voices within

Robbing asalariga: «Tog'lardan, daraxtlardan va ko'tarilgan so'ritoklardan uy tutgin.
So'ngra hamma mevalardan yegin. Bas, Robbing oson qilib qo'ygan yo llardan yurgin», deb vahiy qildi. Ularning qorinlaridan turli rangdagi sharob chiqar. Unda odamlar uchun shifo bordir. Albatta, bunda tafakkur qiluvchilar uchun oyat-belgi bordir.

(Nahl surasi, 68-69)

Oldinlari asalni shamollab qolsam majburlab ichirishardi, yigʻlab yigʻlab tuflab tashlab, orqasidan suv ichib yuborardim. Alloh asalda shifo borligini aytganini oʻzimga uqtirib ichishni boshlaganimdan beri tongim asal choy ichib uyqumni qochirish va tetiklashish bilan boshlanadigan boʻlib qoldi

Asalning foydalari

1. Energiya manbai
Asal tabiiy shakarlarga boy bo‘lib, ertalab tez energiya beradi va tana faolligini oshiradi.

2. Immunitetni mustahkamlash
Asal tarkibidagi antioksidantlar va antibakterial moddalar organizmni infektsiyalarga qarshi himoya qiladi.

3. Hazm jarayonini yaxshilash
Iliq suv bilan aralashtirib ichilganda oshqozonni uyg‘otadi, hazmni yaxshilaydi va ichaklarni tozalaydi.

4. Miya faoliyatini yaxshilash
Tabiiy glyukoza miya uchun ozuqa bo‘lib, diqqatni jamlash va fikrlash qobiliyatini oshiradi.

5. Qon bosimini me’yorlashtirish
Ertalab asal iste’moli qon aylanish tizimini yaxshilaydi va qon bosimini me’yorda saqlashga yordam beradi.

6. Yog‘larni parchalash
Metabolizmni faollashtirgani uchun yog‘larni parchalash jarayonini tezlashtiradi, bu esa vaznni nazorat qilishga yordam beradi.

7. Uyquni yaxshilaydi
Yotishdan oldin bir qoshiq asal iste’mol qilish uyqu sifatini yaxshilaydi

Foydali iste’mol usullari:

• Iliq suv bilan: Ertalab bir stakan iliq suvga bir qoshiq asal qo‘shib ichish tanani tozalaydi va metabolizmni yaxshilaydi.
• Limon bilan: Limon va asal aralashmasi immunitetni mustahkamlaydi va toksinlarni chiqaradi.
• Yogurt yoki jo’xori bo’tqasi bilan: Energiya va oziqlantiruvchi moddalarga boy nonushta bo‘ladi.

#axloq

Jamiyatda erkaklar va ayollar birga tahsil olganlari va ishlaganlari sababli, tabiiy ravishda ular o‘zaro muloqot qilishlariga to‘g‘ri keladi. Bunday vaziyatda erkaklar o‘zlariga xos rijollikni saqlagan holda muomala qilsalar, ayollar esa hissiyotlarni chetga surib, jiddiylik bilan muloqotga yondashsalar, har xil noo‘rin holatlar va nomaqbul manzaralarning oldi olinardi.

Inson shunaqa gʻalati mavjudot ekan. Oʻzicha shoshilib bir nimalar qilmoqchi boʻlarkan, boshqalarni erishayotgan yutuqlarini koʻrib, hoh u dinida boʻlsin hoh u dunyosida boʻlsin, menda ham boʻlishi kerak deb shosharkan. Kamiga har bir olgan ilmini har bir qilgan amalini ehson darajasida qilishga harakat qilishni bir chetga surib, kimda nima yaxshilik koʻrsa hammasini birdaniga oʻzidayam boʻlishini hohlab qolarkan… 10 ta barmogʻini bittada ogʻziga solib olgandek, hech narsani eplay olmagach, nega boshqalarni qoʻlidan keladi, men eplay olmayman, nega meni Alloh suymaydi deb nolishga tusharkan… qiziq…
Keyin boshi toshga tekkanda aslida har bir yaxshi amal ham ilm ham Allohning fazli ekanligini tushunarkan, shundan keyingina hamma narsani odamlarga hasad yoki havas qilib emas, holis Alloh roziligi uchun chiroyli niyat bilan qilishni boshlarkan.
Keyin ichidagi tosh boʻlib qotib ketgan qalbini isloh qilishni ilhom qilarkan Alloh, chanqab holdan toygan ruhiga ozuqa berib e’tibor berishni boshlagach endi, boshqalar bilan ishi ham boʻlmay qoʻyarkan…
Muhimi Robbisi bilan munosabatlarini mustahkamlasa, chin oshiq boʻlsa, eng yaqin doʻstiga aylansa… ana endi inson yashashni boshlarkan, hayot shu yerda boshlanarkan, qalb hotirjamlik tuyarkan, endi baxtni his qilarkan…

