tanga.uz — biznes va moliyaviy yangiliklar

2024-yilda O'zbekistonga 224,8 mln dollarlik jami 24 mingdan ziyod elektromobil import qilindi. Import hajmi 2023-yilga nisbatan 1,5 barobarga oshdi. Elektromobillarning 99,5 foizi Xitoydan import qilingan.

https://tanganews.uz/news/45

Telegram | Instagram | YouTube | X

6-fevral kuni 1 gramm oltinning narxi 1 mln 236 ming so'mga yetdi. Bu O'zbekistonda oltin narxi bo'yicha rekord hisoblanadi. Uch kun davomida 5 grammlik oltin quyma narxi 191 ming so'mga qimmatladi. Yil boshidan buyon oltin narxi jami 9,16 foizga ko'tarildi.

https://tanganews.uz/news/42

Telegram | Instagram | YouTube | X

Dollar kursi arzonladi

6-fevraldan dollarning so’mga nisbatan rasmiy kursi 12 985,32 so’m etib belgilandi.

Telegram | Instagram | Youtube | X

❗️2025-yilning 1-mayidan boshlab elektromobillar uchun utilizatsiya yig‘imi oshiriladi.

Bunda utilizatsiya yig'imi:

➖ishlab chiqarilganiga 3 yildan oshmagan elektromobillar uchun — BHMning 30 barobaridan 120 barobarigacha (45 mln so'm),
➖ishlab chiqarilganiga 3 yildan oshgan elektromobillar uchun — BHMning 90 barobaridan 210 barobarigacha (78,75 mln so'm) ko'tarilmoqda.

Biroq, mahalliy ishlab chiqaruvchilar bu yig'imdan ozod qilingan.

https://tanganews.uz/news/40

Telegram | Instagram | YouTube | X

VMning tegishli qaroriga ko'ra, shu yilning may oyidan boshlab 1 kg kuryerlik jo‘natmalari uchun BHMning 2 foizi —7 500 so‘m miqdorida boj to'lovi belgilandi.

Mazkur bojlar TEMU, Ozon, Amazon kabi internet do'konlari tomonidan to'lanadi. Iste'molchilar 1000$ gacha tovarlarni bojsiz olib kirishda davom etadi.

https://tanganews.uz/news/37

Telegram | Instagram | YouTube | X

Dollar kursi rekord qayd etdi

5-fevraldan dollarning so'mga nisbatan rasmiy kursi 12 998,91 so'm etib belgilandi.

Bu dollarning so'mga nisbatan rasmiy kursi tarixidagi rekord hisoblanadi.

Telegram | Instagram | Youtube | X

❗️HUMO to’lov tizimi vaqtinchalik ishlamayotgani aytilmoqda

@tangauzb

Ma'lum bo'lishicha, firibgarlar fuqarolarga 100-500 dollar pul evaziga ular nomiga avtokredit rasmiylashtirgan. Jabrlanuvchilar esa kredit kompaniya tomonidan to‘lab borilishiga, 2 oy ichida kredit to‘liq yopilishiga ishontirilgan. Shu tariqa 203 kishi aldangan. Yetkazilgan umumiy zarar miqdori esa 62 mlrd so‘mni tashkil qilgan.

https://tanganews.uz/news/36

Telegram | Instagram | YouTube | X

Dollar kursi ko'tarildi

4-fevraldan dollarning so'mga nisbatan rasmiy kursi 12 985,01 so'm etib belgilandi.

Telegram | Instagram | Youtube | X

O'zbekistonda 1 gramm oltin narxi 1 mln 197 ming so'mga teng bo'ldi. Oltin narxi yanvar oyida 5,8 foizga yoki 65 ming so'mga qimmatlagan. Eslatib o'tamiz, 2024-yil davomida O'zbekistonda oltin narxlari 32 foizga o'sgan. Oltin narxlari 2026-yil oxiriga kelib 1 troya unsiyasi uchun $3000ga yetishi prognoz qilinmoqda.

