SamDAQU │ Rasmiy kanal

📰 “O‘zbekiston bunyodkori” gazetasining 2025-yil 7-mart kungi 17-sonida Mirzo Ulug‘bek nomidagi Samarqand davlat arxitektura-qurilish universiteti San’at kafedrasi professori “Sog‘lom avlod uchun” ordeni sovrindori Dilshoda Sultanova haqida maqola chop etildi.

#SamDAQU #UzBunyodkor #OAV


SamDAQU Axborot xizmati
@samdaqueduuz

🗞 “O‘zbekiston bunyodkori” gazetasining 2025-yil 7-mart kungi 17-soni mutolaa uchun havola qilinadi.

Ushbu sonda quyidagi maqolalar va yangiliklar bilan tanishishingiz mumkin:

🟢 Bahor sizdan boshlanadi, aziz ayollar!
🟢 Buxoroda ichimlik suvi ta’minoti yanada yaxshilandi.
🟢 Arxitektura – tasavvurda jonlangan mo‘jiza.
🟢 81 yoshli quruvchi onaxon.

#UzBunyodkor #OAV


SamDAQU Axborot xizmati
@samdaqueduuz

Hurmatli universitetimizning mehridaryo, latofatli ayollari va go‘zal qizlari!
#RektorTabrigi

Bugungi qutlug‘ ayyom 8-mart - Xalqaro xotin-qizlar kuni munosabati bilan universitet ayollar jamoasini, talaba-qizlarimizni hamda butun O‘zbekistonning xotin-qizlarini chin qalbdan muborakbod etaman!

Ayol borki, olam munavvar, ayol borki, hayot go‘zal va mazmunli. Aslida oilani ham, jamiyatni ham birlashtirib, unga fayzu baraka kiritadigan, xonadonlarimizni mehr-muhabbat, nafosat, ezgulik nuri bilan munavvar qiladigan zotlar munis onalarimiz va opa-singillarimizdir.

Istaymanki, qalbingizdan quvonch, yuzingizdan tabassum hech qachon arimasin. Xayrli va savobli maqsadni diliga tukkan universitetimiz fidoyilari safida dadil qadam tashlayotgan ekansiz, bugungidek tiniq orzular, beg‘ubor maqsadlar hamisha hamrohingiz bo‘lishini tilab qolaman!

Hurmat bilan Dr. Chidem Turkyilmaz
Mirzo Ulug‘bek nomidagi Samarqand davlat arxitektura-qurilish universiteti rektori


SamDAQU Axborot xizmati
@samdaqueduuz

💐 8-mart – Xalqaro xotin-qizlar bayrami muborak bo‘lsin!

SamDAQU ma’muriyati barcha xotin-qizlarni ushbu ajoyib ayyom bilan muborakbod etadi hamda mustahkam sog‘liq, baxt va oilaviy farovonlik tilab qoladi.

Shunchalar har xil – kamtarin, jasoratli, muloyim va qat’iyatli bo‘lsangizda, barchangiz hamisha rahmdil va donosiz, mehringiz cheksiz, tashqi va ichki go‘zalligingiz esa g‘oyatda beqiyos.

Barchangizga izlanishdan to‘xtamaslikni, yangiliklarga intilib yashashni, yangi marralarni zabt etishni tilaymiz!

Bayramingiz bilan aziz ayollar, opa-singillar!


SamDAQU Axborot xizmati
@samdaqueduuz

Bayram tadbiri: “Ayol borki, olam munavvar”
#7mar #BadiiyTadbir

Mirzo Ulug‘bek nomidagi Samarqand davlat arxitektura-qurilish universitetining katta faollar zalida 8-mart Xalqaro xotin-qizlar kuni munosabati bilan “Ayol borki, olam munavvar” deb nomlangan tantanali badiiy tadbir boʻlib oʻtdi.

Tadbirni universitet prorektorlari kirish so‘zi bilan ochib bayram munosabati bilan barcha universitet xotin-qizlarini erkaklar jamoasi nomidan samimiy tabrikladilar.

Tabrik so‘zlaridan so‘ng Yoshlar ittifoqi faol a’zolari tomonidan tashkil etilgan bayram dasturi namoyish etildi. Tadbirda “To‘maris” raqs ansambli va “Maroqandlik bojalar” QVZ terma jamoasi hamda havaskor yosh iste’dod sohiblarining chiqishlari yig‘ilganlarga xush kayfiyat ulashdi.

#SamDAQU #XotinQizlarKuni #FotoReportaj


SamDAQU Axborot xizmati
@samdaqueduuz

Madaniy meros obyektlarini restavratsiya qilish bo‘yicha amaliy mahorat darsi o‘tkazildi
#7mar #Amaliyot

“Madaniy Meros LITI” kompaniyasi bosh direktori Jahongir Rahmonov, ijrochi direktor Karimjon Avazov va bosh arxitektor Abdujalil Nabiyev rahbarligidagi ishchi guruh tomonidan amaliy mahorat darsi tashkil etildi.

Dars davomida talabalar va o‘qituvchilar Madaniy Meros LITI bilan hamkorlikda Samarqand shahridan 14 km shimoli-sharqda joylashgan, ilgari Miko‘l nomi bilan tanilgan Maxdumi A’zam tarixiy-me’moriy majmuasini restavratsiya qilish loyihalari ustida ishlashdi.

Arxitektura fakulteti dekani Dilnoza Kamalova ushbu majmuaning diniy-siyosiy tarixiy ahamiyati, me’morchiligi, atrof-muhitga ta’siri hamda madaniy tarbiya nuqtai nazaridan tutgan o‘rnini tushuntirdi.

Arxitektura kafedrasi o‘qituvchilari Ilhom Sultonov, Ulug‘bek Tojiboyev va Sherzod Abduraimov Daxbeddagi Maxdumi A’zam so‘fiylar majmuasi nisbatan yaxshi saqlanib qolganligini va 1980-yillarda o‘tkazilgan rekonstruksiya ishlari uning tarixiy qiyofasini tiklashga xizmat qilganligini ta’kidladilar.

Ishchi guruh o‘z ishini yodgorlik elementlarini fotofiksatsiya qilish bilan boshladi hamda 3D skanerlash va 3D modellashtirishni o‘z ichiga olgan keyingi tadqiqotlarni belgilab berdi.

#SamDAQU #Restavratsiya #MadaniyMeros


SamDAQU Axborot xizmati
@samdaqueduuz