Бобур БОБОМУРОД.

Ўзбекистонда  хизмат  кўрсатган  маданият  ходими

ТИЛАК  ЖЎРА

Кезиб кўҳна оламни,
Излаб  тоза  одамни,
Овунмайди  дил  сира –
Қайда,  дер,  Тилак  Жўра?

Боғлар  хазони  йиғлар,
Тоғлар  тўзони  йиғлар.
Ҳатто  қуёшдан  сўра –
Қайда,  дер,  Тилак  Жўра?

Парилар  суҳбат  қурса,
Ногоҳ  паришон  турса.
Азал  одатга  кўра –
Қайда,  дер,  Тилак  Жўра?
 
Кўнгил  баъзан  тўлмаса,
Қалбни  алдаб  бўлмаса.
Ўртанар  юрак  жўра,
Қайда,  дер,  Тилак  Жўра?!


https://t.me/tilakjura1947