Sog‘liqni Saqlash Vazirligi homiyligida tashkil etilgan ilmiy konfrensiya doirasida Tibbiyot fanlar doktori, professor Zarifboy Ibadullayevning 60 yoshga to‘lgani munosabati bilan katta ilmiy marosim uyushtirildi. Tadbir ilm-fan va tibbiyot sohalaridagi yirik tajribalarni almashish, yangi yondashuvlar va istiqbolli yo‘nalishlarni muhokama qilish maqsadida o’tkazildi.

Ilmiy anjumanda nafaqat professor Zarifboy Ibadullayevning faoliyati, balki sohadagi eng zamonaviy yutuqlar va innovatsion g‘oyalar ham keng muhokama qilindi. Shu munosabat bilan, anjuman dasturida “Yangi Dunyo” markaz spikeri Habiba Hamdam va Germaniyalik professor do‘stimiz Dinel Yordin janoblari ham qatnashib, o‘zlarining boy bilim va tajribalarini ishtirokchilar bilan bo‘lishishdi. Ularning nutqlari zamonaviy tibbiyot yutuqlari, innovatsion texnologiyalar va ilmiy izlanishlar asosida qurilgan yangi strategiyalarni yoritib, tinglovchilarga ilhom manbai bo‘ldi.

Tadbir davomida qatnashchilar o‘zaro fikr almashish, savol-javoblar orqali mavzularni chuqurroq tahlil qilish hamda kelgusidagi hamkorlik va ilmiy rivojlanish yo‘nalishlarini belgilash imkoniyatiga ega bo‘lishdi. Konferensiya, shubhasiz, sog‘liqni saqlash va tibbiyot sohalarida yangi qarashlar, yondashuvlar va ilmiy erishilgan yutuqlarni keng ommaga taqdim etishda muhim platforma sifatida namoyon bo‘ldi.

🌐https://www.instagram.com/reel/DF9lv94Ib2i/?igsh=aDU0MmtveHg5dm84

🌐https://t.me/jannatboqcha