Raqamli kutubxona

📹 🚨3 daqiqada o’quvchilaringizni darsga qiziqtirib qo’yishni xohlaysizmi?

🎁“Tug’ilgan kun enerjayzer” metodimni Sevimli Ustoz bo’lishni xohlaganlar uchun sovg’a qilmoqchiman.

Bu metod orqali:

🔺 Sinf xonada o'quvchilar soni ko'p bo'lsa ham samarali dars tashkil qilaolasiz

🔺 Shovqinli sinfni 3 daqiqada tinchlantirib darsingizni qiziqarli qilib o'taolasiz

“Tug’ilgan kun enerjayzer” metodni ko'rish uchun quyidagi havolani bosing👉https://t.me/Xidoyatovadilafruzbot?start=tel1001

Ha aytgancha, o'qituvchilar uchun 10-11-12-fevral kunlari "SEVIMli USTOZ" nomli BEPUL marafon tashkil qilayapman bu marafonimga ham ro'yxatdan o'tib qo'ying quyidagi havola orqali👉https://t.me/Xidoyatovadilafruzbot?start=tel1001

#Maqola


📆 Mutolaa rejasi nima uchun kerak va u qanday qilib tuziladi?

Kitoblarni tartiblashtiring, ana o‘shanda ularni o‘qishdan ko‘proq foyda va zavq olasiz.

Sizda bir haftalik reja, mashqlar va moliya rejasi, balki dam olish rejasi ham bordir. Ularning bari muhim narsani yoddan chiqarmaslik, vaqt va resursdan samarali foydalanishda yordam beradi. Kitob o‘qish borasida ham ana shunday ro‘yxatni yuritish lozim.

➡️Mutolaa rejasi nima?
Siz o‘qishni istagan kitoblarning mavzular bo‘yicha saralangan ro‘yxati. Uning yordamida bir kitobdan boshqasiga tartibsiz sakramaysiz. Biror narsa o‘qish istagi paydo bo‘lsa, mavzulardan biriga murojaat qilasiz va o‘qilmagan kitoblardan keyingisini tanlaysiz. Bu bo‘limga bir muallifning barcha kitoblari, muayyan janrdagi va bitta katta sohadagi kitoblar ham kiritilishi mumkin.

⤵️Uning foydasi nimadan iborat?

✔️1. Uzluksiz ta'lim olishga yordam beradi.
Ta'lim attestat yoki diplom olish bilan yakunlanmaydi. Nafaqat ko‘ngilni yozish, balki biror nima o‘rganish uchun ham mutolaa qiling. Reja mashg‘ulotlarning shaxsiy jadvalini tuzish va biror sohani o‘zlashtirishda yordam beradi.

✔️2. Mutolaani tartibga soladi
Albatta, mutolaa xursandchilik va huzur keltirishi lozim. Kitoblar ro‘yxati mutolaani rejalashtirilgan majburiyatga aylantirish uchun tuzilmaydi. U bor-yo‘g‘i doimiy ravishda o‘qishga yordam beradi. Ko‘plab qiziq kitoblardan iborat reja sizni mutolaa uchun vaqt topishga majbur qiladi. Agar hozirda kitob o‘qish uchun vaqt topolmayotgan bo‘lsangiz, buning uchun dastlab kuniga 30 daqiqa vaqt ajratishga harakat qiling.
Vazifalar ro‘yxati ish va majburiyatlarga diqqatni qaratishga yordam bergani kabi kitoblar ro‘yxati ham mutolaaga ko‘proq e'tibor berish va o‘qib tugatilgan kitoblarni ro‘yxatdan o‘chirib tashlash imkonini beradi.

✔️3. Kitoblarni oxirigacha o‘qishga ishtiyoq uyg‘otadi
Agar o‘qiyotgan kitobingiz yoqmayotgan bo‘lsa, o‘zingizni majburlamang. Biroq ayrim vaqtlarda sizda katta taassurot uyg‘otmayotgan kitobni ham oxirigacha o‘qish kerak. Rejaga amal qilish istagi kitobni o‘qib tugatishda yordam berishi mumkin.