#thoughts

#tafsir #quron #dastur
O'zbek tilida tafsir ilmini o'rganuvchilar qay tartib asosida o'qishlari kerak ?

1️⃣ bosqich:
Tafsirga kirish bosqichi:
1.Tafsir ilmi va Qur'on haqida tushuncha hosil qilinadi,uning nozik jihatlari o'ganiladi.
🔘“Qur'on ilmlari( Ulumul Qur'on) -Shayx Muhammad Sodiq Muhammad Yusuf
2.Qur'onning ma'nolari tarjimasini o'qishga kirishiladi. O'qiladigan kitoblar bir nechta bo'lib, ixtiyorga ko'ra tanlanadi:
🔘Hoji Domla Mavlaviy Hindistoniyning "Tafsiri Hindistoniy" nomi bilan mashhur "Bayonul Furqon" kitobi (adabiyotni keng o'qiganlar uchun) 1 jild 900+bet
🔘Azizxo'ja Domla Buxoriyning (Inoyatov) - Qur'oni Karim oyatlari mazmun - ma'nosining izohli tarjimasi 1jild 638 bet.
🔘Shayx Muhammad Sodiq Muhammad Yusuf-Qur'oni Karim va o'zbek tilidagi ma'nolar tarjimasi 632 bet.
🔘Shayx Abdulaziz Mansur- Qur'oni Karim ma'nolarining tarjima va tafsiri 1jild 613 bet.

2️⃣ bosqich:
Boshlang'ich tafsir (Qur'onning izohi, ma'nolarining bayoni, hukmlari va qodir qilgancha Allohning murodini tushunish) bosqichi. Bu bosqichda ham bir nechta kitoblar bor va ularning barchasini o'qish tavsiya qilinadi.
🔘Usmonxon Temurxon Samarqandiy Alimov-Tafsiri Irfon 6 jild taxminan 4200 bet.
🔘Shayx Alouddin Mansur-Qur'oni Azim Muxtasar tafsiri (2 nusxa: biri 4 jild 1600 bet,ikkinchisi 2 jild 615 bet. O'qilishi shart!!!).
🔘Shayx Muhammad Sodiq Muhammad Yusuf-Tafsiri Hilol 6 jild 3800 bet.

3️⃣ bosqich:
Yuqori darajali yakuniy tafsir kitoblari:
🔘Shayx Alouddin Mansur-Qur'oni Azim tafsiri 20 jild taxminan 12 ming bet.
🔘Abu Mansur Moturidiy-Ta'vilot al Qur'on(hozirda 20-juzdan 30-juzgacha bo'lgan 7 ta qismi nashrdan chiqdi. Yuqoridagilarni tugatuningizcha qolganlari ham chiqib qoladi inshaalloh).

🗓️Ushbu dasturni qancha muddatda o'qib tugatish mumkin:
Umumiy jamlanma 28 ming bet, agar kuniga 50 betdan o'qilsa 560 kun, 70 betdan o'qilsa 400 kun,100 betdan o'qilsa 280 kun kifoya qiladi.
O'rtacha hisobda kunlik 60-70 betni 1-1.5 soatda o'qilsa va shu tarzda davom etilsa 2 yilda bemalol tugatsa bo'ladi. "Jahon tillari", "Sharshunoslik", "Islom akademiyasi" va madrasa talabalari uchun 4 yillik o'qish davrida Qur'on ichida yashashlari uchun yetarli imkoniyatdir. Noliyvermay imkon qidirgan,albatta o'z o'rnini topadi!!!
✔️Imkoniyatlar

o'zidan o'zi tug'ilmaydi, balki yaratiladi!!

