KADASTR AGENTLIGI - RASMIY

➡️ Masofaviy xizmatlar eksportini yangi bosqichga olib chiqish vaqti kelgani ta’kidlandi. Faqat texnik xizmat ko‘rsatish bilan cheklanmay, buxgalteriya, konsalting, sug‘urta, yuridik va boshqa professional xizmatlar eksportini yo‘lga qo‘yish kerakligi qayd etildi.

➡️ Prezident xizmatlar sohasida raqobatbardoshlikni oshirish bevosita hudud va tarmoqlarni raqamlashtirish darajasi bilan bog‘liqligini ta’kidladi. Kadastr agentligiga ko‘chmas mulk manzillarining yagona reyestrini tez fursatda oxiriga yetkazish, Transport vazirligiga barcha turdagi yo‘lovchi transportiga chipta olish imkonini beradigan yagona platformani ishga tushirish kechikayotgani ko‘rsatib o‘tildi.

➡️O‘tgan yili transport xizmatlari 8,6 foizga o‘sib, 145 trillion so‘mni tashkil qildi. Lekin, yuqori iqtisodiy o‘sish uchun bu yetarli emasligi qayd etildi.

➡️Yirik multimodal logistika markazlari sonini 2 karra ko‘paytirish bo‘yicha uch yillik dastur qabul qilib, ishlarni boshlash vazifasi qo‘yildi.

➡️ Bu yil transport xizmatlari hajmini 15 foizga oshirib, 185 trillion so‘mga, eksportini 2,2 milliard dollarga olib chiqish zarurligi ko‘rsatib o‘tildi.

➡️O‘tgan yili turizm xizmatlari eksporti 3,5 milliard dollar bo‘ldi. Lekin, bu imkoniyatlarimizga mos emasligi qayd etildi.
Ijtimoiy soha tashkilotlari ham eksport faoliyatida faolroq ishtirok etishi zarurligi ta’kidlandi.

➡️ Viloyat hokimlariga qo‘shni davlatlar bilan chegara oldi hududlarida 21 ta ko‘p tarmoqli klinika tashkil qilishni boshlash topshirildi.

➡️So‘nggi sakkiz yilda 125 ta yangi oliy ta’lim muassasasi tashkil etildi. Shundan 23 tasi xorijiy universitet filiallari. Oliy ta’lim vazirligiga “Top-1000”talikka kirgan 2 ta oliygoh bilan cheklanib qolmasdan, yaqin yillarda ularni 10 taga yetkazish choralarini ko‘rish topshirildi.

Shunigdek, yig‘ilishda hudud rahbarlari va vazirlarning hisoboti tinglandi, tadbirkorlarning namunali tajribasi ko‘rib chiqildi.

📩 Telegram   |  📩 Instagram    |  📩YouTube    | 📩 Facebook       | 📩 Web-sayt

Ayni paytda, Prezident Shavkat Mirziyoyev raisligida xizmat ko‘rsatish sohalarini rivojlantirish bo‘yicha asosiy vazifalar muhokamasi yuzasidan videoselektor yig‘ilishi bo‘lib o‘tmoqda.

➡️ Yig‘ilishda uch yil oldin qabul qilingan xizmatlar sektorini rivojlantirish bo‘yicha katta dastur bugun natijasini berayotgani ta’kidlandi. Qo‘shimcha 1,5 million aholi servis sohasida doimiy daromadga ega bo‘ldi. Xizmatlar 2018 yildagi 19 milliarddan 65 milliard dollarga oshdi (o‘sish – 3,5 barobar).

➡️Tibbiyot, aviatsiya va energetikada xususiy sektor ishtirokidagi loyihalar 20 milliard dollardan oshdi. So‘nggi to‘rt yilda chorvachilikni rivojlantirish uchun xalqaro moliya institutlaridan 700 million dollar olib kelindi, bu yil yana 350 million dollar jalb qilinadi. Buning hisobiga kamida 20 mingdan ziyod veterinarga ehtiyoj paydo bo‘ladi. Birgina Buxoroda 250 nafar veterinarga talab bor.

