Xushnudbek Xolmuhammad

@xushnudbek_xolmuhammad

Channel's geo and language: Uzbekistan, Uzbek

Category: Religion

👨‍🎓Mudarris(arab tili ilmlari).
®️Shiorimiz:"Ta’lim berib tarbiyalash,
tarbiyalab ta’lim berish kerak"
📲 Murojaat: @xushnudbekkbot

Related channels | Similar channels

Channel's geo and language

Uzbekistan, Uzbek

Xushnudbek Xolmuhammad

12 Mar, 20:07

#futuvvat #yigitlik
⚡️Taqvodor yigitlarni Allohning o‘zi ma'suyatlardan saqlaydi, ularga O'zi quvvat beradi (Yigitlarga o'rnak)

Kahf surasida Alloh taolo taqvodor yosh yigitlarning ibratli qissasini bayon qiladi. Ular jamiyat kufr, ma'siyat botqog‘iga botganida, haqni tan olib, shirkdan yuz o‘girishdi. Iymonlarini himoya qilish uchun Allohning panohiga qochishdi. Ular haqida Alloh taplo shunday deydi: "Biz ularning qalblarini mustahkam qilib qo‘ydik.." (Kahf, 14-oyat).

Ular o‘zlarini pok saqlashga harakat qildilar. Ular fitnadan qochishdi. Ular Allohga suyanishdi. Natijada ularni Allohning O‘zi saqladi, O‘zi himoya qildi, O‘zi najot berdi.

Qarang, ular avval o‘zlarini saqlash uchun harakat qilishdi, shundan keyingina Allohning ularni himoya qildi. Bu Allohning sunnatidir: kim Unga intilsa, Unga suyansa, kim o‘zini saqlash uchun harakat qilsa, Alloh uni O‘zi asraydi. Kim halol yo‘lda sobit bo‘lsa, kim Alloh uchun o‘zini tiyishga azm qilsa, Alloh uni O‘zi himoya qiladi, taqvodorlarni Allohning O‘zi muhofaza qiladi, pok tutadi.

Fitnalar ichida yashayotgan insonlar uchun eng katta najot – Allohning panohiga intilish, Uning diniga mahkam yopishish va taqvodor bo‘lishdir. "Kim Allohdan taqvo qilsa (qo‘rqsa), U unga (najot) yo‘lini ochib qo‘yadi." (Taloq, 2-oyat) Allohning O‘zi bizni gunohlardan asrasin, fitnalardan O‘zi himoya qilsin, O'ziga intilish quvvatini bizdan olib qo'ymasin.....

😎 Telegram | Talabaga ta'lim-adab

87 0 0 2 12

Xushnudbek Xolmuhammad

12 Mar, 15:12

#hikmat

"والعِبرة بقول الأذكياء من كل طائفة"

📖 الإمام الرازي

😎 Telegram | Talabaga ta'lim-adab

443 0 1 4

Xushnudbek Xolmuhammad

12 Mar, 10:09

⚡️Ustoz haqlarida bir kun alohida yozaman, inshaalloh...

661 0 0 1 18

Xushnudbek Xolmuhammad

12 Mar, 10:07

#darsdan🔵🔵🔵🔵🔵
⚡️Biz turkmanlarda bir maqol bor: "Niyatli qush Ka'baga yetmush".

*Niyat qiling, tayyorgarlik qiling, yo'lga chiqing, albatta bir kun Allohning izni bilan manzilga yetasiz....

"So'z uchar(zehnlardan uchib o'chib ketar), yozuv qolar"

*Hikmatlar, foidalar, qimmatli kalimalar va ilmni eshitib o'rganaman desang adashasan, so'z holidagi narsa unutiladi, esdan chiqadi, ammo uni yozib, "bog'lab" qo'ysang, nafaqat sening huzuringda balki, sendan keyingilar uchun ham qoladi..

