Type to search
Advanced channel search

Зарабатывайте на рекламе

В частных и публичных каналах от 2000 подписчиков
img
ad

Продам канал с доходом 138090

Всего за 55 000. Срочно нужны деньги.
img
ad

TGStat Bot

Bot to get channel statistics without leaving Telegram
img
ad

An Ordinary Man

@rakhmonalievs_blog
Channel's geo and language: Uzbekistan, Uzbek
Category: Blogs

Bo‘shliqni to‘ldirish uchun o‘qi,
Ichingni bo‘shatib olish uchun yoz.
Bu kanalda shaxsiy fikrlarim va sizlarga ilinishni istagan narsalarim bor...

Related channels  |  Similar channels
Channel's geo and language
Uzbekistan, Uzbek
Category
Blogs
Statistics
Is this your channel? Confirm Channel history
260
249
284
397
223
321
Posts filter

An Ordinary Man

5 Nov, 16:40

Open in Telegram Share Report
Video is unavailable for watching
Show in Telegram
@rakhmonalievs_blog
196 0 1 1 14
An Ordinary Man

5 Nov, 15:34

Open in Telegram Share Report
Baʼzida cover qoʻshiqning aslidan ham yaxshiroq chiqadi. Instagramga kamroq kirsam boʻlar ekan. Tilimga oʻrnashib qoldi.

🎶 🎧 An Ordinary Man 🎧🎶
293 0 7 2 4
An Ordinary Man

5 Nov, 15:13

Open in Telegram Share Report
Oldinda bir yo‘l bor ko‘p yiroq,
tarhini, topmadim, kim bichgan:
qilichim damidan o‘tkirroq,
sochlaring toridan ingichka.

Oldinda ko‘prik bor – osti jar,
bilmadim o‘zim ne bo‘laman,
azizim, sen o‘tgil bexatar,
azizim, sen faqat qulama!...

Ishq dedim kezib to‘rt yog‘ingda,
ishq dedim,
chorladim bilmayin;
azizim, sen borar bog‘ingda,
men kutib olurman jilmayib!

© Mansur Jumayev

@rakhmonalievs_blog
302 0 0 7
An Ordinary Man

3 Nov, 07:10

Open in Telegram Share Report
483 0 5 3 3
An Ordinary Man

2 Nov, 15:51

Open in Telegram Share Report
#sarhisob

oktyabr oyi oʻqigan kitoblarim:

1. E.M.Remark - Qora haykal
2. Irsa Sigurdardottir - DNK
3. Jek London - Martin Iden
4. Jek London - Bir kunlik qoʼnolgʻa.

@rakhmonalievs_blog
465 0 0 9 4
An Ordinary Man

1 Nov, 22:31

Open in Telegram Share Report
492 0 8 4 8
An Ordinary Man

1 Nov, 22:30

Open in Telegram Share Report
#taqriz

Jek London - "Martin Iden"

Hayotga intilmaydigan odam oʻlimga yoʻl axtara boshlaydi.



