Yangi yil bayrami arafasida bolalar ishtirokidagi yo‘l-transport hodisalarining oldini olish maqsadida IIV JXD YHXX tomonidan tashkil etilgan selektorda Sirdaryo viloyati YHXB, Transport nazorati inspeksiyasi Sirdaryo viloyati hududiy bo‘limi, Transport boshqarmasi hamda Maktabgacha va maktab taʼlimi boshqarmasi mas’ul xodimlari, yo‘lovchi tashuvchi avtokorxonalar rahbarlari ishtirok etdi.
Yig‘ilishda asosiy eʼtibor bolalar xavfsizligiga ya’ni, voyaga yetmaganlarni turli tadbirlarga, bayramlarga va turistik-ekskursiya qilish safarlari YHXB kuzatuvisiz olib borish holatlari qatʼiy taqiqlanishi va avtobuslarda yoki boshqa transport vositalarida YHXB ruxsatisiz va kuzatuvchilarsiz tashishga yo‘l qo‘yilmaslik bo‘yicha barcha yig‘ilish ishtirokchilari ogohlantirildi.
Yig‘ilishda hududlarda sodir bo‘lgan bolalar ishtirokidagi yo‘l-transport hodisalari tahlil qilindi va shu kabi holatlar kelgusida takrorlanmasligi uchun zarur choralar ko'rish lozimligi tushuntirildi.