⚡️Ustoz Abdulhamid Turkmoniy

😎 Telegram | Talabaga ta'lim-adab

655 0 8 4 21

Xushnudbek Xolmuhammad

12 Mar, 09:55

ضوء_المعالي_لبدء_الأمالي_ملا_علي_القاري_تحقيق_عند_الحميد_التركماني.pdf

7.2Mb

📚📚📚📚📚#mutolaapdf
⚡️Kitob nomi: Dov'ul ma'aliy libad'il aamaliy
⚡️Muallif: Mulla Aliy Qoriy
⚡️Kitob mavzusi: Madrasalarda Moturidiy mazhabida aqida-kalom ilmini o'rganish uchun dastlabki bosqichlarda o'qitiluvchi nazm va uning sharhi.

⚡️Ustoz Abulhamid Turkmoniyning tahqiqlari ostidagi yangi nashr.

💬@xushnudbek_xolmuhammad

577 0 8

Xushnudbek Xolmuhammad

12 Mar, 05:02

Forward from: Xushnudbek Xolmuhammad

#himmat #xizmat
👩‍💻Nega muslima olima ayollar erkak ulmolarchalik ko'p emas?

🟤Ba'zi musulima ayollar shunday savol berishadi: “Nega ayollar orasida erkaklar qatori olimlar, qiroat sohiblari yoki yirik kitoblar mualliflari yo‘q?” Bu savolga javoban aytish mumkinki, ularning kuch-g‘ayratlari asosan olimlar va buyuk shaxslarni tarbiyalash, yetakchilar, haqiqiy er yigitlar hamda jamiyat himoyachilarini shakllantirishga qaratilgandir.

🟤Imom Zahabiy “Tarix ul Islom” asarida o‘z davrining ilm va amal borasidagi peshqadami bo‘lgan Imom Sufyon Savriy haqida so‘z yuritadi va uning onasi bajarib bergan buyuk ximatni ta'kidlab o'tadi. Vaki’ydan rivoyat qilinishicha, Sufyonning onasi unga: “Ey o‘g‘lim, ilm izla, men esa to‘quvchilik qilib seni boqaman”, degan edi.

🟤Eng muhim ijtimoiy vazifalar uy ichida, kameralar va oshkor qiluvchi vositalardan yiroqda, mukofotlar yoki sovrinlarsiz bajariladi. Bu tinimsiz mehnatdir, uni bajarayotgan inson esa aslo charchamaydi.

🟤Eng ulug‘ vazifa – bu yaxshi onalikdir: ya'ni, bola tarbiyasi, yoshlarni ummatning haqiqiy vazifasini bajarishga undash, ularning g‘ayratini xalq uchun eng foydali yo‘nalishga boshqarishdir.

🟤Har davrda buyuk ayollar buyuk insonlarni dunyoga keltirgan va ulug‘ shaxslarni tarbiyalagan. Bu kabi vazifalar, albatta, har qanday mashaqqatga arziydi!

Bizga Sufyon Savriyning onasidek himmatli onalar kerak, umri dunyo matohlarini talab qilshdan boshqasini bilmaydigan onalar emas!!!

⚡️Dr. Fayz az Zahroniy

👍@xushnudbek_xolmuhammad

726 0 20 2 33

Xushnudbek Xolmuhammad

11 Mar, 19:19

‏- اللهم إنك عفو كريم تحب العفو فاعفُ عنّا
‏- اللهم إعتق رقابنا ورقاب آبائنا من النار
‏- اللهم إنّا نسألك حسن الخاتمة
‏- اللهم إرحم موىَانا وإشفِ مرضانا
‏- اللهم آتنا في الدنيا حسنة وفي الآخرة حسنة
‏- اللهم يامقلب القلوب ثبت قلوبنا على دينك
‏- اللهم صل وسلم على نبينا محمد

