UX'ER

O‘zbek tilini avra-astarini ag‘darib yozadiganlar uchun maslahat: To‘g‘ri yozishni o‘rganmaguningizcha professional kasb egallash haqida o‘ylash ham mumkin emas.

World Usability Day Toshkent

Birinchi marta O‘zbekiston Jahon Foydalanuvchanlik Kuni (World Usability Day) tadbiriga qo‘shiladi. Har yili o‘tkaziladigan bu tadbir foydalanuvchilar uchun qulay, inklyuziv va barqaror muammolarga yechimlar yaratishga bag‘ishlangan bo‘lib, dunyo bo‘ylab dizaynerlar va tadqiqotchilarni birlashtiradi. World Usability Day Toshkentda 2024-yil 7-dekabr kuni bo‘lib o‘tadi.

Bu yilgi WUD mavzusi — Yaxshi dunyo uchun dizayn. Birgalikda dizayn hayotni qanday yaxshilashi va texnologiyalarni barcha uchun qulay hamda kirishimli qilishiga oid masalalarni muhokama qilamiz.

Rossiyadan WUD mehmonlari: Dmitriy Satin va Kseniya Krotova (UsabilityLab). O‘zbekiston vakillari: dizaynerlar Farhod Saidullayev va Javohir Nazarov, shuningdek, Aleksey Ivanov (CX Lab), Yuriy Solodovnikov (Click) va Yuliya Kojuxova (Payme).

Konferensiya bo'lib o'tadi: rus va o'zbek tilida
📅 7-dekabr (shanba)
🕒 10:30–15:00
📍 C-Space Yunusabad (Ahmad Donish k., 20A)

💚 Tadbirga bot orqali ro‘yxatdan o‘ting — https://t.me/itcomuzbot. Ishtirok etish mutlaqo bepul!

Tadbirning bosh hamkori Click fintex kompaniyasiga alohida minnatdorchilik bildiramiz.

2024-yilda UI/UX dizayn bo’yicha ish bozori holati

ADPList joriy yil uchun dizayn bo'yicha ish bozori holatini (State of the design job market 2024) e'lon qildi.

Ma'lumotlar yig'ilishida 640 mingdan ortiq dizaynerlar qatnashgan.

Hisobotni o'qib chiqib, asosiy faktlar va xulosalarimni yozaman:

1. Dizaynerlarga talab oshmoqda

Hisobotda ma'lumot berilishicha, UX dizayn rollari 2019-yildan beri 29.2% ga o‘sgan, bu esa foydalanuvchi tajribasi bo‘yicha mutaxassislarga katta talab borligini ko‘rsatadi. Kompaniyalar foydalanuvchi tajribasiga ko‘proq e’tibor qaratmoqda, bu esa tajribali dizaynerlar uchun ko‘plab imkoniyatlarni yaratmoqda.

Bu tendensiya kelajakda ham davom etishi kutilmoqda, chunki dasturiy ta’minot biznes strategiyalarining markazida turadi.

2. Yumshoq ko‘nikmalarga (soft skills) talab oshmoqda

Ish beruvchilar texnik ko‘nikmalardan tashqari, yumshoq ko‘nikmalarga ham katta ahamiyat bera boshlagani aniq sezilgan. Bunday vaziyatda samarali muloqot va hamkorlik ko‘nikmalariga ega dizaynerlar bozorda ajralib turishi haqida eslatib o'tilgan.

Bu ma'lumot dizaynerlarga yumshoq ko‘nikmalarni rivojlantirish zarurligini ko‘rsatmoqda.

3. Frilanserlik imkoniyatlarining o‘sishi

Dizayn sohasida frilanserlik ishlari ko‘paygani menga qiziq tuyuldi. Ko‘plab dizaynerlar turli xil tajribalarni sinab ko‘rishga imkon beradigan erkin loyihalarni tanlashmoqda.

4. Katta texnologiya kompaniyalaridan (MAANG) tashqaridagi imkoniyatlar

MAANG kompaniyalaridan (Meta, Apple, Amazon, Netflix, Google) tashqari boshqa kompaniyalar ham UX dizayn sohasiga katta sarmoya kiritmoqda.
Masalan, JPMorgan 62 UX dizaynerni ishga olgan va bu ko‘rsatkich ayrim texnologiya kompaniyalaridan ham yuqori.

Bu holat ish qidiruvni faqat texnologiya kompaniyalari bilan cheklamasdan boshqa sohalarda ham qiziqarli imkoniyatlar borligini ko‘rsatmoqda.

4. Ish topish muddati uzaymoqda

Hisobotda dizaynerlar avvalgi yillarga nisbatan ish topish uchun ko’proq vaqt sarflayotgani keltirilgan. 2019-yilda dizaynerlarning 67.9% 3 oy ichida yangi ish topgan bo’lsa, 2024-yilda bu ko’rsatkich 49.5% ga tushgan. Bu esa kuchli raqobat va ish beruvchilarning talabchanligi tufayli yangi pozitsiyalarni egallash biroz qiyinlashayotganini anglatadi.

Bu ma'lumotlar, bugungi bozor holatida ish qidirishda, sabrli bo'lish kerakligiga urg'u bermoqda.

Hisobotdan kelib chiqib, sun’iy intellekt rivojlanishi dizaynerlarni ishsiz qoldiradi deb xavotirlanmasdan, UX/UI dizayn sohasini chuqur o‘rganishda davom eting.

@nodizayn