Sulton Nizomiddin oʻgʻli

Kitob

2-qism

Shuncha o'qidim nimagadir qiziq emas...
Qanaqa kitob olsamikan...
Kimni kitoblarini olay...

Shu kabi savollarga javob berishga urinamiz.
Bugun kitob haqida postimizning davomi — kitob tanlash haqida gaplashamiz.

Kitob tanlashda ustozlardan eshitgan, tajribada ko'rganlarimizni bo'lishamiz.

Kitob tanlashda asosiy 3 qoida:
1. Holatga qarab tanlash
2.Muallifga qarab tanlash
3.Foydalinilgan adabiyotlarga qarab tanlash

Shular haqida gaplashamiz.

1 va 2 ni oldin ham ko'p bora aytib kelganman. Yana bir takrorlaymiz. Foydadan xoli bo'lmas.

1. Bilib qo'yaylik, agar u amal qilsa bo'ladigan kitob bo'lsa, deylik, odob-axloq, shaxsiy rivojlanish, vaqt boshqaruvi va hokazolarga aloqador kitoblar bo'ladigan bo'lsa, agar amal qilmasak zararimizga ishlaydi bu.

Nimaga deganda, o'sha o'qib amal qilmaydigan kitobimizni o'rniga boshqa foydali ish qilsak vaqtdan yutgan bo'lar edik. Shunchaki o'qiysiz, uni amal qilish bilan tashqariga chiqarmasangiz yo'qolib ketadi.

Badiiy kitob esa oldin aytganimdek tasavvur, xotira, ibrat bo'lish uchun, hayotni o'rganish uchun foydali. Bunda esa 2-tavsiyaga e'tibor berish kerak.

Endi asosiy masala — holatga qarab tanlash. Yuqorida aytganimdek, agar amal qilsangiz, shunga ishonch komil bo'lsa o'qish kerak. O'shanga yarasha, deylik, sohangiz "A" soha, siz avval shu soha bo'yicha kitoblar o'qing. Farzand tarbiya qilyapsiz Farzand tarbiyasida 700 saboq kitobini o'qing(misol uchun).

2. Shunaqa kitoblar muallifi bor o'zi yozgan kitobga muvofiq yashamagan. Shunga muvofiq muallif o'z aytayotgani ustida bo'lishi kerak. Holati yozgani bilan bir xil bo'lishi kerak.

Qoida: Muallifning ishi faqat yozib pul topish bo'lmasligi kerak.

Hozir reklama rivojlangan, bir mashhur odam bir kitobni reklama qilsa yoki maqtasa u kitobni mavqei shunaqa oshib ketib hamma olaveradi.

Kitob nashriyotlari va do'konlar ham shunaqa. Aytmoqchi bo'lganim reklamaga uchmaslik.

Muallifni tanish uchun internetda kimligi nima ishlar qilganligini qidirib topsangiz ham bo'ladi.

3. Kitobni oxirida foydalinilgan adabiyotlar bor. U muallifni kitob yozishda qancha qo'llanmalardan foydalanganini ko'rsatadi. Shunga qarab ham kitob qanaqa ekanligini bilsa bo'ladi.

Oxirgi tavsiya. Kitob tanlagani kirasiz. Kitobni olasizda o'qiy boshlaysiz, ichiga olyaptimi bosavering. Faqat yuqoridagi filtrlardan o'tgandan keyin. @sulton_orinboyev

Kitob haqida gaplashamiz, doʻstlar

Oldingi postlarda keyingi mavzuni yozayotgan edim, oldingisida yozmapman.

Ha mayli. Bugun kitob tanlash, oʻqish va umuman kitob haqidagi bilganlarimni boʻlishaman.

Kitob nima? Kitob bu ichidagi yozuvlari bilan birga aytsak boʻlak qogʻozlar yigʻindisi.

Muhimi kitob emas, uning ichida nima yozilgani, kim yozgani.

Kitob haqida post uch qism boʻladi.

Bugun umumiy kitob, uning foydalari va zararlari haqida gaplashamiz, doʻstlar.

Kitob azaldan, asosan maʼlumotlarni saqlash vositasi boʻlgan. Hozir ham shundayku-ya, ammo, hozir hamma kitoblar yoʻqolib ketsa ham ularning fayllari elektron qurilmalarda, ijtimoiy tarmoqlarda turibdi. Kitob oʻz oʻrnini maʼlumot saqlash boʻyicha internetga boʻshatib berdi.