840 0 18 2 30

Xushnudbek Xolmuhammad

11 Mar, 11:42

#masiyat
⚡️Gunohlarning tolibi ilmga 18 ta'siri

⚡️Gunohlarning ko'payishi va tavbaning bo'lmasligi tolibi ilmning hayotida quyidagi juda katta salbiy ta'sirlarni keltirib chiqaradi:
1.Tavfiqning kamayishi: Allohning yordami, inoyati va tavfiyqining yo‘qolishi.
2.Tafakkurning izdan chiqishi: Qarorlar va fikrlarning buzilishi, xush'u va huzu'ning ketishi.
3.Haqiqatning yashirinligi: Haqni tushunishdagi qiyinchiliklar, haqning undan to'silib qolishi
4.Qalbnining buzilishi: Ruhiy holatning yomonlashishi.
5.Obro‘ning pasayishi: Obro‘-e'tibor va hurmatning kamayishi, ilmiga amalsizlik nomining qalbiga muhrlanishi
6.Vaqtning zoye ketishi: Qimmatli vaqtning bekor ketishi.
7.Odamlarning undan yuz o'girishi: Atrofdagilarning sovuqlashishi va so'zlarining ularga ta'siri bo'lmasligi.
8.Bandaning Robbisidan uzoqlashishi: Banda va Robbi o‘rtasidagi yaqinlikning yo‘qolishi.
9.Duoning qabul bo‘lmasligi: Iltijolarning ijobat qilinmasligi.
10.Qalbnining qattiqlashishi: Ruhiy idrokning, ma'rifat nurining yo‘qolishi.
11.Rizq va umrdan barakaning ketishi: Moliyaviy va hayotiy barakaning, qanoatning kamayishi.
12.Ilmdan mahrum bo‘lish: Ilm olish imkoniyatining yo‘qolishi, uning nuridan bebahra qolish
13.Xorlik libosini kiyish: Xorlik va haqirlikka duchor bo‘lish.
14.Ko‘ngilning torayishi: Qalbning siqilishi va bezovtaligi, mahzunlik.
15.Yomon do‘stlar bilan sinovga duchor bo‘lish: Qalbni buzadigan va vaqtni isrof qiladigan yomon do‘stlar bilan ovvora qilinib qo'yilishi.
16.Uzoq davom etuvchi g‘am va qayg‘u: Doimiy tashvish va g‘amga giriftor bo'lish.
17.Hayotning qiyinchiliklari: Tirikchilikdagi qiyinchiliklar va mashaqqatlar.
18.Xotirjamlikning yo‘qolishi: Ruhiy sakinat va tavoze'ning yo‘qolishi.

Bularning aksi esa itoat va taqvo natijasida hosil bo‘ladi.

⚡️ "Favoid" 47-bet

👍 Telegram | Talabaga ta'lim-adab

993 0 53 8 35

Xushnudbek Xolmuhammad

10 Mar, 22:36

#dinnasihatdir
⚡️O'zbekka ne'mat Shayx Sodiq Muhammad

1990-yili edi shekilli, Liviyadan kelgan mehmonlar davrasida yuzlari nurli bir qariya: "Sizlar Muhammad Sodiq Muhammad Yusufni qadriga yetinglar. Men bu shayxning ustoziman. Bunday ulug‘ olimni Alloh hamisha xam beravermaydi. Muhammad Sodiq Muhammad Yusuf bizga o‘qishga kelganida ko‘zimizga bo‘shang yigit bo‘lib ko‘ringan edi. Dastlabki imtihonda bu fikrimizdan qaytdik. Indamay yuruvchi bu yigit ilm olish bilan band ekan..." Bu gapni Liviya arab Jamohiriyasi "Al-Fotih" universitetida "Ulumul-Qur’on" fanidan dars beruvchi ustoz, Doktor Ibrohim Rufayda aytgan edilar.

⚡️"Muhammad sollalohu alayhi vasallam ga Sodiq Muhammad Sodiq" kitobidan.