➡️Nishon, Yangiqo‘rg‘on, Narpayda IT xizmatlari ancha orqadaligi, Samarqand va Yangiyer shahri, Mirzaobod, Mirzacho‘lda moliyaviy xizmatlar hajmi pasaygani, Qarshi shahri, Jomboy, Urgut, Urganch, Uchtepa tumanlarida savdo o‘smayotgani, Farg‘onaning 7 ta tumanida tibbiy xizmatlar hajmi qisqargani tanqid qilindi.

➡️Oxirgi uch yilda 3 mingta ko‘p qavatli uy foydalanishga topshirildi, 38 million kvadrat metr noturar joylar paydo bo‘ldi.

➡️Moliyaviy xizmatlar hajmini 30 foizga oshirish bo‘yicha aniq rejalar belgilangan. Prezidentimiz davlat banklari onlayn xizmatlar, aholi uchun jozibador yangi mahsulotlar yaratishda xususiy banklardan orqada qolib ketayotganini qayd etdi.

➡️Turistlar bildirgan fikrlarni inobatga olib, turizm va servis joylarini kechqurun ham ishlaydigan qilish kerakligi ta’kidlandi.

➡️Yig‘ilishda bu yildan tumanlarda servisni rivojlantirish bo‘yicha yangicha yondashuv bo‘lishi aytildi. Hududlarda 1 ming 156 ta “drayver” loyiha tanlab olinib, tasdiqlandi. Bu loyihalar infratuzilmasiga 1 trillion so‘m beriladigan bo‘ldi.

➡️Qurilish, savdo va umumiy ovqatlanish korxonalariga ishchilar bilan qisqa muddatli, soddalashgan (kunbay, ishbay) mehnat shartnomasini tuzishga ruxsat beriladi.

➡️Tadbirkorlarda yer uchastkalari va davlat mulkini ijaraga olish yoki xususiylashtirish shartlari bo‘yicha savollar ko‘pligi bois, bu borada ochiq, shaffof, manfaatli shartlarni ishlab chiqish va e’lon qilish vazifasi qo‘yildi.

➡️1 martdan 6 oy davomida sotilmagan 10 ming kvadratgacha bo‘lgan davlat ob’yektlari tadbirkorlarga 10 yilga to‘g‘ridan-to‘g‘ri ijaraga beriladi. To‘rt yil davomida ijara vaqtida to‘lansa, bu joy tadbirkorga xususiylashtirib beriladi.

📩 Telegram   |  📩 Instagram    |  📩YouTube    | 📩 Facebook       | 📩 Web-sayt

🇺🇿🇺🇿🇺🇿🇺🇿 🌎🌎🌎🌎

Noqonuniy qurilishlar bartaraf qilindi

🌟Kadastr agentligining Namangan viloyati boshqarmasi Namangan shahar, Yangi Namangan tuman bo'limlari tomonidan hududlarda olib borilgan yer nazorati tadbirlarida aniqlangan noqonuniy qurilishlar bartaraf qilinmoqda.

🔹Jumladan, Namangan shahar "Chorsu" MFY hududidagi nazorat tadbirlarida fuqarolar tomonidan o'zboshimchalik bilan egallab olingan 350 kv.m yerdagi o'zboshimchalik bilan qurilgan qurilmalar bartaraf etilishi ta'minlandi.

🔹Yangi Namangan tumani, "Mingterak" MFY, Saxovat ko'chasi hududida fuqaro P.Z. tomonidan 1 000 kv.m yer maydoni o'zboshimchalik bilan egallab olingan. Bir necha bor yazma ogohlantirilishiga qaramasdan fuqaro tegishli xulosa chiqarmagan. Tuman inspektorlari tomonidan MJtKning 60-modda 3-qismi bilan ma'muriy bayonnoma rasmiylashtirilib, noqonuniy qurilmani bartaraf etish to'grisida sudga da'vo arizasi kiritildi. Natijada sudning xal qiluv qaroriga asosan MIB tomonidan ushbu yer maydoni asl holatiga keltirildi.