Nima boʻlsa boʻlsin baribir kitob oʻz afzalliklarini saqlab qoladi. Tushuntirib berolmayman, ammo qogʻoz kitob elektronidan yaxshi degan boʻlardim. Qogʻozda oʻqish jarayoni bu oʻzgacha holat. Elektronda oʻqish kitob oʻqiganlik rohatini bermaydi.

Inson ilm bilan ajralib turadi, u ilmning amali bilan ajralib turadi. Ana shularni inson kitobdan oʻrganishi odat boʻlgan. Kitob gapirmaydigan ustoz.

Savol bersam. Dunyodagi eng zoʻr, ilmli, hikmatli insonlar bilan suhbat qurmoqchimisiz? Unda marhamat, kitob sizga shunaqa imkon beradi. Kitob bu siz bilan u olimning suhbatingizning vositachisi desak mubolagʻa boʻlmas. Faqat unga gapirolmaysiz.

Endi, kitoblarni turga ajratsak. Sodda qilib ikkita turga ajratamiz oʻzimiz uchun: badiiy va ilmiy.

Har ikkalasini oʻqisa boʻladiganlari bor boʻlmaydigani bor.

Endi badiiy asarlar haqida gaplashsak.

Marketing rivojlanib kitob reklamasi avjiga chiqqanda kitobni toʻgʻri tanlash kerak. Bu haqida 2 qismdagi postda.

Buning uchun albatta va albatta muallif muhim. Siz muallif bilan suhbat qilasiz. Qahramonlar bilan emas. Ular muallifning fikrlari mahsuli.
(Ayni paytda postni oʻqib turib men bilan gaplashayapsiz😀)

Oʻzimizni qadriyatlar va madaniyatimizga toʻgʻri keladiganini ham tanlash muhim. Chunki koʻp ramantik asarlar bor, shunchaki bemaʼnilik. Sevgini oʻrgatarmish. Hh

Eng zoʻri bu – badiiy kitob sizni tasuvvuringiz va xotirangizni yaxshilaydi. Inson tasavvur bilan yaxshaydi. Tasavvur kuchli boʻlsa qanday zoʻr.

Tarixiy kitoblar esa juda bebaho. Aytmasa ham boʻlar-a.

Birinchisi qism tugadi.
Rollarda, e uzr yozuvchi @sulton_orinboyev

Skot Adams aytgan ekan: "Maqsad – erishishni istagan natijalarimiz, tizim esa shu natjalarga erishish jarayoni".

Jeyms Klir - Atom odatlar.

Assalomu alaykum.

Aytilganidek bugun kundalik haqida gaplashamiz.

Kundalik nima va talabaning hayotida qanday oʻrni bor?

Kundalikni hamma har xil maqsadda ishlatadi. Men quyidagi maqsadlarda ishlataman:
- Kunlik, haftalik, oylik va yillik rejalar va maqsadlar
- Yangi gʻoya va fikrlar
- Xatolar, sabablari va yechimlari
- Har xil tahlillar

Odatda shunday.

Umuman matn va chizma uchun kerak deb tushunsangiz boʻladi.

Talabaning hayotida uning oʻrni katta degan boʻlardim.

Chunki siz ayni yosh, tolibi ilm boʻlgan paytingizdagi xotiralarni yozyapsiz, xulosalar chiqarib ertangi kunga biroz boʻlsada boshqa siz boʻlib chiqasiz. Bu biroz oʻzgarishlar katta oʻzgarishlarga sabab boʻladi.

Kundalikni yuqorida matn uchun dedik, shunga binoan sizni yozish qobiliyatingizni ham oshiradi. Men ham blogimga qancha yaxshi, koʻp va har kuni davomli yozayotgan boʻlsam bunda kundalikni oʻrni katta.

Kundalik tutish foydalarini bir qiladigan boʻlsak:

- Reja tuzishni oʻrganasiz.
- Yangi gʻoyalar bilan yangi ishlar.
- Xato va undan xulosalar.
- Mas'uliyat.
- Tartibli kun.
- Yozish yaxshilanishi.
- Fikrlash rivojlanishi

Va hokazo.