Bu asar qalbimga eng yaqin asar hisoblanadi. Mana ikkinchi bora ham oʻqib chiqishga muvaffaqiyat boʻldim. Mart bilan fikrlashdagi oʻxshashliklarimiz meni lol qoldirgan va asarga yutib yuborgan. Kitobni dastlab oʻqigan paytimdagi ruhiy holatimga shunchalik tushgan ediki, anchagacha uning taʼsiridan chiqa olmay yurganman. Shunday kitoblar boʻladiki, uni oʻqishing shart. "Martin Iden" shunday kitoblardan. Jek London ushbu romanida shunday cheksiz miqdordagi mavzularni koʻtarib chiqadiki, oʻylanib qolasan, qanday qilib barcha munosabatlarni qamrab olgan bunday chuqur maʼnoli asar yaratish mumkin? Unda maqsadga intilish, sevgi, doʻstlik, jamiyat va odam, boylik va kambagʻallik, bilim va sanʼat, yolgʻizlik, ikkiyuzlamachilik hamma tushunchadan bor. Har kim unda oʻzidan nimanidir topadi, oʻzini biroz boʻlsada anglashda yordam beradi.
Oddiy dengizchi yigit oʻz tabaqasidan boʻlmagan bir qizni sevib qoladi. Hammasi shundan boshlanadi. U qizga munosib boʻlish uchun kuchli shasht bilan harakat qila boshlaydi. Koʻp kitob oʻqiydi, oʻz ustida ishlaydi. Sevgining kuchi shudir. Va yozuvchi boʻlishga ahd qiladi. Kitob orzu-istaklar uchun qanday kurashish kerakligi haqida yorqin namuna boʼla oladi. Nima boʻlganda ham voz kechmay kurashish kerak. Agar orzuyingiz ustidan boshqalar kulmayotgan boʻlsa u orzu emas. Martinga ham hech kim ishonmaydi, xatto yaqinlari ham. Ammo u oʻziga ishonishda davom etadi, tushkunlikka tushmaydi. Harakat qilaveradi. U oʻzining boshqacha ekanligini bilar edi. Lekin uni hamma qatori qulga aylantirishmoqchi edi. U hayotda oʻzi oʻylagan daraja, mavqega yetishsa baxtli boʻlishiga ishongandi. Biroq koʻp narsalarni anglagani sari u havas qilgan odamlar aslida qanchalik tuban ekanligi anglaydi. Oʻzini tubanlikda deb hisoblab yuqoriga intiladi va asli tubanlik shu yerda ekanligini anglaydi. Boylik, mavqe, shuhrat unga oʻzi kutgan baxtni olib kelmaydi. Avvalgi hayoti anchayin begʻubor, sokin, betashvish va baxtli boʻlganligini tushunadi. Qiyin damlarida yordam bermaganlar, och qolganida ovqatini boʻlishmaganlar mashhur boʻlgach mehmon qilishga musobaqa oʻynaydi. Nega endi? Axir u oʻzgarmaganku, oʻsha-oʻsha Idenku. Nima oʻzgardi? U shularni tushuna olmadi. Barcha erkaklar kabi Iden ham koʻzi koʻr ahmoq edi. Uni sevadigan, baxtli qila oladigan Lizzi bor edi axir. Lekin u oʻzining tengi boʻlmagan Rufni sevib qoldi. U uchun oʻzini oʻzgartirishga urindi va oʻzligini yoʻqotdi. Erkaklar doim burnining ostidagi baxtini koʻrmay, uzoqdan qidirishadi. Hozir ham seni qanday inson ekanliginga emas faqat mavqeying, nasl-nasabingga qiziqadiganlar koʻp. Lekin seni senliging uchun sevadigan, boringcha qabul qiladiganlar ham bor. Shunday insonni uchratsang uni mahkam ushla va aslo qoʻyib yuborma. Chunki undayini taqdir senga qaytib bermasligi mumkin.

Ertaga 21:00da muhokama guruhimizda shu asar boʻyicha audiochat.

@rakhmonalievs_blog
537 0 8 8 11
An Ordinary Man

1 Nov, 05:00

Open in Telegram Share Report
Noyabr! Uning tugʻilgan kuni yaqinlashmoqda.
549 0 4 8 17
An Ordinary Man

31 Oct, 07:00

Open in Telegram Share Report
​2/2
Diniy simvolizm.
Suratning mumkin bo'lgan jihatlaridan biri xristianlikka murojaatidir. Van Gog ruhoniy o'g'li bo'lib, yoshligidanoq dinga qiziqqan. Ba'zi tadqiqotchilar yulduzlar va oy dunyoga qaratilgan ilohiy nurni anglatadi, deb hisoblashadi. "O'lim daraxtlari" deb nomlanuvchi sarv daraxtlari tomoshabinga hayotning zaifligini va najot istagini eslatishi mumkin.

Van Gogning ichki dunyosi. Tadqiqotchilar osmon va yorqin yulduzlarning burama chiziqlarida Van Gogning ruhiy holati, tashvishlari va ruhiy izlanishlari haqidagi allegoriyani ko'rishadi. "Yulduzli tun" ko'pincha uning ichki iblislari o'rtasidagi ziddiyat va atrofidagi barcha go'zallikni ochib berish istagini aks ettiruvchi surat sifatida ko'riladi.

Ilmiy talqin.
Turbulentlik fenomenini o'rganayotgan olimlar suratga qiziqarli nuqtai nazarni taklif qilishgan. 2004-yilda astrofiziklar "Yulduzli tun" osmonidagi aylanma chiziqlari tabiatda, masalan, daryo yoki bulutlarda ko'rish mumkin bo'lgan "turbulent oqim" deb nomlangan hodisaga o'xshashligini ta'kidlashgan. Ushbu tabiiy hodisa Van Gog tomonidan intuitiv tarzda gavdalantirilgan bo'lishi mumkin, bu uning tabiatni "eshitish" va "ko'rish" qobiliyati chuqur darajada boʻlganligini aks ettiradi.