📝Kuniga 2 soat telefon cheklovi 28 ming bet kitob,2 yil muddat va siz Qur'on ichida bir umr yashaysiz!!

@xushnudbek_xolmuhammad

Do'stim, ko'p rost deb sezganing yolg'on!
Ko'p rost qildim deb qilganing yolg'on!
Har muslim o'rniga qo'ymasang o'zni,
O'zingni "muslim" deb aytganing yolg'on!
O'zganing dardini chekmay tanangda,
O'zgani tushundim deganing yolg'on!
Dunyoni yolg'on deb, unga aldansang,
Oxiratdan gap-so'z sotganing yolg'on!
Millat najotiga bir ish qilmasang,
"Millatim" deb bong urganing yolg'on!
G'azab ko'zgusidir asling ko'rsatar,
Boshqa payt o'zingni ko'rganing yolg'on!
Birovning pok yuzin bulg'agan holda,
Dilingni pok tuysang, tuyganing yolg'on!
Bilganingga amal qilmasang jondan,
"Bildim" deganingu bilganing yolg'on!
Husayn oxiratdir bilsang chin hayot,
Dunyoda yurganing, turganing yolg'on!

✍️Husayn Buxoriy

“Ramazonda yashaymiz” darslari
-by Ustoz Mubashshir Ahmad


P/s: alohida vaqt ajratish imkonsiz boʻlsa, yoʻl-yoʻlakay “ashula” oʻrniga eshtib qoʻysayam boʻladi))

#shabon

🌙Sha'bon oyi – ba’zi ulug'larimiz uni “qorilar oyi” deb atashgan, chunki bu oyda ular "Qur’on oyi"ga tayyorgarlik ko‘rishar edi.

🟤Anas roziyallohu anhu aytgandilar: “Musulmonlar Sha’bon oyi kirganda mushaflarga yopishib olib, uni o‘qishga kirishib ketardilar...”

🟤Siz o‘zingizga mos keladigan xatm jadvalini tuzing (har 3 kunda, 5 kunda yoki 10 kunda…). Agar ko‘proq rag‘bat topsangiz, yanada yuqoriroq darajaga intiling.

🟤Qalb bilan o‘qing... tilovat qilar ekansiz, tafakkur qiling…Tafsirlarga qarang.. Qiyomul layl (tahajjud) namozida qoim bo'ling, Qur’on yod olmagan bo‘lsangiz ham, mushafingizni olib o‘qing, yodlashga intiling, harakat qiling.

🟤Har bir sahifada taxminan 5000 ta hasana (savob) borligini unutmang. Alloh xoxlasa savobni sizga bundan ham ortiq qilib yanada ko‘paytiradi.Siz uni ola biling, shunga tayyorgarlik qiling!!

@xushnudbek_xolmuhammad

#happines

Hasan Basriy rohmatullohi alayh bir kishining masjidda qilayotgan nutqidan foyda topmadilar. Keyin oldiga borib, dedilar:
"Yo sening qalbingda kasallik bor, yo mening qalbimda".

