Toshkent aeroportida “Milliy” nomli birinchi milliy taomlar restorani ochildiToshkent xalqaro aeroportining "Steril" hududida yangi “Milliy” gastronomik restoranining tantanali ochilish marosimi bo‘lib o‘tdi. O‘ziga xos muhitga ega muassasa yo‘lovchilarni o‘zbek oshxonasining boy dunyosiga sho‘ng‘ishga taklif qiladi.
“Milliy” o‘z tashrif buyuruvchilariga an’anaviy taomlarning keng tanlovini taklif etadi: bir necha turdagi osh va somsa, mastava, moshxo‘rda, kabob, salat va shirinliklar, shuningdek, issiq va sovuq ichimliklar. Restoranning ichki ko‘rinishi milliy uslubda dekorativ san’at elementlaridan foydalangan holda yaratilgan bo‘lib, qulay va o‘ziga xos muhit yaratadi.
“Birinchi navbatda shuni ta’kidlamoqchimizki, “Milliy” bu Toshkent aeroportidagi ilk o‘zbek milliy taomlari restorani. Biz uchun nafaqat muassasa ochish, balki o‘zbek madaniyati va mehmondo‘stligining haqiqiy go‘shasiga aylanadigan makon yaratish muhim edi. Umid qilamizki, “Milliy” sayyohlar uchun pazandachilik san’ati orqali mamlakat madaniyati va an’analari bilan tanishish uchun ajoyib imkoniyat bo‘ladi», - deya sharhladi "Orient Intertrade CO" vakillari.
E-auksion.uz platformasidagi auksion yakunlariga ko‘ra, 106 kv.m. lot bo‘yicha “Orient Intertrade CO” kompaniyasi g‘olib deb topildi. Bu "Steril" hududdagi yangi milliy taomlar restorani. Muassasa 60 o‘ringa mo‘ljallangan bo‘lib, Toshkent aeroportidagi barcha savdo shoxobchalari kabi kecha-yu kunduz ishlaydigan restoran sifatida ish boshlamoqda.
#restoran
Web-site |
Facebook |
Instagram |
Telegram |
X |
IOS/Android