😎 Telegram | Talabaga ta'lim-adab

1k 0 14 1 64

Xushnudbek Xolmuhammad

10 Mar, 20:39

03:02

Video is unavailable for watching

Show in Telegram

#nasihat
«Alloma Imom Muhammad Said Ramazon Butiyning tolibi ilmlarga bergan topshiriqlari»

"Yigitlar avvalo o'z nafslarini tarbiyalasinlar"..

💬 Telegram | Talabaga ta'lim-adab

990 0 28 16

Xushnudbek Xolmuhammad

10 Mar, 19:10

Shayx Muhammad Sodiq Muhammad Yusuf rahmatullohi alayhning xotirlab

Bugun ilmu irfon yo‘liga umrini bag‘ishlagan, xalqimiz qalbida chuqur iz qoldirgan ulug‘ ulamo Shayx Muhammad Sodiq Muhammad Yusuf rahmatullohi alayhning vafot etganiga 10 yil bo'ldi. U kishi butun hayotlarini Qur’on va Sunnatni targ‘ib qilishga, millatimizning diniy-ma’rifiy ongini yuksaltirishga bag‘ishladilar. Ko‘plab bebaho kitoblar qoldirib, haqiqat va hikmat yo‘lini ko‘rsatib berdilar. U kishining ilmlari, yozgan asarlari va qilgan duolari hanuz biz bilan yashab kelmoqda.

Alloh taolo ul zotni o‘z rahmatiga olsin, qabrlarini nurga to‘ldirsin, jannati firdavsdan joy ato etsin. Bizni ham u kishining yetkazgan ilm-ma’rifatlariga amal qiluvchilardan qilsin. Omin!

Shayx hazratlari o'z vazifasini a'lo darajada bajarib ajdodlardan kelgan ulug' merosning katta qismini tarjima va tasniflar orqali bizga yetkizib bera oldilar.

Zanjirni uzmasdan davom ettirish siz va bizga qoldi, ey bugunning toliblari!!!

😎 Telegram | Talabaga ta'lim-adab

1.1k 0 15 50

Xushnudbek Xolmuhammad

10 Mar, 14:55

⚡️Bu hikmatning bahosini baholab bo'lmaydi. Talabaman degan odam bir yaxshilab tafakkur qilib ko'rsin..

986 0 2 14

Xushnudbek Xolmuhammad

10 Mar, 14:34

العِلـم فِـيـه حيـــاةٌ لِلقُلُـــوبِ كَمَـا
تَحيـا الـبِـلادُ إِذَا مَـا مَسَّهــا المَطَــرُ

والعِلمُ يَجلُو العَمى عَن قَلبِ صَاحِبهِ
كَـمَـا يُجلِــي سَـوادَ الظُّلمَـةِ القَمَــرُ

جامع بيان العِلم وفضله
ابن عبد البر

😎 Telegram | Talabaga ta'lim-adab

980 0 2 12 17

Xushnudbek Xolmuhammad

10 Mar, 08:42

#mashaqqat #sabr

Ilm talabiga sabr qilish

⚡️"Har bir bebaho narsaga erishish yo‘li uzoq va uni qo‘lga kiritish mashaqqati ko‘p bo‘ladi. Ilm esa erishadigan narsalarning eng sharaflisi bo‘lgani uchun u faqat va faqat mashaqqat, bedorlik va ko'p takrorlash bilangina qo‘lga kiritiladi."

Imom Abul Faroj Ibn Abdulloh rahimahulloh ilm talabida sabr qilishning o‘rni haqida shunday ifoda berganlar:

"Ilmni eshikni bir-ikki marta taqillatib, so‘ng ortga qaytgan odam qo‘lga kirita olmaydi. Balki ilmga ega bo‘lish uchun eshikni doimiy taqillatib, sabr qilish kerak. Shundagina u sohibiga ochiladi.

