Ustozning kundaligi (germaniyada ta'lim va sayohat)

Germaniyada turli maqsadlar uchun bir nechta vizalar mavjud. Quyida asosiy viza turlari va ularning maqsadlari keltirilgan:

1. Ishlash uchun viza (Work Visa):

Blue Card (Ko‘k kart): Yevropa Ittifoqi mamlakatlari fuqarosi bo‘lmagan malakali ishchilar uchun mo‘ljallangan. Ma'lum darajadagi yillik daromad (57,300 yevro yoki undan ko‘p) talab qilinadi.

Umumiy ishchi viza: Malakali mutaxassislar yoki Germaniya kompaniyasida ishlash uchun ruxsatnoma.

Ish topish vizasi (Job Seeker Visa): 6 oygacha Germaniyada bo‘lib, ish topish imkonini beradi. Ish topilgach, ishchi vizaga o‘zgartiriladi.



---

2. Ta’lim olish uchun viza (Study Visa):

Talaba vizasi (Student Visa): Germaniyada universitetda o‘qish uchun. Talaba bo‘lish uchun qabul xati talab qilinadi.

Til kurslari vizasi (Language Course Visa): 3 oydan 12 oygacha davom etadigan nemis tili kurslariga qatnashish uchun.

Talabalar amaliyoti vizasi (Internship Visa): O‘qish doirasidagi amaliyot uchun.



---

3. Oilaviy birlashish vizasi (Family Reunion Visa):

Oila a’zolari Germaniyada yashayotgan bo‘lsa, ularga qo‘shilish uchun.



---

4. Tadbirlar uchun qisqa muddatli viza (Schengen Visa):

90 kungacha bo‘lgan qisqa muddatli tashriflar (sayohat, biznes yoki o‘qish uchun qisqa kurslar).



---

5. Ishbilarmonlik vizasi (Business Visa):

Ishbilarmon uchrashuvlar, konferensiyalar yoki biznes maqsadida qisqa muddatda Germaniyaga borish uchun.



---

6. Tadqiqotchilar uchun viza (Research Visa):

Germaniyada tadqiqot olib borish yoki akademik faoliyat uchun.



---

7. Ko‘chib kelish vizasi (Settlement Visa):

Germaniyada doimiy yashash va ishlash maqsadida. Ko‘pincha uzoq muddat ishlagan yoki yashagan shaxslar uchun beriladi.



---

8. Gumanitar viza (Humanitarian Visa):

Siyosiy boshpana yoki qochqinlik holatlari uchun mo‘ljallangan.

Ps: Oxirgi paytlar visa atrofidagi savollar koʻpaygandi, shunga maxsus. Kimdir boshingizni qotirsa bemalol joʻnatavering.

---

Muhim nuqtalar:

Har bir vizaning o‘ziga xos talab va shartlari bor (masalan, moliyaviy kafolat, sug‘urta, hujjatlar).

Odatda, barcha vizalar uchun sizdan sog‘lomlik sug‘urtasi va moliyaviy kafolat talab qilinadi.

Germaniya vizalarini olishda eng ishonchli manba – Germaniya konsulligi yoki elchixonasining rasmiy veb-sayti.

Abu Hurayra (r.a) dan rivoyat qilingan bir hadisi sharifda bu ulug‘ fazilat (yaxshilikka chorlash va yomonlikdan qaytarish) haqida shunday deyiladi: “Rasululloh sollallohu alayhi vasallam: “Yaxshilikka buyuraveringlar garchi amal qilmasalar xam, yomonlikdan qaytaraveringlar garchi qaytmasalar xam” - dedilar.


Ps:Bugungi kundagi eng dolzarb mavzulardan ekan, "Menga nima?!" , "Baribir oʻzgarmaydi!" demasdan qoʻldan kelguncha hammani yaxshilikka dalolat qilishimiz kerak ekan.

Imkoning boʻlsa ustoz topgin yoki imkonini topgin ....

Assalomu alaykam. Azizlar bugun ustoz topish haqida gaplashamiz xudo xoxlasa.
"Ustozsiz ilm olib bo'lmaydi!" yoki " Ustozsiz insonning ustozi shayton bo'ladi!" degan gaplarni eshitganmiz, menimcha. Bu gaplar haqligiga ishonsam ham qalbimda ozgina shubha bor edi :" Nega mustaqil o'rganish yomonmi ? Ustozsiz ilm olganlar ko'pku ? Ustoz topa olmasa endi o'qimasligi kerakmi ? " kabi savollar qiynar edi,lekin hozirda bu gaplar haqligi borasida savollarim yoʻq. Lekin bu gaplarni asosan ulamolardan eshitganim uchun faqat diniy kitoblarda deb yurardim. Aslida adashibman, shaxsiy tajribamdan sezdimku ustozsiz biror sohaga kirish juda qiyin, koʻp vaqt oladi adashishlar juda koʻp boʻladi, vaqtingizni,kuchingizni, asabingizni yoʻqotasiz.... Diniy mavzularda esa vaziyat yanada jiddiy! Aqidada chalgʻish, terrorizm targʻib qiluvchi, xullas botil aqidali guruhlar girdobiga tushib qolish hech gap emas ekan. Imkon boʻlsa ustoz toping, imkon boʻlmasa imkonini toping, lekin ustozsiz ilm yoʻliga qadam tashlamang. Ha toʻgʻri ustozsiz ham ilm olganlar bor, lekin bu xuddi oʻzini 2-qavatdan tashlab shikast olmaslikka umid qilishga oʻxshatish mumkin. Fikrlar subyektiv.