Har safar ustozamning darslarini tinglar ekanman shu voqeani eslayman, Alloh ularni qalblarini shunchalik qattiq muhofaza qilib qoʻyganki har bir gaplari yuraklarni teshib oʻtadi… Aslida tahqirlanganda eng oliy darajaga koʻtariladigan shu oʻtkinchi dunyo tomon qalbim og’ishni boshlagan chogʻda Alloh oʻz fazli ila shu ustozim orqali yana asliyatga chorlaydi, qalbimni ochib yuvib qoʻygandek boʻladilar…
Rosululloh sollallohu alayhi vasallamning shunday merosxoʻrlari borki biz haliyam yashayapmiz, yer ostun-ustun boʻlib yoʻq boʻlib ketmadi. Ulardan Alloh rozi boʻlsin, Oʻzining vajhini, Firdavs jannatini, Oʻzining sevimli bandalari qatorida boʻlishlikni nasib qilsin, shunday ne’mat bilan siylaganiga hamd-u sanolar boʻlsin, bizlarni ham solihlaridan qilsin…

Eng yaxshi tarbiyani ota-ona emas Alloh beradi.
Shunday ekan ota-ona farzandlariga bera oladigan eng yaxshi narsa oʻzlari solih boʻlgan hollarida farzandlari haqqiga duo qilishlari, Allohdan Oʻzi rozi boʻladigan bandalaridan qilishini va ularga husni-xulq berishini soʻrashlaridir…

#Gʻazablanganda

Oisha roziyallohu anhodan rivoyat qilinadi:
Rasululloh sollallohu alayhi vasallam huzurimga kirdilar. Oʻsha paytda jahlim chiqib turgan edi. Burnimning bir tarafini ushlab tortdilar-da, «Ey Uvaysh (Oisha ismining qisqartmasi),

اَللَّهُمَّ اغْفِرْ لِي ذَنْبِي وَأَذْهِبْ غَيْظَ قَلْبِي وَأَجِرْنِي مِنَ الشَّيْطَانِ

«Allohumma igʻfirliy zanbiy va azhib gʻoyza qalbiy va ajirniy minash shaytooni», deb ayt», dedilar».
Maʼnosi: «Allohim, gunohlarimni kechirib, qalbim gʻazabini ketkaz va shaytondan saqlagin».
Ibn Sunniy rivoyati.

Vaqt qilichga oʻxshaydi… agar sen uni kesmasang u seni kesadi.
Agar sen vaqtingni Haq bilan mashgʻul qilmasang, u seni albatta botil bilan mashgʻul qiladi.

Telegram messenjeridagi eng koʻp vaqt va eʼtiborni chalgʻituvchi narsalardan biri — shopping va lifestyle kanallari. Bu kanallarda namoyish etilayotgan narsalar koʻpincha bizga haqiqatan kerak emas, lekin koʻz koʻrganda nafsimiz uni xohlay boshlaydi. Oʻzimizni ishontirish uchun turli bahonalar toʻqib chiqamiz: “Bu narsa hayotimni osonlashtiradi”, “Boshqalar shuni ishlatyapti, demak men ham olishim kerak”, yoki “Men bunga loyiqman.”

Reklamalar bizni qiziqtirayotgan paytda, muhim narsalarga boʻlgan eʼtiborimiz sekin-asta chekinadi. Oxir-oqibat, oʻsha narsalarni sotib olishga harakat qilamiz, lekin har doim ham yetisha olmaymiz. Ana shunda ichimizda bir boʻshliq paydo boʻladi. Qoniqmaslik hissi, depressiya boshlanadi. Keyin nolishni boshlaymiz: “Nega mening imkoniyatlarim cheklangan?” yoki “Nega boshqalarnikiday goʻzal hayotga ega emasman?”

Aslida esa muammo bizning ehtiyojlarimizda emas, balki qalbimizni sunʼiy narsalar bilan toʻldirishga boʻlgan harakatimizda. Hayotning haqiqatini unutib, reklamaning yolgʻoniga ishonib qolamiz. Esda tutaylik: hayotimizdagi haqiqiy boylik bu sotib olinadigan narsalar emas, balki qalbimizda halovat va rozilik topishdir. Har qanday narsa vaqtinchalik. Lekin qalbimizni Yaratganga boʻlgan muhabbat bilan toʻldirsak, oʻsha tinchlik va baxtni hech bir reklamaga almashmaymiz.

