Toshkent shahridagi Prezident maktabi | Presidential School in Tashkent

#Qonunchilikdagi_yangiliklar

✅ Avval xabar qilinganidek, Oʻzbekiston Respublikasi Prezidentining “Oʻzbekiston – 2030” strategiyasini “Atrof-muhitni asrash va “yashil iqtisodiyot” yilida amalga oshirishga oid davlat dasturi toʻgʻrisida"gi Farmoni qabul qilindi. Unga koʻra:

2025-2026-oʻquv yilidan:

➖ respublikaning har bir tumanida (shahrida) bosqichma-bosqich inklyuziv taʼlim talablariga javob beradigan kamida bittadan umumtaʼlim maktabi faoliyati tashkil etiladi;

➖ yangi baholash tizimi joriy etiladigan umumtaʼlim maktablar soni 3 000 taga yetkaziladi;

➖ maktabgacha taʼlim tashkilotlari va umumtaʼlim maktablarida qoʻl mehnati bilan yaratilgan asarlar, oʻquvchilar tomonidan chizilgan rasmlar va ijodiy ishlarni oʻz ichiga olgan "Ekologik burchaklar";

➖ maktabgacha taʼlim tashkilotlarida "Ekologik yo‘lakchalar";

➖ maktablarda I va III chorakning soʻnggida "Tabiatni asrashda mening hissam" mavzusida turkum tadbirlar tashkil etiladi;

➖ oʻquv yili yakunida respublika miqyosida "Eng namunali eko maktab" tanlovi oʻtkaziladi;

2025-yil 1-feraldan:

➖ umumiy oʻrta taʼlim muassasalarida oʻzbek tili (davlat tili) fani boʻyicha dars beruvchi hamda Bilim va malakalarni baholash agentligining milliy baholash tizimida olingan tegishli darajadagi oʻzbek tili va adabiyoti sertifikatiga ega boʻlgan pedagog kadrlarga ularning tarif stavkasiga nisbatan 50 foiz miqdorida har oylik qoʻshimcha ustama toʻlanadi;

2025-yil 1-maydan:

➖ "Toza qo‘llar" dasturi doirasida barcha taʼlim muassasalarining qo‘l yuvish joylari zarur sanitariya-gigiyena vositalari bilan taʼminlanadi;

2025-yil davomida:

➖ maktabgacha taʼlim tashkilotlari mavjud boʻlmagan olis va chekka hududlarda maktabgacha taʼlimning muqobil shakli boʻlgan mobil guruhlar faoliyati yoʻlga qoʻyiladi;

➖ uyda taʼlim olayotgan oʻquvchilar uchun elektron va video darsliklar yaratiladi hamda mobil qurilmalar orqali foydalanish uchun maxsus moslashtirilgan platforma yaratiladi;

➖ "Raqamli kutubxona" tizimining kitoblarga buyurtma berish moduli joriy etiladi;

➖ umumtaʼlim maktablari tabiiy fanlar laboratoriya jihozlari, sport jihozlari va milliy musiqa cholgʻu asboblari bilan taʼminlanadi;

➖ umumiy o‘rta taʼlim muassasalari uchun 65 nomdagi yangi darsliklar, mashq daftarlari, o‘qituvchi metodika kitoblari yaratiladi;

➖ umumiy o‘rta taʼlim muassasalariga 500 nafar xorijiy mutaxassislar jalb etiladi;

➖ nodavlat umumiy oʻrta taʼlim tashkilotlari soni 700 taga yetkaziladi;

2025-yil oktabr-dekabr oylarida:

➖ maktab oʻquvchilari oʻrtasida gimnastika boʻyicha "Maktabgacha va maktab taʼlimi vaziri kubogi" sport musobaqasi oʻtkaziladi.

Shuningdek, tegishli vazirlik va tashkilotlar, mahalliy hokimliklar bilan hamkorlikda:

➖ maktabdan tashqari taʼlim tashkilotlarining o‘qituvchi-trenerlari rivojlangan xorijiy mamlakatlarga malaka oshirish va stajirovkaga yuboriladi;

➖ intellektual oʻyinlarni rivojlantirish maqsadida taʼlim muassasalarida shaxmat toʻgaraklari joriy etiladi;

➖ "Bir million dasturchi" loyihasi doirasida yoshlarni nufuzli xalqaro kompaniyalar talablariga mos dasturlar asosida tayyorlash choralari koʻriladi;

➖ taʼlim muassasalari ehtiyojdan kelib chiqqan holda chiqindi konteynerlar bilan taʼminlanadi.