Soliq siri nima ekanligini bilasizmi❓

📂 Soliq siri – bu soliq organlariga taqdim etilgan yoki ular tomonidan olingan, uchinchi shaxslarga oshkor qilinishi taqiqlangan maxfiy ma’lumotlar hisoblanadi.

⚠️ Soliq siri quyidagilarni oʻz ichiga olishi mumkin:
Soliq toʻlovchilar (yuridik va jismoniy shaxslar) haqida ma’lumotlar - daromadlar, foyda va mol-mulk toʻgʻrisidagi ma’lumotlar, hisobot va deklaratsiyalar ma’lumotlari, bank hisobvaraqlari va moliyaviy operatsiyalar haqidagi ma’lumotlar, soliq tekshiruvi natijalari, soliq xizmati tizimlarida to‘plangan shaxsiy ma’lumotlar.

❌ Soliq sirini oshkor qilish taqiqlanadi!

✅Soliq organlari xodimlari va boshqa mas’ul shaxslar soliq siriga oid ma’lumotlarni uchinchi shaxslarga berish huquqiga ega emaslar.

📄Quyidagilar soliq siri hisoblanmaydi:

1️⃣ hamma foydalanishi mumkin bo‘lgan, shu jumladan egasining roziligi bilan shunday foydalanish imkoni yaratilgan ma’lumotlar;
2️⃣ soliq to‘lovchining identifikatsiya raqami to‘g‘risidagi ma’lumotlar;
3️⃣ soliq to‘g‘risidagi qonunchilikning buzilishlari va bu qoidabuzarliklar uchun javobgarlik choralari to‘g‘risidagi ma’lumotlar;
4️⃣ soliq to‘lovchilar tomonidan qo‘llaniladigan soliq rejimlari va qo‘shilgan qiymat solig‘ini to‘lovchilar sifatida hisobga qo‘yilganlik to‘g‘risidagi ma’lumotlar;
5️⃣ to‘langan soliqlarning va soliq qarzining summalari haqidagi ma’lumotlar;
6️⃣ yuridik shaxsning ishtirokchilari to‘g‘risidagi ma’lumotlar;
7️⃣ xodimlarning ro‘yxatdagi o‘rtacha soni to‘g‘risidagi ma’lumotlar;
8️⃣ moliyaviy hisobot ma’lumotlari bo‘yicha daromadlar va xarajatlar summalari to‘g‘risidagi ma’lumotlar.

❗️Soliq kodeksining 29-moddasi.