Хамширалар учун маълумотлар

Патронаж  сумкасидан фойдаланиш  учун ҳамширага  тавсиялар

• Сумкани ички қисмини тоза сақланг,  унда барча керакли нарсаларни борлигини текширинг.
• Автомобиль ичида сумкани тоза жойда сақланг.
• Бемор хонадонига борганда, сумкани газета тўшалган ишлаш учун қулай ва болалар қўли етмайдиган жойга қўйинг.
• Сумкани ортиқча очиб-ёпишни камайтириш мақсадида қўлларни ювиш учун ишлатиладиган воситаларни сумкани юқори қисмида сақлаганингиз маъқул.
• Қўл ювиш воситаларини раковина олдига бир дона қоғоз сочиқ устига қўйинг, қўлингизни беморни кўришдан олдин ва
кўрикдан кейин ювинг.
• Ҳар гал янги коғозли сочиқдан фойдаланинг.
• Қўлингизни ювиб бўлгач, сув жумрагини ёпиб қўйинг.
• Сумкани қайта очиб, шу курик учун керакли бўлган жиҳозларни олинг;
• Курик давомида сумкадан қўшимча жиҳозларни олиш керак
бўлиб қолса, қўл ювиш жараёнини қайтаринг.
• Ишлатилган жиҳозларни сумкадан жойлашдан олдин уларни
совун билан ёки дез. эритма билан ишлов беринг.
• Ишлатилган жиҳозларни бемор уйида ишлов беришга имкон бўлмаса, жиҳозларни пластик идишга солиб, дезинфекциялаш
учун даволаш муассасасига олиб кетинг.
• Ҳамшира сумкасига ишлатилган боғлов материаллари, игналар, ишлатилган жиҳозларни солиш ман этилади;
• Ҳамшира сумкасини узок вақт давомида иссиқ ва совук жойда. автомобил ичида қолдирмаслик керак.
• Сумкани вактида керакли жиҳозлар билан тўлдириб туриш.
ҳар куни зарарсизлантириш тавсия этилади.

👉@Xamshiralaruchun каналига аъзо бўлинг!

https://telegram.me/+g2l7HvteQaY1ODFi

Лаборатория текширувлари учун бемордан биологпк материал олиш кўникмаси?

Барча ходимлар биологик хавфли бўлиши мумкин бўлган суюқликлар билан эҳтиёт чораларига амал қилиб ишлаши лозим. Улар қуйидагилар:

1. Қўлни ювиш, қўлқопдан фойдаланиш, ёпиқ оёқ кийимидан фойдаланиш, ўткир буюмларни утилизация қилиш ва дезинфекцияни амалга ошириш.

2. Хонага фақатгина рухсат этилган ходимлар кириши, ичкарида чекиш, овқатланиш ва ичимлик ичишни тақиқловчи умумий қоидаларга риоя қилиш.

3. Текширув учун олинган материалга нисбатан потенциал зарарланган материал каби муносабатда бўлиш. Ходимларни ва мулоқотда бўлиш эҳтимоли бўлган шахсларни хавфсизлигини таъминлаш учун барча хоналарда ўткир игналар ва шприцлар, олинган биологик суюқликларни утилизация қилиш имконияти яратилган бўлиши керак.

4. Биологик хавфли материал билан мулоқотда бўлган ходимлар учун зарарланишни олдини олиш бўйича чора тадбирлар таъминланиши лозим. Барча тест ўтказишда қатнашувчи ходимларга ўзларининг ОИВ инфекциясига мақомларини доимий назорат қилиб туриш сўралади.

👉@Xamshiralaruchun каналига аъзо бўлинг!

https://telegram.me/+g2l7HvteQaY1ODFi

Патронаж [франц. patronage – ҳомийлик] – болалар маслаҳатхонаси, поликлиникалари, аёллар маслаҳатхоналари, сил диспансери ва бошқа(лар) диспансерлар томонидан ёш болалар, ҳмиладорлар ва айрим беморларга уй шароитида тиббий ёрдам кўрсатиш тизими. Болалар маслаҳатхонаси ва поликлиникаларида шифокорга у хизмат қиладиган участка бириктирлади; шифокорга бир ёки иккита патронаж ҳамшира ёрдам беради, улар ўз участкасидаги болаларга уйда ёрдам кўрсатади. Патронаж ҳамшира боланинг соғлигини, бола парваришини, оиланинг моддий-маиший турмушини аниқлайди. Патронаж ҳамшира ва (акушер) врач уйда оналар билан суҳбат ўтказади, бола эмизиш, парвариш қилиш, чиниқтириш қоидаларини ўргатади; рахит, сил, меъда-ичак касалликларининг олдини олиш, чечак, дифтерия, кўкйўтал, полиомиелит, силга қарши эмлашнинг аҳамиятини тушунтиради. Бола касал бўлиб қолса, қандай парвариш қилишни онага ўргатади. Она туғруқхонадан чиққанидан кейин 3 кун орасида патронаж ҳамшира ёки врач уйга бориб, чақалоқни синчиклаб текширади ва вақг-вақти билан боланинг ҳолидан хабар олиб туради.
Аёллар маслаҳатхонаси врач ва ҳамшралари хотинларга ҳомиладорлик ва туққандан кейинги даврда П. ёрдами беради. Патронаж уйда даволанадиган беозор сурункали руҳий беморларга ёрдам беришнинг бир тури ҳамдир. Бошқа диспансерлар (онкологик, сил ва бошқалар) да П. беморларнинг мунтазам қатнаб даволаниши ва шифокор белгилаган тартибни бажаришини назорат қилади

👉@Xamshiralaruchun каналига аъзо бўлинг!

https://telegram.me/+g2l7HvteQaY1ODFi

Хайрли Кун

Нейробруцеллёз нима?

Бруцеллёз сабабли нерв системасида кузатиладиган барча патологик ўзгаришлар йиғиндиси нейробруцеллёз деб аталади.. Бунда нафақат барча бўғимлар, балки нерв толалари ҳам зарарланади.

Бруцеллёз касаллигида тана ҳарорати 37–38°С бўлиб юради ва уни пасайтириш бирмунча қийинчиликлар туғдиради. Демак, барча бўғимлардаги оғриқлар сурункали тарзда давом этса ва тана ҳарорати бир неча ойлар пасаймай турса, бруцеллёз касаллигига гумон қилиш керак. Бунинг учун қонда махсус текширувлар ўтказилади ва бу анализни республикамизнинг барча туманларида амалга оширса бўлади.

Бруцеллёзда суяк-тоғай тўқимаси, яъни умуртқа поғонаси ва бўғимлар, нерв толалари ва чигаллари сурункали тарзда яллиғланади. Бунинг натижасида йиллар мобайнида остеохондроз (умуртқа поғонаси касаллиги), артроз (бўғимлар касаллиги), радикулит (орқа мия нерв чигаллари яллиғланиши), бош мия ва орқа мия пардалари яллиғланиши кузатилади.

Бундай ҳолатларда беморни даволаш комплекс тарзда олиб борилади. Беморни албатта невропатолог, ревматолог ва инфекционист кўрикдан ўтказиши керак. Агар қонда яллиғланиш реакциялари бўлмаса, турли сиҳатгоҳларда (Фарғонадаги Чимён, Каттақўрғондаги Ибн Сино) даволаниш мумкин. Сиҳатгоҳга боришдан олдин врач кўриги ва лаборатор текширувлардан ўтинг.

👉@Xamshiralaruchun каналига аъзо бўлинг!

https://telegram.me/+g2l7HvteQaY1ODFi