Eng muhimi sizga xotira beradi. Oʻchmas xotira (agar kundalik yoʻqolib ketmasa). Xotira deganda bu anavi yodlash uchun kerak boʻlgani emas, shu oʻtmishni eslasangiz nastalgiya boʻladiku, oʻshanaqa xotira.

Bir necha yildan keyin oʻqib koʻrsangiz tushunasiz nimaligini.

P.S:
Doʻstlar yozuvimni yaxshilash yoʻlidaman. Demak xato borki yaxshilayman. Shuning uchun xatolar boʻlsa 👇 pastda bildirib qoʻyasizlar. 🫡

@sulton_orinboyev

Eski odatlaringizga sabab boʻlgan qarashlarni oʻzgartirmasdan turib xulq atvoringizni oʻzgartirish qiyin.

Jeyms Klir - Atom odatlar.

-------------------------------------------------

Bu soʻzlarni oʻzimni holatimda bir misol bilan tushuntirishga harakat qilay.

Men koʻp ovqat yeb qoʻyaman. Koʻp yeyish odat boʻldi. Jeyms Klir aytganidek "qarash"im shunday – ovqat yeb maza qilaman va yana yegim keladi. Boʻkguncha yeyman.
Natija ogʻirlik, kun boʻyi yaxshi kayfiyat yoʻqligi.

Koʻp yesam maza qilaman yana yesam yana maza qilaman degan qarashni oʻzgartirishim kerak.

Kam yesam nima foydaligini bilishim kerak.

Va shunda xulq-atvor oʻzgaradi.

@sulton_orinboyev

Davomli qilish natija olib keladi.

Qiyinchilik boʻlsa katta natija boʻladi.

Xuddi mashq qilganda tana qiynalib mushaklar oʻsganidek.

Uyqu

Bugun talaba uchun juda kerakli mavzu uyqu haqida gaplashamiz.

Uyqudan koʻzlangan asosiy maqsad - dam olish. Shunga koʻra inson har doim ishlagandan keyin dam olishi shart.

Maqsad aniq, endi qaysi payt uxlash yaxshiligi haqida aytadigan boʻlsak, men oʻzim har doim soat 10 dan 6, 7 soat uxlashga harakat qilaman. Menimcha bu ham sal kamlik qiladi. Chunki darsda uxlab qolish sababidan biri shu.

Barvaqt turish koʻpchilik muammosi. Buni birdan bir yechimi barvaqt uxlash.

Buning uchun uxlashdan 2 soatlar oldin tayyorgarlikni boshlash kerak. Yaʼni, hamma ishni bitirish shart shu, oxirgi vaqtlarda. Yana, chiroqni ham oʻchirish kerak. Shunda uyqu kelishi oson boʻladi.

Nima qilsam ham uxlolmayman deydiganlar bor. Buning yechimi sifatida yuqoridagi tavsiyalarga qoʻshib ayta olamanki:
- Telefondan umuman foydalanmaslik kerak kamida 1 soat oldin.
- Uxlashga yotgan paytda zikr qilish ham uyqu kelishiga yordam beradi.
- Yoki, tushunishga juda qiyin kitob oʻqish ham mumkin.

Barvaqt turolmasik muammosi haqida yana ozgina. Uygʻotgich chalib, uyqudan turib yana uxlab qolish holati ham koʻp boʻlsa kerak. Agar turiboq sizni biron ish kutib tursa va uni qilsangiz uyqu oʻchishi mumkin. Agar bunda ham yana uxlab qolsangiz bilmadim. Chunki oʻzim bir turdimmi qayta yotmayman. Odat boʻlgan.

Kun davomida tana yaxshigina charchasa ham uxlash oson boʻladi.

Kunduzgi uyqu haqida gaplashsak. Kunduzgi uyqu iloji boricha kun oʻrtarogʻida boʻlishi va vaqti 10-30 daqiqa boʻlishi kerak. Agar bundan oshib ketadigan boʻlsa tungi uyquga taʼsiri boʻladi. Yaʼni uxlash kechikib turish ham kechikadi.


Doʻstim menga shu barvaqt uxlab turishga biron mativatsiya bering desangiz men aytaman – bir qancha vaqt, koʻpi bilan 1 oy barvaqt yotib turishga odatlansangiz uyogʻi oson boʻladi. Kamida 1 hafta.