✔️4. Tanlovni qisqartiradi
Ayrim vaqtlarda keyingi kitob qaysi bo‘lishini o‘ylab ham mutolaa ishtiyoqi so‘nadi. Kutubxonalar va do‘konlardagi keng tanlov aks ta'sir ko‘rsatadi. Barini o‘qigingiz keladi. Biroq biror qarorga kelguncha xohish yo‘qoladi. Sizda reja bo‘lsa, tanlashga hojat qolmaydi – ro‘yxatdagi keyingi kitobni o‘qishni boshlaysiz.

✔️5. Muayyan sohada mohir usta bo‘lishda yordam beradi
Umumiy bilimlar bilan birga biror sohani ipidan ignasigacha bilish naqadar yaxshi. Bu o‘z-o‘zidan qoniqqanlik hissini uyg‘otadi. Biror ishni yaxshi bilish usullaridan biri – u haqida ko‘p o‘qish. Karera va qiziqishlaringiz bilan bog‘liq bo‘lgan istalgan sohani tanlang. Asta-sekin bilimlaringizni oshirib borasiz.

✔️6. Qoniqish hissini uyg‘otadi
O‘ylagan ishimizni bajarganda biror narsaga erishganimizni his qilamiz. Aynan nima rejalashtirilgani ahamiyatsiz: og‘ir mashg‘ulot, bir necha kilogramga ozish yoki muayyan miqdordagi kitoblarni o‘qish. Ro‘yxatdagi o‘qib tugatilgan kitoblarni o‘chirayotib vaqtni bekorga sarf qilmaganingizni his etasiz.

✍️ Mutolaa ro‘yxati qanday tuziladi: bir necha fikrlar
• O‘ta oddiy ro‘yxat tuzmang. Odatiy janrlardan biroz chetga chiqing.

💖Mutolaa ro‘yxatini to‘ldirishni boshlang.

Quyidagilarga ahamiyat bering:
😎 Mashhur yozuvchilarning tavsiyalari. Masalan, Xeminguey, Nabokov, Xayao Miyadzaki ro‘yxatlarini ko‘zdan kechiring.
😎 Mukofot olgan kitoblar. Masalan, Pulittser mukofoti olgan kitoblar bilan tanishib chiqing.
😎 Yetuk shaxslar ro‘yxatidagi kitoblarni o‘qing. Masalan, Stiv Jobs, Bill Geyts va Ilon Maskning maslahatlari.
😎 Sevimli muallifning barcha kitoblari. Agar sizga Tolstoy, Dikkens yoki boshqa istalgan muallif yoqsa, u nima yozganini o‘qib chiqing. Hatto xronologik ketma-ketlikdan foydalansa ham bo‘ladi.
😎 Bir xil kategoriyadagi kitoblar. Masalan, mamlakatingizdagi rahbarlarning biografiyalari. Yoki tarixiy voqea haqidagi kitoblar.

📚 @raqamli_kutubxona

#Maqola

📖 Mutolaa salomatlikka qanday ta’sir qiladi

Stressni kamaytiradi va xotirani yaxshilaydi.

Kitob o‘qish – nafaqat aqliy, balki jismoniy salomatlikka ham ijobiy ta’sir ko’rsatadigan juda foydali odatdir. Agar mehnat insonni chiniqtirsa, o‘qish aqlni rivojlantiradi, chiroyli va barkamol nutqni shakllantiradi va hatto har bir insonning dunyosini o‘zgartirishi mumkin. Ishonmaysizmi? Keling, unda o‘qish foydalari haqidagi dalillarni o‘rganishni taklif qilamiz. Ajablanishga tayyor bo‘ling.

✅ O‘qish miyani «oziqlantiradi» va xotirani yaxshilaydi

Ko‘p sonli ilmiy tadqiqotlar o‘qish miyaga ijobiy ta’sir ko‘rsatishi va uni tom ma’noda o‘zgartirishi mumkinligini tasdiqlaydilar. Yangi texnologiyalar va MRT yordamida olimlar – o‘qish miyada murakkab signallar zanjirini qo‘zg‘atadi, shundan so‘ng u yanada bardoshli va «to‘yingan» bo‘lishini aniqladilar. O‘qigan har bir kitob esa  nafaqat ko‘ngil ochishning bir usuli, balki xotirangiz va bilim qobiliyatingiz uchun fitnes murabbiyi hamdir.