https://tanganews.uz/news/35

Telegram | Instagram | YouTube | X

❗️2024-yilni eng ko'p sof foyda bilan yakunlagan TOP-10 banklar — tahlil

2024-yilda sof foyda ko'rsatkichi bo'yicha TOP-10 banklar umumiy hisobda 9,5 trln so'mdan ko'proq sof foyda oldi. Ushbu banklarning sof foydasi bo'yicha so'nggi 5 yillikdagi ko'rsatkichlarini tahlil qildik.

https://tanganews.uz/news/34

Telegram | Instagram | YouTube | X

2025-yil 1-yanvardan boshlab avtobusdan foydalanishda naqd pul qabul qilish amaliyoti to'xtatildi. Tanga.uz jamoat transportlarida to’lovlar uchun aksiya o'tkazayotgan ilova va bank kartalarini bir joyga to'pladi.

https://tanganews.uz/news/27

Telegram | Instagram | YouTube | X

Dollar kursi ko'tarildi

3-fevraldan dollarning so'mga nisbatan rasmiy kursi 12 975,05 so'm etib belgilandi.

Telegram | Instagram | Youtube | X

Kapitalbankning sof foydasi so'nggi besh yilda 752 foizga o'sdi

Kapitalbank 2024-yilni 1,15 trln so'mdan ko'proq sof foyda bilan yakunladi. Bu 2023-yilga nisbatan 29 foizga kamroqdir.

Sof foyda ko'rsatkichi bo'yicha esa banklar orasida 4-o'rinni band qildi. Bankning sof foydasi so'nggi 5 yilda 752 foizga o'sganligini qayd etish lozim.

Kapitalbank haqida

Bank 2001-yilda faoliyatini boshlagan. Hozirgi kunda ustav kapitali 502 mlrd so'mdan ko'proqni tashkil qiladi va uning 100% ulushi "KPB Property Holding" MCHJga tegishli. Bu MCHJning oldingi nomi "FINANCE TCI" bo'lgan.

2023-yilning yanvar oyidan beri Kirill Leonidovich Mayevskiy bank boshqaruv raisi hisoblanadi.

Bank 2024-yilda xususiy sektorda TOP-10 soliq to'lovchilar ro'yxatidan joy oldi. Bank yil davomida 610,3 mlrd so'm soliq to'lab, oltinchi o'rinni band qilgan.

Kapitalbank O'zbekistonning eng katta xususiy banklaridan biri hisoblanadi.

Bankning aktivi, kapitali va kredit portfeli

2024-yilda bankning aktivlari qariyb 47,4 trln so'm, jami kapitali esa 5,2 trln so'mdan oshgan. Bankning kredit portfeli esa 31,5 trln so'mdan ko'proqni tashkil qildi.

Bank aktivlari 2020-yildan beri qariyb 550 foizga o'sganini qayd etish lozim.

Telegram | Instagram | Youtube | X

28-yanvar kuni Alibaba Cloud (Singapur) kompaniyasi O'zbekistonda QQS to'lovchi sifatida ro'yxatdan o'tdi.

Bu orqali O'zbekistonda soliq to'lovchi xorijiy elektron kompaniyalar soni 65 taga yetdi.

"Alibaba Cloud" Xitoyning Alibaba Group kompaniyasi tarkibiga kiradi. Bu kompaniya pullik asosda taqdim etiladigan bulutli xizmatlarni taklif etadi, ular elastik hisoblash, ma’lumotlarni saqlash, katta ma’lumotlarni qayta ishlash, DDoS himoyasi va kontentni yetkazib berish tarmoqlarini (CDN) o‘z ichiga oladi.

Gartner ma’lumotlariga ko‘ra, bu Xitoy va Osiyo-Tinch okeani mintaqasidagi eng yirik bulutli hisoblash kompaniya hisoblanadi.

Malumot uchun, Alibaba internet do'koni 2025-yilning 1-iyuliga qadar O'zbekistonda yuridik shaxs sifatida davlat ro'yxatidan o'tmasa, mamlakatda faoliyatini yakunlashi mumkin. Bu haqida batafsil ushbu post orqali o'qish mumkin.

Avvalroq, elektron xizmatlar ko‘rsatuvchi xorijiy kompaniyalarning 2024-yilda O'zbekistonda to'lagan soliqlari haqida yozgandik.

