PROFESSOR ABDUSAMI SOLIYEVICH SOLIYEV (1943-2016).
Bugun, 3-fevral – iqtisodiy va ijtimoiy geografiya sohasining yirik namoyandasi, ilm-fanga va ta’limga ulkan hissa qo‘shgan taniqli olim, O‘zbekiston va Markaziy Osiyo aholi va shahar geografiyasining buyuk tadqiqotchisi Abdusami Soliyevich Soliyev tavallud topgan kun.
Professor A. S. Soliyev o‘z umrini ilmiy izlanishlarga, o‘qituvchilik va ilmiy kadrlar tayyorlashga bag‘ishlagan ulug‘ olimlardan biri bo‘lib, u O‘zbekiston iqtisodiy va ijtimoiy geografiyasining rivojlanishida muhim o‘rin tutgan. U butun faoliyati davomida geografiya fanining nazariy va amaliy muammolarini chuqur tadqiq qilgan, shuningdek, mintaqaviy iqtisodiyot va hududiy rivojlanishning dolzarb masalalarini o‘rganishda muhim ilmiy maktab yaratgan.
Uning “Markaziy Osiyo respublikalarida aholi joylashuvi rivojlanishining omillari va tendensiyalari” mavzusidagi doktorlik dissertatsiyasi nafaqat O‘zbekiston, balki butun Markaziy Osiyo geografiya ilmining taraqqiyotiga katta hissa qo‘shdi. Uning qalamiga mansub 380 dan ortiq ilmiy ish, 40 dan ziyod monografiya va darsliklar bugungi kunda ham geografiya sohasi mutaxassislari va talabalar uchun muhim manba bo‘lib xizmat qilmoqda.
Domla nafaqat buyuk olim, balki ilmiy maktab asoschisi sifatida ham benazir fidokorlik ko‘rsatgan. U tayyorlagan 45 nafar ilmiy izlanishchi – fan nomzodlari, falsafa doktorlari va fan doktorlari bugungi kunda O‘zbekiston va xalqaro ilmiy jamoatchilikda geografiya fanini rivojlantirishga munosib hissa qo‘shib kelmoqda.
Ustozning sa’y-harakatlari tufayli O‘zbekiston Geografiya jamiyati faoliyati yangi bosqichga ko‘tarildi, uning syezd va konferensiyalari muntazam o‘tkazila boshlandi, “O‘zbekiston Geografiya jamiyati xabarlari” jurnali ilmiy nufuzli nashrga aylandi.
Ustoz Abdusami Soliyevich Soliyev 2016-yilda bu olamdan ko‘z yumdi. Bugun hayot bo‘lganlarida 82 yoshni qarshilagan bo‘lar edilar. Ustozning oxirati obod bo‘lsin. Ustozning ilmiy merosi, fidokorona mehnati va ta’limga bag‘ishlagan hayoti avlodlar uchun bebaho boylik bo‘lib qoladi. Uning ilmiy yutuqlari va insoniy qadriyatlari kelajak avlod olimlari uchun doimiy ilhom manbai bo‘lib xizmat qiladi.
@tabiiygeografiya
Bugun, 3-fevral – iqtisodiy va ijtimoiy geografiya sohasining yirik namoyandasi, ilm-fanga va ta’limga ulkan hissa qo‘shgan taniqli olim, O‘zbekiston va Markaziy Osiyo aholi va shahar geografiyasining buyuk tadqiqotchisi Abdusami Soliyevich Soliyev tavallud topgan kun.
Professor A. S. Soliyev o‘z umrini ilmiy izlanishlarga, o‘qituvchilik va ilmiy kadrlar tayyorlashga bag‘ishlagan ulug‘ olimlardan biri bo‘lib, u O‘zbekiston iqtisodiy va ijtimoiy geografiyasining rivojlanishida muhim o‘rin tutgan. U butun faoliyati davomida geografiya fanining nazariy va amaliy muammolarini chuqur tadqiq qilgan, shuningdek, mintaqaviy iqtisodiyot va hududiy rivojlanishning dolzarb masalalarini o‘rganishda muhim ilmiy maktab yaratgan.
Uning “Markaziy Osiyo respublikalarida aholi joylashuvi rivojlanishining omillari va tendensiyalari” mavzusidagi doktorlik dissertatsiyasi nafaqat O‘zbekiston, balki butun Markaziy Osiyo geografiya ilmining taraqqiyotiga katta hissa qo‘shdi. Uning qalamiga mansub 380 dan ortiq ilmiy ish, 40 dan ziyod monografiya va darsliklar bugungi kunda ham geografiya sohasi mutaxassislari va talabalar uchun muhim manba bo‘lib xizmat qilmoqda.
Domla nafaqat buyuk olim, balki ilmiy maktab asoschisi sifatida ham benazir fidokorlik ko‘rsatgan. U tayyorlagan 45 nafar ilmiy izlanishchi – fan nomzodlari, falsafa doktorlari va fan doktorlari bugungi kunda O‘zbekiston va xalqaro ilmiy jamoatchilikda geografiya fanini rivojlantirishga munosib hissa qo‘shib kelmoqda.
Ustozning sa’y-harakatlari tufayli O‘zbekiston Geografiya jamiyati faoliyati yangi bosqichga ko‘tarildi, uning syezd va konferensiyalari muntazam o‘tkazila boshlandi, “O‘zbekiston Geografiya jamiyati xabarlari” jurnali ilmiy nufuzli nashrga aylandi.
Ustoz Abdusami Soliyevich Soliyev 2016-yilda bu olamdan ko‘z yumdi. Bugun hayot bo‘lganlarida 82 yoshni qarshilagan bo‘lar edilar. Ustozning oxirati obod bo‘lsin. Ustozning ilmiy merosi, fidokorona mehnati va ta’limga bag‘ishlagan hayoti avlodlar uchun bebaho boylik bo‘lib qoladi. Uning ilmiy yutuqlari va insoniy qadriyatlari kelajak avlod olimlari uchun doimiy ilhom manbai bo‘lib xizmat qiladi.
@tabiiygeografiya