спортивный чгк

​​​​​​Real Madridga

Do'stginam

1

Do'stginam,
zirqirab ketding, his qildim.
Sanchilgan xanjarni sug'ur, menga suq!
Yutqaziq ta'mini avvalroq bildim,
dunyoga yoqmaydi abadiy yutuq.

Shildirab oqadi tanda oq qonim,
umidsiz holingni ko'rmoqlik – azob.
Yutuqda quvongan mitti bu jonim
yutqaziqni sira bilmaydi jazo.

    Yutqaziq!...
Dunyoning sarlavhasi-ku
To'kilma! Yarashmas, qaddingni tutgin!
Men-ku ko'nikkanman yangilar uchun
raqibni keyinroq ayamay yutgin...

2

G'alaba onida meni ko'rmaysan,
shodlikka sheriklar topilar serob.
Qancha yoqtirishim hatto bilmaysan
yutqazsang yelkangni suyasam hisob.

Dushmaning ko'p, afsus, yaqinlaringdan
shodlanar vaqtincha baxti qarolar
bu ishora yangi chaqinlaringdan
sepasan dushmanga yangi yarolar...

3

Qirolsan – eng katta o'yin qiroli
sen va boshqalardan iborat ro'yxat
kirliklar bo'lganda raqib quroli
libosing misoli pok bo'lgin faqat!

Shaxslardan kattasan, olamdek katta
bir ilinjga sira bog'lanmagansan
yutqazsang ertasi kelar janglarda,
yana yutqazishga chog'lanmagansan.

4

Achinmayman sira, kulguli axir
achinsang, bir qara, do'stim, deb achin!
Eng kuchli tuyg'uni bilmayman rosti
ikkimiz qaysidir tuyg'udamiz chin...

Ikkimiz qaysidir tuyg'udamiz chin,
faqat nafrat bizga begona tuyg'u...

5

Qirolsan – eng katta o'yin qiroli!

© Boxodirov Izzatillo

спортивный чгк