QASHQADARYO.UZ | RASMIY - Қашқадарё вилояти ҳокимлиги - Qashqadaryo viloyati hokimligi

Вилоят ҳокимининг навбатдаги сайёр қабули Шаҳрисабз шаҳрида бўлди

Ушбу қабулда фуқаролар бир қатор масалаларда ўз муаммоларини билдирган бўлса, вилоят раҳбари ҳам ҳар бир фуқаро билан юзма-юз учрашиб, уларнинг муаммоларини имкон қадар жойида ҳал қилишга ҳаракат қилди. Айрим масалалар юзасидан тегишли мутасадди ташкилотларга топшириқлар берилиб, қисқа муддатда амалга оширилиши бўйича топшириқ берди.

Шунингдек, сайёр қабулда сектор раҳбарлари, вилоят ташкилотлари раҳбарлари, Шаҳрисабз тумани ҳокими, Шаҳрисабз шаҳри, Чироқчи, Яккабоғ, Қамаши, Китоб туманларининг ҳоким ўринбосарлари ҳам фаол иштирок этишди.

Муротжон Азимов фуқароларнинг дардини эшитиб, улар билан очиқ мулоқот олиб бориш, шунингдек, ҳар бир мурожаатга эътибор қаратиш Президентимиз таъкидлаганларидек, ҳокимлар ва тегишли раҳбарлар фаолиятининг устувор йўналишларидан бири эканлигини қайд этди.

Вилоят ҳокимлиги Ахборот хизмати.
Telegram|YouTube|Facebook|Instagram|X

Қарши шаҳрида яна бир замонавий университет биноси қад ростламоқда

Қаршидаги Халқаро инновацион университет 2022 йилда ташкил этилган бўлиб, ҳозирда 5000 нафардан ортиқ талабалар таҳсил олмоқда.

Бугун вилоят ҳокими Муротжон Азимов ва нуронийлар университетда бошланган қурилиш ишлари билан танишиб, янги бино пойдеворига тамал тоши қўйиш маросимида иштирок этишди.

Президентимиз яратиб берган шарт-шароит ҳамда имтиёзлардан оқилона фойдаланаётган ташаббускорларга, қурувчиларга ўз миннатдорчиликларини билдиришди.

Университетнинг лойиҳа қиймати 170 млрд. сўмни ташкил қилиб, унда бир вақтнинг ўзида 5000 нафар, 2 сменада эса 10000 нафар талабаларга бакалавриат ва магистратура йўналишларида билим берилади. Университетда IT технологиялари бўйича резиденция очилган бўлиб, унда халқаро сертификатлар берилади. Ҳозирда университетда “Дуал таълим” йўлга қўйилган бўлиб, коммунал йўналишда талабалар ўқишни битирганидан сўнг иш билан таъминланади.

Шунингдек, университетнинг иккинчи лойиҳаси бўлган “SURXON PLAS DECOR” MCHJ қурилиш материалларини ишлаб чиқариш корхонасига 20 млн. доллардан зиёд инвестиция маблағи киритиш режалаштирилган бўлиб, 20 турдан зиёд қурилиш материаллари ишлаб чиқариш кўзда тутилган.

Ушбу корхонада Халқаро инновацион университетда йўлга қўйилган “Дуал таълим” бўйича талабалар тўлиқ билим маҳоратларини ошириб боришади.

Telegram|YouTube|Facebook|Instagram|X