Telegram | Instagram | Youtube | X

2024-yilni 9 ta bank umumiy hisobda 4,5 trln so'mdan ko'proq zarar bilan yakunladi.

2024-yilni zarar bilan yakunlagan banklar quyidagilar:

➖ Biznesni rivojlantirish banki — -2 trln 231 mlrd so’m;
➖ Mikrokreditbank — -1 trln 704 mlrd so’m;
➖ Ipoteka-bank — -240,2 mlrd so’m;
➖ AVO bank — -93,3 mlrd so’m;
➖ Apex Bank — -75 mlrd so’m;
➖ Garant bank — -64,3 mlrd so’m;
➖ Yevroosiyo Banki — -39,1 mlrd so’m;
➖ Yangi Bank — -31,9 mlrd so’m;
➖ Hayot Bank — -22,5 mlrd so’m.

Banklardagi vaziyat haqida

Hayot Bank, Yangi Bank va Apex Bank 2023-yilda, Yevroosiyo Banki esa 2024-yilning boshida davlat ro'yxatidan o'tkazilgan. Bu mazkur banklar hozircha foydaga kirmaganini izohlaydi.

Yil davomida Yevroosiya bankidan tashqari, qolgan uchala banklarning kredit portfeli va depozit bazasida ijobiy o’zgarishlar kuzatilgan.

Hayot Bankning boshqa ko’rsatkichlari yil davomida yaxshi tomonga o’zgargan. Xususan, bankning depozit bazasi va kredit portfeli 1 trln so’mdan oshgan.

Yevroosiyo banki hozirda raqamli bankni ishga tushirish ustida ishlamoqda.

Garant bank aksiyadori o’zgargandan so’ng bankning moliyaviy hisobotlari qayta o’rganilgan va shundan so’ng bank yilni zarar bilan yakunlashi ma’lum bo’lgandi.

BRB va MKBANK

Biznesni rivojlantirish banki va Mikrokreditbank yil davomida qariyb 4 trln so’m zarar ko’rgan.

Ikkala davlat banki O’zbekistonda eng ko’p imtiyozli kreditlar ajratuvchi banklar hisoblanadi. Ushbu kreditlarning muammoli kreditga aylanish ehtimoli ham balandroq hisoblanadi.

Biznesni rivojlantirish banki 2023-yildagi rebrending (bunga qadar Qishloq Qurilish Bank) natijasida faoliyat maydonini ham o'zgartirganini ko'zda tutish lozim.

Kredit xatarlarini oldini olish uchun shakllantirilgan rezerv mablag’lari qaytganda bu banklar ham sof foydaga qaytishi mumkin.

Telegram | Instagram | Youtube | X

Dollar kursi yana arzonladi

31-yanvardan dollarning so’mga nisbatan rasmiy kursi 12 957,01 so’m etib belgilandi.

Telegram | Instagram | Youtube | X

Raqobat qoʻmitasi “Payme”ni onlayn to‘lov tizimlari bozorida ustun mavqega ega raqamli platforma operatori deb e‘tirof etdi.

Bu qarorga “Payme” AJning Raqobat qo‘mitasiga taqdim etgan xabarnomasi asos bo'lgan.

Ustun mavqe qanday aniqlanadi?

Bunda kompaniyaning:

➖ agar yillik daromadi 37,5 mlrd soʻmdan yuqori boʻlsa;
➖ agar foydalanuvchilari soni 50 mingdan oshsa;
➖ agar bozordagi ulushi 40 foizdan yuqori boʻlsa ustun mavqega ega kompaniyalar roʻyxatiga kiritiladi.

Ustun mavqe va monopoliya o'rtasida biroz farq mavjud. Ustun mavqega ega kompaniyalar ham bozorga ta'sir ko'rsatishi mumkin, lekin ularning raqobatchisi bo'ladi. Bunga misol qilib, Agrobank, Yandex Taxi, Beeline kabi ustun mavqega ega kompaniyalarni keltirish mumkin.

O'zbekistonda shu kabi kompaniyalar ro'yxatini ushbu havola orqali ko'rish mumkin.

Telegram | Instagram | Youtube | X