Mana, Ibrohim al-Harbiy ko'rmaysanmi – u ulug' olim, fiqh va lug'at ilmlari bo‘yicha ko‘plab tasniflarning sohibi edi. Uning shayxlaridan biri u haqida shunday deydilar: "Men ellik yil davomida nahv yoki lug‘at darslaridan Ibrohim Harbiyning uzilganini ko'rmadim."

Agar olimlarning siyratlarini o‘qisang, ularning ilmdagi ulkan tog‘lar ekanliklarini ko‘rasan. So‘ng bu tog‘larni yanayam chuqurroq o‘rgansang, ularning sabr va doimiy harakat bilan bunyod bo‘lganini anglaysan.

Ular bosqichma-bosqich, takror va bardavomlik bilan, natijaga shoshilmasdan mustahkam poydevor qo'yganlar.

Ey ilm tolibi! Ajdodlaring shunday edi. Ularning yo‘lidan bor, ularning etagidan tut!

O‘zingga mos keladigan ilmni tanla, unga sabr bilan o'zingga lozim tut, asta-sekin oldinga yura bor va natijaning tezda bo'lishini kutma.

Qalbingni zerikish va charchoqdan himoya qil! Chunki bu – payg‘ambar merosxo‘rlarining maqomidir. U esa bularga sabr qilishga arziydi.

Mana qara, Imom Navaviy rohimahulloh senga bebaho nasihat qiladi: "Talaba ilmga tashna bo‘lishi, uni o‘rganishda har vaqt – tunu kun, safarda ham, uyda ham – muntazam ravishda bardavom bo‘lishi lozim."

Ilmga sabr qil, inshaalloh, uning ahlidan bo‘lasan, uning sharafiga erishasan, u bilan ulug'lanasan, ikki dunyoyingni obod qilasan!"..

😎 Telegram | Talabaga ta'lim-adab

1.3k 1 21 25

Xushnudbek Xolmuhammad

10 Mar, 01:11

14:18

Video is unavailable for watching

Show in Telegram

⚡️⚡️⚡️⚡️#irshod
Shayx Muhammad Avvoma bilan "Irshodiy belgilar" dasturi

"Jismning rohati bilan ilmga erishib bo‘lmaydi" - Shayx Muhammad Avvoma hafizahulloh

Ilm olish yo'lida mashaqqat va fidoyilik zarur. Tanning rohati bilan ulug' maqsadlarga erishib bo'lmaydi. Harakat qilmasdan hech kim bilim cho'qqilarini zabt etolmagan, etolmaydi. Mehnatsiz farovonlik, izlanishsiz ilm yo'q. Har bir muvaffaqiyat ortida sabr va katta mashaqqat yotadi."

⚡️ "Tanning rohati bilan ilmga erishib bo'lmaydi."
— Imom Shofe'iy

Bugun biroz qulaylikdan voz kechib, kelajagingiz uchun izlaning, o'qing va o'zingizni rivojlantiring. Ilm uchun qilgan har bir bosgan qadamingiz kelajakda sizga katta mukofot bo'lib qaytadi.

⚡️ "Ilmni qanchalik izlasang, u shunchalik sen uchun bo'yin egadi."
— Imom Buxoriy.

Suvda ho'l bo'lmasdan suzishni o'rganib bo'lmagani kabi, mehnatsiz bilim olish ham mumkin emas. O'zingizni qiynang, harakat qiling, natija sizni albatta quvontiradi."

⚡️"Ilmni egallashdan mashaqqatliroq narsa yo'q, lekin undan shirinroq meva ham yo'q."
— Abu Rayhon Beruniy

Bugun mashaqqat, ertaga yuksaklik. Har bir o'qilingan kitob, o'rganilgan har bir bilim kelajakda siz uchun katta eshiklarni ochadi."

