiz” uchun jazolandikmi?

Mag’lubiyatdan keyin istagancha tanqid qilsangiz yarashib ketaveradi. Kimdir inkor qilsa, “yutqazdik-ku” deb turaverasiz. Lekin tanqid eng avvalo xolis, bundan tashqari asosli bo’lishi kerak.

Bugungi mag’lubiyatimizga sabablar ko’p, Katanetsga savollar ko’p.

Lekin shaxsan men “himoyaga yotganimiz uchun yutqazdik” degan gapga qo’shilmayman.

Birinchidan, oddiy xronologik ketma-ketlikka qaraylik:

80’ — Abbosbek 2-golni urdi;
87’ — Qatar himoyachi va yarim himoyachi o’rniga naq 2 nafar hujumchi tushirdi, vabankka bordi;
90+1’ — Turg’unboyev o’rniga himoyachi Ashurmatov tushdi.

Ko’rib turganingizdek, Katanets gol urishimiz bilan himoyaga yotib olgani yo’q. U normal murabbiy qilishi kerak bo’lgan ishni qildi. Raqib birdaniga 2 ta hujumchi tushirgach, qo’shib berilgan daqiqalar uchun himoyachi qo’ydi. Murabbiylar bunaqa ishni doim qilishadi.

Agar mabodo, o’yinchi almashtirilmaganda va Qatar baribir gol urganda edi, baribir murabbiy tanqid ostida qolardi. “Raqib 2 ta hujumchi tushirganini ko’ra bila turib, biror chora qilmadi” deyishardi.

Ikkinchidan, agar o’yinni ko’rgan bo’sangiz aytingchi, terma jamoamiz ikkinchi goldan keyin darrov yotib oldimi himoyaga? Hecham-da. Yana hujumlar qilishda davom etaverdi. Faqat bu safar endi Qatar ham uyg’ongandi, ular durangga rozi emasdi, shu sababli oldingidek osongina hujum qilolmay qoldik, to’p Qatarda edi. 2:0 yoki 2:1 yutayotgan Qatar bilan, o’z uyida 2:2 o’ynayotgan Qatarning farqi katta. Futbol bir tomonlama sport emas, raqibga ham ko’p narsa bog’liq.

Uchinchidan, Qatarning oxirgi soniyalardagi goli pozitsion hujum sababli emas, balki standart vaziyatdan urildi. Agar eslasangiz, o’sha standartga asos bo’lgan vaziyatda biz hujum qilib qaytayotgan edik. Agar himoyaga yotib olgan bo’lsak, oxirgi soniyalarda hujumda nima qilib yurgandik?

Bunaqa gol 3 ta himoyachi bilan o’ynasak ham, 10 ta himoyachi bilan o’ynasak ham, urilishi mumkin. Xuddiki, shu vaziyatda himoyachilarimiz soni golga ta’sir qilganday gapirmaslik kerak.

Yana qaytaraman, bugungi mag’lubiyatga sabablar ko’p, murabbiyga savollar ko’p. Ammo yigitlarimizni goldan keyin himoyaga yotib olganlikda ayblash, kamida insofdan emas.


🔘 @xushnudbekuz

Guruhimizdagi vaziyat

Biz 2-o’rinda qoldik. Raqiblarimiz 3 ochko yaqinlashdi, Eron 3 ochko uzoqlashdi.

1. 🇮🇷Eron — 13 ochko
2. 🇺🇿O’zbekiston — 10 ochko
3. 🇦🇪BAA — 7 ochko
4. 🇶🇦Qatar — 7 ochko
5. 🇰🇬Qirg’iziston — 3 ochko
6. 🇰🇵KXDR — 2 ochko

6-tur. Ikkinchi davra boshlanadi.

Birinchi davra tugadi, hamma bir-biri bilan o’ynab chiqdi.

Keyingi turda biz 19-noyabr kuni 🇰🇵KXDR bilan kuch sinashamiz. Uchrashuv neytral maydon sifatida Laosda bo’lib o’tadi.

BAA Qatarni qabul qiladi, Qirg’iziston esa Eronni.

Bugungi o’yin uchun yigitlarimizga katta rahmat! O’yin boshidanoq kutilmagan jarohatlar bizni mushkul vaziyatga solib qo’ydi, ayniqsa ruhiyatimizga ta’sir o’tkazdi. Shunday bo’lsa-da, 2-0 vaziyatidan chiqi ketib, hisobni tenglashtira olishdi. Balki 2 ta goldan keyin yana hujumni va bosimni davom ettirib, tempni saqlash kerakmidi, kim bilsin. O’yindan keyin gapirishga oson bu. Chunki biz yana gol urishimiz dargumon edi. Qatarning goli esa kutilmaganda oxirgi soniyalarda urildi, buni baribir tempga aloqasi yo’q, chunki biz 112-daqiqada ham hujum qilayotgan bo’lmasdik baribir.

Xullas, bitta mag’lubiyatdan katta fojia yasamaslik kerak. Asosiysi keyingi o’yinda g’alaba qozonib, keyingi yil bahorgacha mustahkam o’rinda qolishimiz kerak. Hozir biz uchun eng muhimi shu.


🔘 @xushnudbekuz

🇺🇿O’zbekiston milliy terma jamoasining 🇶🇦Qatarga qarshi oʻyindagi boshlang’ich tarkibi e’lon qilindi. Jaloliddin Masharipov zaxirada qoldirilgan.

Uchrashuv soat 21:15 da boshlanadi. "Sport" telekanali orqali jonli efirda tomosha qilish mumkin.


🔘 @xushnudbekuz

Oma bag‘iyam booooor...

Eron boshqa gol o‘tkazmadi, 3-2 bo‘lib qoldi.


🔘 @xushnudbekuz

Shimoliy Koreya 1 kishi kam bo’lib qolgan Eronga 2 ta gol urdi (biznikilar ura olmagandi).

Yana bitta ura olarmikin, qiziq?


🔘 @xushnudbekuz