Ps: Postdan kelib chiqib ham ustoz koʻrmagan kaminayu-kamtarinni qalami hali ojizligini payqash siz, azizlarga unchalik qiyinchilik tugʻdirmadi degan umiddaman.

Bismillah....
Assalomu aleykum, keling chet tilini, ayniqsa ingliz tilini oʻrganish jarayonida kinolar va seriallar ko'rish haqida gaplashamiz. "Bu juda foydali!" deysizmi ? Yo'q shoshmang, hali xulosa qilishga erta. Men umuman bu narsani tavsiya qilmagan boʻlardim. Shartli savol : " Nega ? " . Sababi esa oddiy: Ular bizning milliy qadriyatlarimizga toʻgʻri kelmaydi, asosan katta yoshdagi foydalanuvchilar uchun ya'ni "20+ " sahnalarni o'z ichiga oladi. Bu esa har qanday insonga yomon ta'sir qiladi, ichish, chekish, jinoyat qilish, so'kinishni normal qabul qilishga sezilmagan tarzda undaydi, targʻib qiladi. Bilaman hozir : " Biz unda nima qilaylik ? " demoqdasiz. Eng foydali va samarali usuli podkast va intervyular hisoblanadi. Ayniqsa hozirda juda koʻp shaxsiy rivojlanish, sogʻliqni saqlash, samarali mehnat qilish haqida. Toʻgʻri ular anchagina zerikarli kinolarga taqqoslaganda, lekin unutmangki zerikarli yoki biz yoqtirmagan narsalarda bizga koʻproq xayr va manfaatlar bo'lishi mumkin, Olloh bilguvchiroqdir.

Qolganlarga ham eslating zero:
".. Eslating zero eslatish mo‘minlarga manfaat yetkazur ..." Zariyat surasi 55-oyat .

Ps: Men tavsiya qilaman :
1. Ted-Ed
2.The dairy of CEO
3. BBC learning English
4. Andrew Huberman
5.English for everyone with Kevin and Liza

Keling 2023-2024-yillarni tahlil qilamiz. Bu yillarda 4 marta magistraturaga turli universitetlarga qabul qilindim, Alhamdulillah. Bu yillardagi kamchilik va yuqutlarni tahlil qilib siz bilan bo'lishmoqchiman. Tan olish kerak 1 yilga yaqin depressiyada yurdim. Turli asarlar o'qidim masalan " Men " , "Diqqat " .... shu paytgacha jami o'qigan asarlarim soni 70 ga yaqinlashyapti. Lekin meni depressiya tark etmadi. Sababi aslida hozir anglasam juda oddiy, siz qilishingiz zarur bo'lgan ishni emas, o'zingiz xoxlagan ishni qilayapsiz. 2024-yil sentabrdan boshlab stressdan deyarli qutuldim, chunki o'sha vaqtdan boshlab faqat o'zim qilishim kerak bo'lgan ishga diqqat qarata boshladim. Bitta narsani o'z tajribamdan kelib chiqib ayta olamanki, sizni depressiya yoki stress o'zingiz qilishingiz kerak bo'lgan ishni boshlamagingizgacha tark etmaydi. Hozirda Germaniyada yana shuni anglayapmanki, hayot har doim qiyin bo'lgan va yana shunaqa bo'lib qoladi. Shu paytgacha faqat qanaqa baxtli bo'lish mumkinligi to'g'risida yozgan ekanman chunki o'zim baxtsiz edim. Hozir esa hayotimdan mamnunman sababi Germaniyadaligim uchun emas, balki o'zim qilishim lozim bo'lgan ishni qilayotganim uchun. Hozirda hali 2 yil davomida yaxshigina qiynalishimni his qilayapman, lekin hayotimdan roziman. Shunchaki do'stona tavsiyalar :
1.Kitob o'qing. ( eng og'riqli va muhim tavsiya) 2. Yaxshi insonlar bilan birga bo'ling. 3. Ibodat qiling. ( Aslida shu tavsiya hammasini o'z ichiga oladi ) 4. Xoxlagan emas qilishingiz kerak bo'lgan ishlarni qiling. 5. Ustoz toping. 6. Har doim yoqmagan ishlarni qilishga majburligimizni unutmang. 7. Til o'rganing.
Ps: Motivatorlik qilishga menga emas, aql o'rgatish ham. Lekin qalbni va ruhni azobga soladigan bu og'riqdan qutulishni mening nazdimdagi yo'li haqida yozishim zarur edi. Hayot sizniki va har bir qaror uchun o'zingiz javob berasiz har holda.