СЕВГИ

Севмаган тез қарийди,
Сув билан ҳаво севги!
Севинг армон арийди,
Минг дардга даво севги!

Қўлидан бир тутмай ҳам,
Майли меҳр қайтмай ҳам,
Севаверинг айтмай ҳам,
Минг дардга даво севги!

Севилган хон қизидир,
Севган шоҳнинг ўзидир,
Гувоҳи Ер юзидир,
Минг дардга даво севги!

Аввал дардга солади,
Ақлу хушни олади,
Чин ёр мардга қолади,
Минг дардга даво севги!

Анвар-ошиқ куласиз,
Юрагини тиласиз,
Севиб кўринг биласиз,
Минг дардга даво севги!

Анвар Нишонов

#Anvar_Nishon