✅ O‘qish empatiyani rivojlantiradi

Badiiy romanlarni o‘qigan va qahramonlar bilan birga barcha qiyinchiliklar va og‘riqlarni boshdan kechirgan insonlar, odatda, boshqalarning his-tuyg‘ularini his qilish, tinglash va eshitish, shuningdek, turli nuqtai nazarlarni qabul qilish qobiliyati bilan boshqalardan farq qiladi. Bu esa sog‘lom ijtimoiy munosabatlarni o‘rnatish va saqlashning kalitidir.

✅ O‘qish so‘z boyligini boyitadi

Har bir kitob biz tabiiy ravishda qabul qiladigan so‘zlar va tushunchalarning o‘ziga xos lug‘atidir. Bu boshqalar bilan yaxshi aloqa o‘rnatishga (salom, «soft skills»), o‘z fikrlarini yaxshiroq ifoda etishga va o‘ziga bo‘lgan ishonchga +100 ball qo‘shishga yordam beradi.

✅ O‘qish stress darajasini pasaytiradi

Bunga ishonish qiyin, ammo o‘qish ham stress bilan yoga va hazil kabi samarali kurashadi. Kitob uchun sarflangan yarim soat qon bosimini pasaytirishi, yurak ritmini normallashtirishi va har qanday stressli vaziyatdan yengib chiqishi mumkin. Bundan tashqari, o‘qish vaqtida Lotus holatida o‘tirish yoki stend-uplarni tomosha qilish kabi yoqtirgan ishlarni bajarish ham mumkin.

✅ O‘qish depressiyadan xalos qiladi

Depressiv kasalliklardan aziyat chekadigan insonlar ko‘pincha o‘zlarini boshqalardan farqli va «oq qarg‘a» kabi his qiladilar. Kitoblar esa bu tuyg‘udan sal chalg‘ib, taqdiri, qadriyatlari va dunyoqarashi o‘xshash (bizga shunday tuyuladi) qahramonlar yashaydigan olamda bo‘lib qolishga yordam beradi. Yoqtirgan qahramonlar qiyinchiliklarni boshdan kechirib, o‘zliklarini topishga va hayotni noldan boshlashga muvaffaq bo‘lishgan bo‘lsa, demak siz ham shunday muvaffaqiyatga erisha olasiz!

✅ O‘qish hayotni uzaytiradi

O‘qish bo’yicha olib borilgan tadqiqotlardan biri shuni isbotladiki, «o‘qiydigan insonlar» kitoblardan bosh tortgan yoki ijtimoiy media lentalarini afzal ko‘rganlarga qaraganda o‘rtacha ikki yil ko‘proq umr ko‘rishadi. Agar haftasiga uch soatdan ko‘proq o‘qisangiz, uzoq umr ko‘rish imkoniyatingizni 23 foizga oshirishingiz mumkin!

✅ O‘qish ilhomlantiradi va rag‘batlantiradi

Agar siz tasavvuringizni rivojlantirishni, ilhomlanish va hech bo‘lmaganda hayolan odatiy hayotingizdan sal chiqishni xohlasangiz – kitob o‘qishni boshlang! Kitob o‘qiganimizda, biz beixtiyor qahramonlarning rasmlarini, ularning uylari manzaralarini, voqealar va hatto hidlar sodir bo‘ladigan shaharlarni hayolan tasavvur qilamiz. Ba’zi kitobsevarlar esa kitoblar ularni bir necha bor ma’lum joylarni sevib qolishga va ularni haqiqiy hayotda sayohat qilishga undashganini tan olishadi.

✅O‘qish qarishni sekinlashtiradi

Shuningdek, yoshingiz o‘tishi bilan ongingizni ravshan saqlashga yordam beradi. Olimlar hali ham o‘qish Altsgeymer xavfini kamaytiradimi yoki yo‘qmi deb bahslashsa-da, kitoblar, krossvordlar va matematik muammolar miyaning kognitiv qobiliyatini «tetiklashtiradi» va shuning uchun uning erta qarishini to‘xtatadi, deb ta’kidlash uchun barcha asoslar mavjud.

📚 @raqamli_kutubxona