Ibn Umar roziyallohu anhu aytadilar:
«Rasululloh sollallohu alayhi vasallam quyidagi duolarni kech kirganida va tong otganida hech tark qilmas edilar:

اللَّهُمَّ إنِّي اسْألُكَ العَافِيَةَ فِي الدُّنْيَا وَالآخِرَةِ، اللَّهُمَّ إنِّي اسْألُكَ العَفْوَ وَالعَافِيَةَ فِي دِيْنِي وَدُنْيَايَ وَأهْلِي وَمَالِي، اللَّهُمَّ اسْتُرْ عَورَاتِي وَآمِنْ رَوْعَاتِي، اللَّهُمَّ احْفَظْنِي مِنْ بَيْنِ يَدَيَّ وَمِنْ خَلْفِي وَعَنْ يَمِينِي وَعَنْ شِمَالِي وَمِنْ فَوقِي وَأعُوذُ بِعَظَمَتِكَ أَنْ أُغْتَالَ مِنْ تَحْتِي

«Allohumma innii as`alukal ʼafiyata fiddunya val axiroh. Allohumma innii as`alukal ʼafva val ʼafiyata fii diinii va dunyaya va ahlii va maalii. Allohummastur ʼavrotii va amin rovʼatii. Allohummahfaznii min bayni yadayya va min xolfii va ʼan yamiinii va ʼan shimalii va min favqii va aʼuzu biʼazomatika an ugʻtaala min tahtii».
(Maʼnosi: «Allohim, men Sendan dunyo va oxiratda ofiyat soʻrayman. Ey Robbim, dinimda va dunyoimda, ahlimda va molimda avf va ofiyat soʻrayman. Ey Robbim, avratimni bekit, xavflarimni omonlikka aylantir. Ey Allohim, meni oldimdan, orqamdan, oʻng tomonimdan, chap tomonimdan, ustimdan saqlagin. Ey Robbim, ostimdan halok qilishingdan Sening azamating ila panoh tilayman».)
Abu Dovud, Nasaiy va Ibn Mojalar rivoyati.


#dua

Foyda bermaydigan 10 ta narsa

1. Amal qilinmaydigan ilm

2. Ixlos ham va ergashish ham yoʻq boʻlgan amal

3. Infoq qilinmaydigan, toʻplovchisi undan dunyoda ham foydalanolmaydigan va undan oxirati uchun ham ishlatib boʻlmaydigan mol

4. Allohning muhabbati, U Zotga shavq va unsdan forigʻ boʻlgan qalb

5. Alloh taoloning ibodati va itoatidan bebahra boʻlgan badan

6. Mahbub ( Alloh taolo) ning roziligiga va U Zotning buyurganlariga boʻysunishga bogʻliq boʻlmagan muhabbat

7. Oʻtib ketgan narsani iroda qilish va unga yaqinlik, qurbat hosil qilishdan bekor oʻtgan vaqt

8. Foyda bermaydigan narsa ustida sayr-u sayohat qilingan fikr

9. Seni Alloh taologa yaqinlashtirmaydigan, dunyoying islohi uchun qaytmaydigan xizmat

10. Butun taqdiri va barcha holati U Zot ( Alloh taolo) ga asir boʻlgan odamdan qoʻrqishing va umid qilishing

Bu yoʻqotishlar barcha yoʻqotishlarning asosi boʻlgan ikkita narsani ya’ni qalbni yoʻqotish va vaqtni zoye qilish bilan boʻladi…

-Ibn Qoyyim rohimahulloh

Qalbingda yashirgan narsalaringni til toyilgan paytda oshkor qiladi.
Til qalbning tarjimonidir, a’zolar esa qalbning musavviridir.

“Doʻstingni sinamoqchi boʻlsang, uni bir gʻazablantirgin, asli qalbida senga qanday munosabatdaligini gʻazabda aytgan gaplaridan bilib olasan”
Qozonda bori choʻmichga chiqadi deganlaridek, qalbda bori tilga chiqadi… Oʻzingni qanchalik isloh qilolganingni sinash uchun ham gʻazablangan paytingga e’tibor ber…


-suhbatdan

Alloh seni chorlagan vaqtda nimani Undan ustun qoʻysang, oʻsha bilan seni mashgʻul qilib qoʻyadi…