Toshkent tibbiyot akademiyasida 2024-yil yuklama bajarilishi va xalqaro reyting yuzasidan ishlar tahlil qilinmoqda

Toshkent Tibbiyot Akademiyasida professor-o‘qituvchilarning 2024-yil uchun o‘quv yuklamasi bajarilishi hamda xalqaro reyting mezonlariga mos ravishda amalga oshirilgan ishlar natijalari bo‘yicha tahliliy yig‘ilish bo‘lib o‘tmoqda.

Mazkur yig‘ilishning asosiy maqsadi professor-o‘qituvchilar tomonidan o‘quv, ilmiy va uslubiy ishlar bo‘yicha yuklamalarning bajarilish darajasini baholash, samaradorlikni oshirish yo‘nalishida qo‘shimcha chora-tadbirlarni belgilash va xalqaro reytinglarda akademiyaning pozitsiyasini mustahkamlashdan iborat.

Tahlil davomida quyidagi yo‘nalishlar bo‘yicha bajarilgan ishlar muhokama qilinmoqda:

Ilmiy-tadqiqot faoliyati va nashr etilgan maqolalar soni hamda sifati;

Akademiklar va tadqiqotchilarning xalqaro ilmiy hamkorlikda ishtiroki;

Ta’lim jarayonida zamonaviy texnologiyalarni qo‘llash darajasi;

Xalqaro reyting talablari asosida ta’lim sifatini oshirish bo‘yicha amalga oshirilgan chora-tadbirlar.

Yig‘ilishda Akademiya rahbariyati va mutasaddi bo‘limlar tomonidan 2025-yilda amalga oshirilishi rejalashtirilgan ishlar rejasining loyihasi ham taqdim etildi.

Toshkent Tibbiyot Akademiyasi rahbariyatining ta’kidlashicha, mazkur tahliliy ishlar akademiyaning xalqaro maydondagi nufuzini oshirish, ilm-fan sohasida yetakchi pozitsiyalarni egallash va talabalarga yuqori sifatli ta’lim berish maqsadlariga xizmat qiladi.

Bizni kuzatishda davom eting!

TMA.uz | Telegram | Facebook | Instagram | YouTube | X