Oʻlibdimi, biir oʻzingizni qiynasangiz nima qilibdi. Evaziga tartibli hayot egasi boʻlasiz.

Xullas uyqu haqida tajribalardan umumiy xulosalar shular edi.

Keyingi post Kundalik yozish haqida.

Bu postga qoʻshimcha kelsa, yozishga harakat qilaman.


@sulton_orinboyev

Oʻylab qoldim. Nimaga koʻp hissiyot bilan qilingan ishlarim birov uchun.

Misol uchun xafa boʻlsam, birovga nochorligimni bildirgim keladi.

Kuldirmoqchi boʻlsam birovga soʻzga ustaligimni isbot qilmoqchi odamdek kuldiraman.

Jahl qilsam, "koʻrib qoʻy meni jahlim shunaqa" degandekman goʻyo.

Birov bilan tortishsam ham shunaqa. Oʻzimni zoʻrligimni koʻrsatmoqchidekman.

Birovga yaxshilik qilaman va qachon uchrashsam meni unga oʻtqazib qoʻygan joyim bordek gaplashaman.

Oʻylasam misollar koʻp.

Hech bir ishim "Haq" uchun emasdek.
Haqiqatni topish ilinjida emasdekman.

Post yozsam ham shunaqa oʻy oʻtadi.

Bunaqasi ketmaydi.

P.S:
Shuningdek, birovga sen haqiqat uchun qilmayapsan deyish ham katta xato. Ichini ochib koʻrmaganmizki.

P.S.S:
Toʻgʻrisi ichimdagini yetkazolmayman. Soʻz boyligim kam.

@sulton_orinboyev

2012 йилнинг ноябрь ойида мен "jamesclear.com" сайти учун мақолалар ёза бошладим. Йиллар давомида мен одатлар ҳақидаги ўй-фикрларимни ёзиб борар эдим. Ниҳоят уларни кенг омма билан ўртоқлашиш вақти келганини ҳис қилдим. Ҳар душанба ва пайшанба янги мақола ёзардим. Бир неча ой ичида бу арзимас одат туфайли минглаб обуначилар пайдо бўлди. 2013 йил охирида уларнинг сони 30 мингдан ошди.

Жеймс Клир - Атом одатлар китобидан.

---------------------------------------------------------
Айни мен қилаётган ишга тўғри келяпти. Одат бўйича.

Tartibli kun

Kunlar hayotimizni bir qismi. Bir kun ketdimi hayot bir qismi ketdi.

Bugun talabaga (men talaba deganda har qanaqa ilm yoʻlidagi insonni aytaman) eng kerakli koʻnikmalardan rejalangan kun haqida gaplashamiz.

Men oʻzim anchadan beri tartibli hayot kechirishga urinaman. Ammo juda qiyin. Qiyinligi bizni yutugʻimiz. Chunki qiyin boʻlmasa rivojlanmaymiz.

Deyarli har kuni oʻzimga vaqt ketayotganini, hali hech narsa qilmaganimni, yanada harakat qilishimni uqtirib turaman.

Kun tartibli oʻtishi uchun u oldindan rejalangan boʻlishi kerak. Yaʼni qaysi vaqt qaysi ish uchun ajratilgan buni bilish kerak. Buning uchun oʻsha kunni tunida keyingi kunni rejalashtirish kerak.

Rejasiz ham men nima qilishimni bilaman deydigan boʻlsangiz koʻp holda xato qilasiz. Chunki, oʻsha qilaman deb turgan ishni vaqtida boshqa ish chiqib rejadagi ish esdan chiqadi. Buning uchun har bir soatda rejada nima bor edi deb tekshirib turish jerak.

Rejalash uchun telefonda todoist degan ilovani va asosan kundalikdan foydalanaman. Yaxshisi kundalik. Telefondagi esa har doim vazifaga koʻz tushishi uchun.

Kunning soʻngi bosqichida kun tahlil qilinadi, yaʼni bugun nimalar boʻlaganligi, nima xatolar qilingani xulosa, sabab, yechim. Va yana ertangi kun rejasi.

Shunday qilib, oʻzimni hayotimda koʻrgan va tajribamdan oʻtgan narsalar haqida juda qisqacha boʻlishdim.