⚡️"Kim ilmning mashaqqatiga sabr qilsa, ilm unga itoat qiladi."
— Imom G'azzoliy

Ilm safarini kichik qadamlar ila sabr bilan boshlang. Katta miqdordagi ilmni o‘zlashtirish oson emas, shuning uchun har kuni ma’lum miqdordagi vaqt ilmga bag‘ishlanishi lozim. Bu yo'lda sobit turing. Siz o'zingizda borini ilmga bermaguningizcha,ilm sizga o'zidan hech narsani ato qilmaydi.

👍@xushnudbek_xolmuhammad

1.1k 0 38 1 36

Xushnudbek Xolmuhammad

8 Mar, 23:46

Forward from: Xushnudbek Xolmuhammad

#tartib #sabablar #ulumulmaqosid
▫️Ilmni qachon tarqatishga o'tish kerak?

▫️Ibn Muborak roziyallohu anhu aytadilar:
"Ilmning avvali niyat, so'ngra (go'zal) tinglash, so'ngra (chuqur) fahm, so'ngra amal, so'ng tarqatishdir.

💭E'tibor qiling:
▫️Birinchi bosqich:
-O'rganish niyat qilinadi
-Xolis Allohning vajhi va nafs islohi uchun o'rganish bu niyatga asos qilinadi;

▫️Ikkinchi bosqich:
-Ilmning asosi ustozdan eshitib olinadi;
-Poydevor qism mustaqil kitob o'qish orqali olinmaydi. Chunki bunda adashish bo'ladi;
-Eshitilgan ilmni turli yo'llar bilan mustahkamlashga harakat qilinadi;
Uchinchi bosqich:
-Jamlangan ilmlarni tushunish uchun choralar ko'riladi.Bu
takrorlash, qo'shimcha manbalardan o'qish, mustaqil izlanish va qo'shimcha darslarga qatnashish va hokazolar orqali bo'ladi.
-Zarur bo'lsa bir kitob 10 qayta o'qiladi. 10 kitobni chala o'qigandan 1 kitobni 10 marta takror fahmlagan afzal.
▫️Uchinchi bosqich(eng muhimi):
-Yuqoridagi 3 ta bosqich jamlangandan keyin tarqatish(dars berish, kitob yozish, tarjima qilish,kanal yoki blog ochish)ga ruxsat beriladi.
-Uchta shart(tarqatishga qodir qiluvchi sabablar) jamlanmasdan tarqatishga o'tilsa, talaba o'zini zarur bo'lgan o'rindan boshqa o'ringa qo'yayotgan bo'ladi. Bu esa isrofdir.

▫️"Tanviyr" kitobining sohibi bu masala haqida quyidagicha yozadi:
"Haq sendan taqozo qilgan narsa shuki, U Zot seni qayerda turg'izsa, o'sha yerda mustahkam turmog'ingdir. Toki, Haqning o'zi seni (ilm ichida)turg'izganidek, O'zi (bir kun xizmat maydoniga) chiqarsin".

⚡️Talabi ilmlik baxtini bergan Alloh bir kun tarqatish baxtini ham beradi.O'zingizni kitoblar ichiga ko'ming.Tarqatishga shoshilmang!!!

▫️@xushnudbek_xolmuhammad

1.2k 0 27 1 36

Xushnudbek Xolmuhammad

8 Mar, 23:21

«Кофия»
https://hilolnashr.uz/kofiya-ibn-hojib

«Кофия»

«Кофия»Нашрга тайёрловчи: Шукрулло АбдуллоНашриёт: «Hilol-Nashr»Сана: 2024 йилҲажми: 320бетЎлчами: 60x90 1/16 ISBN: 978-9910-678-13-6Муқоваси: қаттиқМУНДАРИЖАМуқаддимаКалима ва КаломКалимаКаломИсмЭъробҒойру мунсарифМарфуотларФоилТанозу бобиНоиб фоилМубт

1.2k 0 7

Xushnudbek Xolmuhammad

8 Mar, 21:15

⚡️Ertaga seni xor qiladigan "men"..

