📚 O‘zbekiston Respublikasi Prezidentining 2024-yil 15-noyabrdagi “Umumiy o‘rta ta’lim maktablarida jismoniy tarbiya fani o‘qitilishini tubdan takomillashtirish hamda ushbu fan o‘qituvchilarining kasbiy faoliyatini rivojlantirish chora-tadbirlari to‘g‘risida” PQ-392-sonli qarori qabul qilindi.

Qaror bilan quyidagilar maktablarda jismoniy tarbiya va sport bilan shug‘ullanishni tashkil etishning asosiy yo‘nalishlari etib belgilandi:
o‘quv-metodik qo‘llanmalar ishlab chiqish;
o‘quv dasturlarni takomillashtirish;
jismoniy tarbiya o‘qituvchilari tarkibiga mahoratli sportchilarni jalb etish;
jismoniy tarbiya fani o‘qituvchilariga malaka toifasi berishning yangi tartibini ishlab chiqish;
maktab sport klublari faoliyatini yo‘lga qo‘yish;
jismoniy tarbiya fani o‘qituvchilarining bilim darajasi va kasbiy mahoratini aniqlash bo‘yicha milliy baholash tizimini ishlab chiqish;
maktablarda maxsus reyting tizimini joriy etish;
xalqaro musobaqalarda ishtirok etishni ta’minlash.