Amir Temur va uning hayotiga bagʻishlangan ishonchli kitoblardan biri. Oʼzi koʼp sahifali boʼlmasa ham oʼqishga ancha vaqt sarfladim: shriftlar mayda, mavzu qiyin. Kitobning koʼp qismiga tushunmaganim ham bor, sababi koʼp tarixiy shaxslar, jarayonlar. Baʼzilarini Internetdan izlab, bilib ham oldim. Ammo qiziqarli maʼlumotlar ham bor. Masalan Natanziy shu asarida Temurni Xoʼja Ilgʼordan boshqa joyda tugʼilganini yozadi. Undan tashqari Boyazid bilan ham munosabatlar ham qolgan manbaalardan boshqacharoq yoritilgan. Asar Shoxrux Mirzo davrida yozilgani sabab muallif taxt vorisi deya Pirmuhammad qolib, aynan Shoxruxni koʼrsatadi. Yana asarda Umarshayx Mirzoning oʼldirilishi ham aniq yozilgan. Hindistonga yurish, sarbadorlar harakati va yana koʼplab qimmatli maʼlumotlar. Mualliflar ham tobiga keltirib oʼgirishgan matnni. Aytilishicha, kitobning bir necha nusxalari mavjud: Tehron, London, Sankt-Peterburg. Bu kitobni men koʼproq boʼlajak tarixchilarga tavsiya qilgan boʼlar edim.

#kitob
#natanziy