Men qildim, men qilyabman, mening natijam bunday, mening rejalarim unday, men sizga buni bunday qilib berishga kafolat beraman, men bilan bo'lsangiz sizga bu kafolatlanadi, men, men, men, men.....

Alloh Alloh, birodar sen yo'qsan, ana shu yo'q senni ham ertaga yo'q qiladigan sen o'zingsan, taslimiyatni ham unutma!!!

1.5k 0 16 1 38

Xushnudbek Xolmuhammad

8 Mar, 14:48

#maqosid #طلب_العلم

⚡️Tolibi ilmlik muddatining eng kam miqdori qancha?

Ta'lim davri muhim 2 bosqichdan iborat bo'ladi:
1. "Taxarruj" bosqichi - bu asosan madrasalar va mahadlarning ma'lum manhaj asosida tuzgan 6-10 yillik ta'lim muddatlaridir. Bunda tolibi ilmga lozim bo'lgan eng muhim ilmlar tartib va bir biriga bog'liqlik asosida o'rgatiladi.Ta'lim muddati yakunida talabaga maxsus yozma yoki og'zaki ijozalar taqdim qilinadi. Bugungi kunimizdagi ba'zi yuqori darajali ta'lim dargohlarida bu muddat eng uzog'i 10-12 yilgacha davom etadi.

2. "Taxassus" bosqichi (ma'lum fan doirasida mutaxasislar bo'lishni xohlovchilar bosqichi). Bugungi kunimizda bu magistratura, doktorantura yoki ''Phd'' ko'rinishida keng tarqalgan.

⚡️Manbalarda kelgan "Abu Muoviya Hozim o'z ustozi A'mashni 20 yil, Imom Abu Hanifa ustozi Hammod Ibn Sulaymonni 18 yil lozim tutdi (vafotigacha), Nuaym Mujmir 20 yil Abu Hurayraning majlisjini, Nuaym ibn Isfahoniy 35-40 yil Imom Molikning majlisini lozim tutdi"- deb atalgan ''bir shayxni lozim tutish ya'ni taxassus bosqichi'' mana shu tartibda davom etadi. Ulamolar buni eng kamida 20 yil bo'ladi deb ta'kidlashgan.

⚡️''Basiyratli shayxni(ustozni) lozim tutish'' davrida quyidagi foydalar bor:

1.To'gri ilm hosil boladi:
Talaba o'zi musatqil talim olsa kitoblarni noto'g'ri tushunadi, xatosi ko'payadi.Shayx(ustoz) huzurida esa xatosi kam bo'ladi.

2.Vaqtdan yutiladi.
Talaba tartibni o'zi qo'ysa fanlar orasidagi bog'liqlikni yoqotadi.
Qaysi fandan keyin nima o'qish keragligini bilmaydi va natijada chalkash ilm yuzaga keladi. Tartibni bilmaslik sababidan kitoblarni notog'ri tanlaydi va umri zoye bo'ladi.

3.Odob hosil bo'ladi.
Abu Is'hoq Huvayniy: ''Agar birorta odobsiz tolibi ilm yoki voizni ko'rsang bilginki,uning shayxi(ustozi) faqatgina kitob bo'ladi. Bir ustozni lozim tutmasdan, ilmni faqatgina kitobdan olgan bo'ladi'', deydilar.

4.Hikmat o'rganadi.
Ilm boshqa hikmat esa umuan boshqa narsa. Ya'ni, ilm ko'p bo'lib, inson uni qayerda qanday ishlatishni, qayerda nimani gapirib, qayerda nimani gapirmaslik kerakligini bilmasa, unga nisbatan ''hakiym'' deyilmaydi.

5.Tajriba olinadi.
Mohir shayx bir necha o'n yillik uzoq ta'lim faoliyatidagi tajribani sizga o'rgatadi.Tajriba esa kitobdan olinmaydi, ustozdan o'rganiladi. Imom Navaviy aytadilar: ''Minglab kitoblarni o'qigandan ko'ra, mohir ustoz bilan qilingan 1soatlik suhbat afzalroqdir''. Chunki u sizga kitoblarda topilmaydigan muhim narsalarni sizga o'rgatadi.