Texnika va rangning xususiyatlari
"Yulduzli tun"ning rang palitrasi sovuq ko'k va iliq sariq ranglarning kombinatsiyasiga asoslangan bo'lib, tomoshabin e'tiborini tortadi. Yorqin sariq yulduzlar va oy moviy tungi osmon bilan kontrastda dramatik effektga urgʻu beradi. Rang turidagi nozik farq va moʻyqalamning oʻziga xos texnikasi tufayli Van Gog tungi osmonning "jonli" tuyg'usini yaratishga muvaffaq bo'ladi.
Moviy rang nafaqat tungi vaqtni, balki rassomning ruhiy holatini ham ifodalaydi, bir vaqtning o'zida xotirjamlik va g'amginlikni anglatadi.
Sariq ranglar hayot va umidning ramzi bo'lib, ular sovuq ranglarga qarshi turadi va ko'zni yulduzlar va oyga qaratadi, bu ma'naviyatga intilish sifatida talqin qilinishi mumkin.

Suratning ta'siri
"Yulduzli tun" ko'plab rassomlar, shoirlar va musiqachilarni ilhomlantirgan. U ijodiy ruhning kurashi va ruhiy izlanishlari ramzi bo'ldi. Suratda Van Gogning o'ziga xos qarashlari, shaxsiy kechinmalarini atrofidagi dunyo tasvirlari bilan uyg'unlashtirish qobiliyati aks ettirilgan. Bu asar zamonaviy rassomlarni xursand qilishda va tomoshabinlarni ilhomlantirishda davom etib kelmoqda.

Xulosa
Van Gogning "Yulduzli tun" asari shunchaki surat emas, balki ramzlar va muallifning shaxsiy kechinmalari bilan to'ldirilgan ko'p qatlamli asardir. Suratning sirlari rassomning psixologiyasi va dindorligi bilangina emas, balki uning tabiatga boʻlgan hayratlanarli sezgi qobiliyati bilan ham bog'liq. Van Gog dunyoning tashvishi va go'zalligini aks ettiruvchi durdona asar yaratdi va shuning uchun ham "Yulduzli tun" jahon rassomchiligidagi eng sirli va ta'sirli rasmlardan biri bo'lib qolmoqda.

@rakhmonalievs_blog
559 0 7 1 10
An Ordinary Man

31 Oct, 06:59

Open in Telegram Share Report
​Van Gogning "Yulduzli tuni": dunyoga mashhur surat qanday sirlarni yashirgan?

1/2

Vinsent Van Gogning “Yulduzli tun” asari muallifning his-tuyg‘ulari va murakkab gʻoyalarini jonlantirgan dunyoga mashhur suratlardan biridir. 1889-yilda rassom Sen-Remi-de-Provansdagi Sen-Pol-de-Mauzol psixiatriya shifoxonasida bo‘lganida yaratilgan bu surat ustaning ichki kechinmalarini va uning atrofidagi dunyoni nozik idrok etishini ochib bergandek. Quyida asarning xususiyatlari, ushbu asarga tegishli bo'lgan ramziylik va nazariyalarni batafsil ko'rib chiqamiz.

Yaratilish tarixi
1889-yil may oyida Van Gog qulogʻi kesilishiga olib kelgan kuchli asabiy portlashga uchraganidan so'ng o'z ixtiyori bilan o'zini psixiatriya klinikasiga yotqizdiradi. U yerda, Fransiyaning janubida, u yolg'izlik va xotirjamlikni topadi, ammo depressiyadan azob chekishda davom etadi. Harakati cheklangan Van Gog tevarak-atrofdagi tabiatdan va kasalxonadagi xonasining derazasidagi manzaradan ilhom oladi, u yerdan osmon kengliklari va sarv daraxtlarining yuqori qismini ko'rar edi. Aynan shu cheklangan istiqbol va yakkalanish hissi "Yulduzli tun"ning boshlang'ich nuqtasi bo'ladi.

Kompozitsiya va badiiy uslub
Surat Van Gogning o'ziga xos uslubida harakat hissini yaratadigan qisqa, dinamik boʻyoqlar bilan bo'yalgan. Unda sarv daraxtlari o‘sgan tungi osmon va tog‘lar fonida kichik aholi punkti tasvirlangan.

