“Basvello Gold Tekstil” bandlik va eksportni rivojlantirish yo‘lida

Navoiy shahridagi “Basvello Gold Tekstil” Oilaviy korxonasi "Ayollar daftari", "Yoshlar daftari" va ijtimoiy reyestrda turgan 125 nafardan ortiq xotin-qizlarning bandligini ta’minlagan.

Korxona faoliyati joyida o‘rganilganda, eksportni yo‘lga qo‘yish va boshqa tekstil korxonalari bilan hamkorlik shartnomalarini tuzishda amaliy yordam so‘radi. Bu masalalarni hal etish uchun Savdo-sanoat palatasi vakillari tomonidan tadbirkorlarga moliyaviy instrumentlar, davlat tomonidan yaratilgan imkoniyatlar va shart-sharoitlar bo‘yicha batafsil tushuntirishlar berildi.

Savdo-sanoat palatasi Navoiy viloyati boshqarmasi boshlig‘ining Xotin-qizlar va yoshlar tadbirkorligini rivojlantirish masalalari bo'yicha o'rinbosari Shaxnoza Xajiyeva shunday dedi:

"Tadbirkorlik nafaqat iqtisodiy o‘sishni ta’minlaydi, balki ijtimoiy masalalarni hal etishga ham yordam beradi. “Basvello Gold Tekstil” korxonasining ijtimoiy daftarlardagi xotin-qizlarning bandligini ta’minlash borasidagi ishlari tahsinga loyiq. Biz esa tadbirkorlik faoliyatini rivojlantirish va yangi imkoniyatlar yaratishda doimiy ko‘mak ko‘rsatishga tayyormiz."

Korxona kelajakda faoliyatini yanada kengaytirib, ichki va tashqi bozorda o‘z o‘rnini mustahkamlashni maqsad qilgan.

🔥 Savdo-sanoat palatasi Navoiy viloyati hududiy boshqarmasi matbuot xizmati

🕊Telegram 📱 Instagram 📱 Facebook 📺 Youtube