6.''Sanad'' paydo bo'ladi.
Bu sanad orqali avval salafarga keyin xalaflarga va ular orqali Rosulullohga bog'laniladi. Natijada esa ildizi baquvvat "ilm daraxti" yetiladi. Bu daraxt esa har qanday ''fitna zamonida'' sobit tura oladi, ''turli shamollar' unga ta'sir qilmaydi.

⚡️Qaysi darajada ekanligingiz-u,
qaysi bosqichga intilayotganingizni o'ylab ko'rishni o'zingizga qoldirdik...

👍 Telegram | Talabaga ta'lim-adab

1.4k 0 25 2 31

Xushnudbek Xolmuhammad

8 Mar, 08:43

Forward from: Xushnudbek Xolmuhammad

نزهة المتقين. شرح رياض الصالحين.pdf

24.6Mb

📚📚📚📚📚#mutolaapdf
⚡️Kitob nomi: Nuzhatul muttaqiyn sharhu riyozus solihiyn
⚡️Muallif: Dr.Mustafo Saiyd, Dr.Mustafo Albug'o, Muhyiddiyn Mistu, Aliy Shirjiy
Muhammadamin Lutfiy
⚡️Kitob mavzusi:
"Nuzhatul Muttaqin Sharhu Riyozus Solihiyn" – bu imom an-Navaviyning mashhur asari "Riyozus Solihiyn"ga yozilgan sharhdir. Bu sharhni bir yuqorida sanab o'tilgan bir guruh mashhur ulamolar yozgan. Ushbu asar musulmonlar uchun "Riyozus Solihin"dagi hadislarni yanada chuqurroq tushunishga yordam beradi.

⚡️Kitobning xususiyatlari:

1. "Riyozus Solihiyn" kitobini keng izohlovchi qo'llanma:
Undagi hadislarning lug‘aviy va ma’noviy jihatlarini sharhlab beriladi.
Qur’on oyatlari va hadislar bilan bog‘liq ijtimoiy va axloqiy korsatmalar keltiriladi.
2. Masalalarni yoritish:
Turli mazmunga ega hadislarning amaliy va shariat nuqtai nazaridan izohlanishi keltiriladi.
3. Tarbiyaviy va axloqiy mavzular:
Solih hayot kechirish, axloqni yuksaltirish va taqvoni oshirishga oid ko‘rsatmalar.
Har bir hadisning hayotga tadbiq etish yo‘llari batafsil bayon qilingan.
4. Hadis ilmi va ulamolar fikri:
Hadislarning isnod va manbalari haqida ham ma’lumot berilgan.
Mazkur hadislarni boshqa ishonchli manbalar bilan solishtirish orqali ularning mohiyatini ochib beradi.

⚡️Kitobning ahamiyati:
"Nuzhatul Muttaqin" sunnatni o'rganishni istaganlar uchun "Riyozus Solihin"ni o‘rganishda eng yaxshi qo‘llanmalardan biri hisoblanadi.
Bu kitob nafaqat olimlar, balki oddiy musulmonlar uchun ham juda foydali bo‘lib, sunnatlarni hayotga tadbiq etishda yo‘llanma vazifasini bajaradi.
Kitobdagi sharhlar sodda, aniq va tushunarli tarzda berilgan, bu esa har bir tolibi ilm uchun qulaylik yaratadi.

✍️"Nuzhatul Muttaqin Sharhu Riyozus Solihin" – bu ilm olishni xohlagan har bir musulmon uchun zarur manba bo‘lib, u Qur’on va sunnatni chuqur tushunishga yordam beradi va nurli hayot kechirish uchun mukammal qo‘llanma hisoblanadi.

Ma'lumot uchun: Yuqori bosqichda o'qiladi.