Girdobli osmon. "Yulduzli tun"ning markaziy mavzusi - bu qandaydir mistik oqimga bo'ysunadigan girdob chiziqlari va aylanmalar bilan to'ldirilgan osmon. Bu yorqin, burama boʻyoqlar rassomning ruhiy holatining beqarorligini ham, tabiat qudrati va energiyasiga qoyil qolishini ham ifodalaydi.

Yulduzlar va oy.
Suratda 11ta yulduzni ko'rishingiz mumkin, oy esa yarim oy shaklida taqdim etilgan. Van Gog abadiyat va hatto mistika timsoli sifatida yoritkichlarga alohida e'tibor bergan deb ishoniladi. Qorong'u osmondagi yorqin, yaraqlab turuvchi yulduzlar hayot va tunning sokinligi o'rtasidagi ziddiyatni ta'kidlaydi.

Sarv daraxtlari.
Baland, qoramtir sarv daraxtlari go‘yo osmonni teshib, yer va yulduzlarni bog‘lab turgandek. Sarv daraxtlari avloddan-avlodga o'tadigan abadiylikni, hayotni va hatto o'limni anglatadi. Ko'pgina san'atshunoslar bu asardan rassomning yolg'izlik bilan kurashi va uyg'unlik izlanishini ifoda etgan shaxsiy xabarini topadilar.

Manzilgoh.
Suratning pastki qismida tabiatning ulug'vorligidan farq qiluvchi uylar va cherkovga ega kichik shaharcha joylashgan. Buni ulkan va abadiy koinot fonida inson hayotining mo'rtligi haqidagi allegoriya sifatida ko'rish mumkin. Van Gog, ehtimol, umid ramzi sifatida kompozitsiyada cherkov uchun joy qoldiradi.

@rakhmonalievs_blog
528 0 8 3 6
An Ordinary Man

27 Oct, 12:40

Open in Telegram Share Report
Forward from: FILOLOG KUNDALIGI 📚
Nima uchun aksariyat kitobxonlar Dostoyevskiy, Tolstoy, Pushkin, Chexov, Jek London, Drayzerning kitoblarini sevib oʻqishadi?

Chunki, ular realist adiblar edi. Inson esa doimo haqiqatga muhtoj.

@dunyo_klassikasi
737 0 3 4 29
An Ordinary Man

27 Oct, 09:33

Open in Telegram Share Report
Kecha Jek Londonni oʻqiy turib yashagan yillariga qarabman. Atigi 40 yil. Nima boʻlib vafot etgan ekan deb oʻyladim. Bugun oʻqib qoldim. Ogʻriq qoldiruvchi dorini koʻp miqdorda qabul qilish oqibatida ekan. Buni u atay qilganmi yoki bilmay aniq emas. Kam umr koʻrgan ijodkorlarning sermahsulligi kishini hayron qoldiradi.

@rakhmonalievs_blog
814 0 2 13 15
An Ordinary Man

26 Oct, 18:23

Open in Telegram Share Report
831 0 2 16
An Ordinary Man

25 Oct, 05:12

Open in Telegram Share Report
Video is unavailable for watching
Show in Telegram
#iqtibos

Baxt haqida besh daqiqa gapirishingiz mumkin, undan ortiq emas. Bunda siz baxtli ekanligingizdan boshqa hech narsani aytolmaysiz.
Baxtsizlik haqida esa tun bo'yi gapirish mumkin.

Erix Mariya Remark

@rakhmonalievs_blog
890 0 13 2 22
An Ordinary Man

24 Oct, 18:50

Open in Telegram Share Report
Stiven King nihoyat 2025-yil 27-mayda "Scribner" nashriyoti tomonidan nashr etiladigan yangi kitobining yakuniy nomi borasida  bir qarorga keldi. Avvaliga u kitob "Biz bunday deb hisoblamaymiz" (We think bot), keyinroq "Holli abadiy" (Always Holly) deb nomlanishini aytdi. Mana yakuniy versiya - "Never Flinch" (Men "Hech qachon chekinma" deb tarjima qildim, lekin rus manbalarining biri "Qoʻrquvingni koʻrsatma" deb oʻgirgan). Kitobga oldindan buyurtma berish mumkin, narxi 34,95 dollardan (standart nashr) 295 dollar (!!) gacha.