Yana fikrlar kelsa qoʻshimcha qilib yozaman.

Xudo xohlasa keyingi mavzu uyqu.

Ha aytgancha, nimagadir, uzun yozsam kam, qisqa yozsam koʻp reaksiya va koʻrishlar.

Odamlar yo sabrsiz yoki mensishmaydimi deyman-da.😄

@sulton_orinboyev

Bu yili har kuni mana shu kanalimda yozaman deganimga bir oydan oshdi.

6 kun yozmagan ekanman.

Sababini qidirdim. Nima yozishni bilmaslik ekan.

Nimaga boshqa kanal yurituvchilar koʻp yozishadi, yozganda ham kichkina emas uzun yozishadi.

Ularning uzun va mazmunli yozishing sababi:
1. Yoshi katta. Tajribasi koʻp.
2. Oʻzining ishidan kelib chiqib yozadi (xulosalarini).

Mening yoshim katta emasdir, tajribam yoʻqdir, lekin ishga keladigan boʻlsak, men ishlamayman-u, ammo "talaba"man.

Talaba ham bir maqom. Bir maʼnoda.

Yechim: Talaba-oʻquvchilar, yoshlar uchun yozaman.

Eslatma(oʻzimga ham): Blog yuritishdan maqsadim:
- Kimgadir maqtanish yoki oʻzimni aqlli koʻrsatish emas(unday boʻlmasin ham). Maqsad oʻzimni holatimni yaxshilash.

- Men ham mana shu blogga oʻxshab katta loyiha qila olishimni bilishim. (Katta emas-ku, lekin bir kun katta boʻlar-a, yaxshi niyat).

Ustoz Aziz Rahimov aytgandi "blog yuritish oson lekin foydasi katta". Koʻrganlar-da foydasini.

P.S: Anavi oltitani keyinroq yozamiz. Yetkazib olamiz.

@sulton_orinboyev

Notabiiy narsalar yeyaversang, tabiiylari mazasini sezmay qolasan. Bo'yangan odamlarni ko'ravergandan keyin oddiylar yoqmay qolgani kabi.

© Aziz Rahimov.

Kitob yozish osonlashib, hamma kitob chiqaryapti.

Mana shuncha bemaza kitoblar chiqishi oʻrniga oʻsha daraxt oʻrnida tursa yaxshi emasmidi?

Pul uchun yozilgan kitoblar koʻpi. Shunchaki vaqt oladi.

Mana nima uchun muallifga qarab tanlash kerak kitobni.
t.me/sulton_orinboyev

Sen majburiyatingni qil, uyogʻini oʻylama.

Talabamisan, talaba boʻl, uyogʻini nima qilasan.

Majburiyating uzr soʻrashmi, borib soʻra. Uni nima deb oʻylashi muhimmi yoki sening majburiyating.

Doʻstlikni saqlash majburiyat deb, soatlab varaqlab oʻtirish qanaqasiga majburiyat boʻlsin.

Muammoimiz ham shunda-da(majburiyati qilmaslikda)


Hazrati Umarni uxlayotganida kelib "dunyoni adolatga toʻldirib, oʻzing maza qilib uxlayapsanmi" - degan edi Rum elchisi .

U kishi majburiyatini qoyillatib qoʻydi, boʻldi.

P.S:
Aslida keng mavzu (juda).


https://t.me/sulton_orinboyev

It kibi chun pastlig‘im chog‘ladim,
O‘zni biyiklar ipiga bog‘ladim.

Bo‘lsa alar ozimi dashti adam,
Man ham o‘lay soya kibi hamqadam.

Kahfi baqo ichra alar bo‘lsa gum,
Man ham o‘lay «robi'uhum kalbuhum.

Mir Alisher Navoiy.

Tushunish uchun qancha vaqt kerak bo'larkin.

Ruhlantiraylik...

Mana shu kanalni ochganimga sabab boʻlgan inson menga yana mativatsiya berdi.

Blog yuritish haqida "Blog yuritish oson, lekin foydasi katta" dedilar.

Xuddi shunday, odam qilayotgan ishini mashhur, ilmli odamlardan tasdigʻini topsa gʻayrati yanada joʻshar ekan.

