O‘zbekiston Respublikasi Prezidentining 19.01.2022-yildagi “Mahallalarda yoshlar bilan ishlash tizimini tubdan takomillashtirish chora-tadbirlari to‘g‘risida”gi PQ-92-sonli qarori ijrosini ta’minlash maqsadida Termiz agrotexnologiyalar va innovatsion rivojlanish instituti atrofida joylashgan mahallalar bilan hamkorlikda doimiy ravishda sport va ma’naviy tadbirlar muntazam tashkil etib kelinmoqda. Ushbu tadbirlardan ko‘zlangan asosiy maqsad institut talaba-yoshlari hamda mahallalardagi uyushmagan yoshlarning bo‘sh vaqtlarini mazmunli o‘tkazishdan iborat. Shu maqsadda joriy yilning 30-mart kuni mazkur mahallalarning yoshlar yetakchilari bilan hamkorlikda sportning futbol turi bo‘yicha musobaqa tashkil etildi. Ushbu musobaqada institut talabalari hamda mahallalardagi yoshlardan iborat 16 ta jamoa ishtirok etdi. Qizg‘in va murosasiz kechgan bahslar yakuniga ko‘ra “Yangiobod” mahallasi yoshlari g‘oliblikni qo‘lga kiritishdi.