60 dollarga kumush bo‘rtma naqshli qog‘oz gʻilofdagi slipcase) kitobni, 69,95 dollarga rassom Chadborn (muqovaning muallifi) imzosi qo‘yilgan kitobni xarid qilishingiz mumkin.

@rakhmonalievs_blog
778 0 1 14
An Ordinary Man

23 Oct, 19:24

Open in Telegram Share Report
#iqtibos

Nimani yoʻqotganing emas, nimani saqlab qola olganing muhim.

"Gʻalaba arkasi" - Erix Mariya Remark

@rakhmonalievs_blog
780 0 10 4 21
An Ordinary Man

23 Oct, 16:08

Open in Telegram Share Report
#taqriz

Irsa Sigurdardottir - DNK

Reykyavik politsiyasi tergovchisi Xyuldar hech qachon bunday holatga duch kelmagan. Yosh ayol o'z uyida shafqatsizlarcha o'ldirildgan. Qotilning qo‘lyozmasi qo‘rqinchli va g‘alati – bunday narsa nafaqat Islandiyada, balki boshqa mamlakatlarda ham bo‘lmagan. Jinoyatchi eng yaxshi kriptologlar bosh qotirayotgan gʻalati shifrli yozuvdan boshqa hech qanday dalil qoldirmagan Yagona guvoh - onasining yotogʻi ostida yashiringan o'ldirilgan ayolning kichkina qizi. Ammo u shokda va savollarga javob bera olmaydi. Jarohatlanagan bolalar bilan ishlash bo'yicha mutaxassis Freya Xyuldar bilan birga ishlaydi. Uning yordami bilan qizdan faqat quyidagi narsalarni bilib olinadi: Qotilning boshi qop-qora. Uning katta yaltiroq boshi bor. Va u yana bir ayolni o'ldirmoqchi ...

Ushbu kitobdan so'ng men Skandinav detektivlari mening sevimli janrim bo'lishini angladim. Muallifning avvalroq "Kechirish" romanini ham oʻqigan edim. Bu men tanishgan uning ikkinchi kitobi boʻldi.

Unda nima bor: vahshiyona syujet, o'ta shafqatsizlik bilan sodir etilgan qonxo'r qotilliklar, ikkita asosiy qahramonning ajoyib tandemi, kutilmagan yakun. Yaxshi kitob uchun yana nima kerak?

Menga Islandiya atmosferasining ta'riflari juda yoqdi: yomg'ir, qor, kulranglik va namlik, tog'lar, hamma narsa shu qadar batafsil tasvirlanganki, kitobni o'qiyotib goʻyo u yerga koʻchib qolgandek boʻlasiz.

Bosh qahramonlarga kelsak: menimcha, qahramonlar birinchi kitobda to‘liq ochib berilmagan, ammo oldinda yana ikkitasi bor. Freyaning harakatlari men uchun ba'zan tushunarsiz va mantiqsiz tuyuldi. Shaxsan men uchun Xyuldar ancha tushunarli bo'lib chiqdi.

Menga tergov yo'lining o'zi yoqdi. Ko'p nazariyalar qurilayotganda, gumonlanuvchilar, so'roqlar, tergovlar bo'lsa, men buni yaxshi ko'raman, shuning uchun voqealar rivojini zavq bilan kuzatdim.

Yakun, albatta, juda kutilmagan boʻldi. Kitob meni hayratda qoldirdi. Kitob detektiv hikoyalar muxlislari va o'z talaffuzini mashq qilishni xohlaydiganlar uchun, chunki Skandinaviya ismlari hali ham talaffuz etib boʻlmaydigan infeksiyadir.

Kitobning elektron shakli

@rakhmonalievs_blog
Kitoblar Arxiv
675 0 4 5 7
An Ordinary Man

20 Oct, 12:36

Open in Telegram Share Report
"Martin Iden"ni haligacha oʻqimaganlar buni toʻgʻrilashning ayni vaqti. "Bookclub" guruhimizda shu asar keyingi muhokama uchun tanlandi.
984 0 2 9 23
An Ordinary Man

20 Oct, 09:53

Open in Telegram Share Report
1.1k 0 2 2 4
An Ordinary Man

19 Oct, 14:45

Open in Telegram Share Report
Noyabr uchun.

@rakhmonalievs_blog
1.1k 0 5 1 15
20 last posts shown.