Oʻziz bir oʻylab koʻring, bozordan bir gul oldingiz, bilmaysiz qanaqa gul u, shunchaki oldingiz tamom. Lekin bir kuni qarasangiz televizorda rosa maqtayapdida shuni. E bu gul falondaqa, bunaqa, munaqa deb
maqtasa-a, qanaqa maza qilasiz.

Bitta xulosa chiqarsak bundan:

Yosh bolalarga oʻzi qilayotgan yaxshi ishida ularni ruhlantiraylik.

Deylik, oʻzidan oʻzi bir kitob oʻqib boshladi. Uni albatta ruhlantirish kerak, oʻzini tilida. Chunki u oʻzi yoqtirib boshladi, tushunyapsizmi. Hech kim qil demadi unga. Lekin, ishoning juda ruhlanib ketadi.

(Menga ham hech kim blog
yurit deb aytmagan, shunchaki oʻqiganman)

P.S:
Ana shu oʻz-oʻzidan bir ishni boshlashi uchun ham boshida bir turtki boʻladi yoki eng boshida bir sabab turadi.
Oʻsha sababni rivojlantirish darkor.


© Sulton Nizomiddin oʻgʻli

Bilaman yaxshi gapirsam yoqmaydi.

Balki, yoqsa yoqmasa farqi yoʻqdir senga.

Gaplarim qizigʻi yoʻqdir balki.

Oʻzingnikini ustun qoʻyasan, bilaman.

Ammo, sen bilan men yaqin insonlar ekanligimizni unutmasang, aralashib qolsak ham yaqinligimiz bizni yana yarashtirsa-a, qanday yaxshi.

Men seni yaxshi koʻraman, qadrdonim.

Eh qoʻy bu uzoqlikni. Koʻngil yaqin boʻlsin, shuni oʻzi yetar.

Har kun muammo eshik qosayam baribir seni yaxshi koʻrganim gʻolib kelsin hammasidan.

P.S:
Zerikkanda yozilgan soʻzlar turkumidan


© Sulton Nizomiddin oʻgʻli

Ko'p fikrlar yolg'izlikda keladi. Yomon ham yaxshi ham.

Shu fikrlardan biri bugun kallaga urib qoldi deng.

Menda, balki sizlarda ham bo'lsa kerak, rejalashtirilgan ishni qilmaslik yoki oxiriga yetkazmaslik.

Kimdir sizga 1 buqani yeding desa ishonasizmi. Men 10ta desa ham ishonaman. Chunki siz uni bo'lib yegansiz. Balki 1 yilda balki 2 balki 10, balki undan ham ko'proqdir, har oyda 5-10 kg dan (uzur-u, ichimizda go'sht yeyolmaydiganlar ham bo'lishi mumkin).

Shunga ko'ra haftalik rejani kunlikka, kunlik rejadagi ishlarni hajmiga, vaqtiga qarab taqsimlash kerak.

Enda o'sha rejalangan ishni, misol uchun, bugun yapon tilini darsini qilaman dedingiz. Xo'p, qaraysiz, qaysi-qaysi vazifalarni bajarish kerak. Masalan menda grammatika darsi uchun videodars va so'z yodlash vazifasi turibdi. Agar bu vazifa 2-3 soatlik bo'lsa buni qismlarga bo'laman.

Chunki odam 3 soat dars qilamanmi deb qiyinligini ko'rib qo'rqib, yarim yo'lda tashlab qo'yadi. Agar sodda qismlarga ajratganda birinchisini 20 daqiqada qilib bo'lsa keyingisini qilishga intiladi, oson ekan-u deb.

Xulosa:
Ko'p vaqt oladigan ishlarni olamiz va mayda, qilishga oson bo'limlarga ajratamiz. Va bajaramiz. Bo'ldi

(Men oldin faqat katta maqsadlarda shunday qilish kerak deb o'ylardim buni. Aslida kunlik ishlarda ishlatsa ham zo'r ishlaydiganga o'xshaydi.)

Buni xohlagan katta ishlarga sinash mumkin. uy ishlaridami yoki boshqami farqi yo'q. Muhimi reja bo'lishi kerak. Agar reja bo'lmasa goh uni goh buni qilib yoki qaysi ish tugadiyu qaysinisi qoldi bilolmasdan, birortasini tugata olmasdan kun o'tishi mumkin.

U-hhh charchadim yozib.

Sulton Nizomiddin o'g'li