❗️Hurmatli fuqarolar va tadbirkorlar! Sizlardan ruxsatsiz noqonuniy qurilish qilmaslikni, qishloq xo'jaligi yerlarini, avtomobil yo‘llari chetlarini, aholi punktlaridagi yer maydonlarni o‘zboshimchalik bilan egallab olmasliklaringizni so‘rab qolamiz. O‘zbekiston Respublikasining 05.08.2024-yildagi O‘RQ-937-sonli Qonuniga asosan, 2018-yil 1-may kunigacha yakka tartibdagi uy-joy qurish orqali o‘zboshimchalik bilan egallangan yer uchastkasi hamda ularda qurilgan bino va inshootlarga nisbatan huquqlar e’tirof etiladi.

#Kadastr_agentligi #yer_nazorati

📩 Telegram   |  📩 Instagram    |  📩YouTube    | 📩 Facebook       | 📩 Web-sayt

🇺🇿🇺🇿🇺🇿🇺🇿 🇺🇿🇺🇿🇺🇿🇺🇿

💠 OAV BIZ HAQIMIZDA

⭐️ Kadastr agentligi Sirdaryo viloyati boshqarmasining tuman va shahar bo‘limlari tomonidan yer va kadastr nazorati yo'nalishida 4 580 holatda 844,2 gektarda huquqbuzarlik holati aniqlanib, jinoyat alomati mavjud bo‘lgan 28 ta holatdagi materiallar huquq- tartibot idoralariga yuborilgan, 7 ta holatda yer qonunbuzilish holatlarini sodir etgan shaxslarga nisbatan jinoyat ishi qo‘zg‘atilgan.

🗣 Bu to‘g‘risida Kadastr agentligi Sirdaryo viloyat boshqarmasida o‘tgan 2024-yilning yakunlari, 2025-yilda amalga oshirilishi ko‘zda tutilgan istiqboldagi rejalarga bag‘ishlangan matbuot anjumanida ma’lum qilindi.

✅ Batafsil: UZA maqolasida

📩 Telegram   |  📩 Instagram    |  📩YouTube    | 📩 Facebook       | 📩 Web-sayt

🇺🇿🇺🇿🇺🇿🇺🇿

💠 OAV BIZ HAQIMIZDA

⭐️ Kadastr agentligi Surxondaryo viloyat boshqarmasining matbuot anjumanida o‘tgan yili vohada 1 ming 674 gektar yer maydoni o‘zboshimchalik bilan egallab olingani ma’lum qilindi.

📊 Nazoratchilar yerlarni o‘zboshimchalik bilan egallab olishga yo‘l qo‘ymaslik, yerga oid qonunbuzilish holatlarining oldini olish yuzasidan o‘tkazgan tadbirlarda 1 ming 388 holatda 1 ming 515 gektar qishloq xo‘jaligi yerlarida, 1 ming 528 ta holatda 55,5 gektar aholi punkti yerlarida, 386 holatda 16 gektar sanoat, transport, aloqa, mudofaa va boshqa maqsadlarga mo‘ljallangan maydonlarda, ikki holatda 0,1 gektar tabiatni muhofaza qilishga mo‘ljallangan yerlarda, olti holatda 0,50 gektar tarixiy-madaniy ahamiyatga ega yerlarda, 852 holatda 86 gektar o‘rmon suv va zaxira yerlarda qonunbuzilishlarga duch kelgan.

✅ Batafsil: UZA maqolasida

📩 Telegram   |  📩 Instagram    |  📩YouTube    | 📩 Facebook       | 📩 Web-sayt