QARAQALPAQSTAN KADASTR

Kegeyli rayonı kadastr jańa imáratıniń qazıǵı qaǵıldı

2022-jıl 20-oktyabr kúngi Ózbekstan Respublikası Prezidentiniń PQ-405 sanlı qararınıń 3-qosımshasına tiykar, xalıqqa sapalı hám opertaiv xızmet kórsetiwdi támiynlew maqetinde Kegeyli rayonında jáńa kadastr imaratınıń qazıǵı qaǵıldı.

Ilajǵa rayon hákimi A.Kamalov, Mámleketlik kadastrları palatası Qaraqalpaqstan Respublikası basqarması baslıǵı S.Urunbayev hám tiyisli qánigeler jáne aymaq nuraniyleri qatnastı.

Jańa imarat ushın Kegeyli rayonı Aqtuba APJ aymaǵında 24 sotix  jer maydan tanlap alınıp 3.8 mlrdqa jaqın qarjı ajıratılǵan.

Qaraqalpaqstan kadastr
Telegram | Instagram  | Facebook | Youtube|Twitter

Xatlaw dawamında puqaralardıń pikirleri tıńlandı

Kadastr agentligi tárepinen tastıyıqlanǵan reje-grafik tiykarında 937-sanlı Nızamǵa muwapıq xatlaw jumısları dawam etpekte.
Kadastr agentligi Qaraqalpaqstan Respublikası basqarması Korrupciyaǵa qarsı gúresiw bóliminiń xızmetkeri A.Kalilaev hám Mámleketlik kadastrlar palatası Qaraqalpaqstan Respublikası basqarması Korrupciyaǵa qarsı gúresiw bóliminiń xızmetkeri A.Atamuratovlar Ellikqala rayonı Doslıq APJ aymaǵında xatlaw jolı menen texnik intentarizatciyadan ótkeriw jumıslarına tikkeley qatnasıp, máhelle baslıǵı hám aymaq turǵınlar menen ushırastı.

Onda qánigelerdiń xatlaw dawamında korrupciyalıq jaǵdaylarǵa jol qoymaǵanlıǵı hám óz mápi jolında dámegóylik yamasa basqada materiallıq járdem soraǵan jaǵdaylardaKorrupciyaǵa qarsı gúresiw bólimi qánigesine xabar beriwdi aytıp ótildi.

Qaraqalpaqstan kadastr
Telegram | Instagram  | Facebook | Youtube

#huqıqıy_maǵlıwmat
Menshiklestirilgen jer uchastkalarınıń múlk iyeleri qanday huqıqlarǵa iye?

Menshiklestirilgen jer uchastkasına yuridikalıq hám fizikalıq shaxslardıń, mámlekettiń huqıqların hám nızam menen qorǵalatuǵın máplerin buzbaǵan halda, óz qálewi boyınsha hám óz máplerin gózlep erkin iyelik etiw, onnan paydalanıw hám onı basqarıw, sonıń ishinde, onnan girew predmeti sıpatında paydalanıw, yuridikalıq shaxstıń ustav kapitalına (ustav fondına) úles sıpatında kirgiziw, ijaraǵa beriw;

Menshiklestirilgen jer uchastkasına bolǵan múlk huqıqınıń hár qanday buzılıwlarınıń saplastırılıwın talap etiw;

Menshiklestirilgen jer uchastkasında erkin túrde xojalıq júrgiziw;

Turaq jay, islep shıǵarıw, mádeniy-turmıslıq imaratlar hám obyektlerdi jáne basqa imaratlar hám obektlerdi qurıw, qayta qurıw hám buzılıwın ámelge asırıw.

Qaraqalpaqstan kadastr
Telegram | Instagram  | Facebook | Youtube

#kadastr_qr

Jer uchastkaların ózbasımshalıq penen iyelegeni ushın belgilengen járiyma muǵdarın bilesiz be?

Ózbekstan Respublikasınıń Hákimshilik juwapkershilik haqqındaǵı kodeksiniń 60-statyası 2-bólimine muwapıq:

Puqaralar ushın bazalıq esaplaw muǵdarınıń 30 esesi,
Lawazımlı shaxslar ushın bazalıq esaplaw muǵdarınıń 70 esesi muǵdarında járiyma tartılıwına sebep boladı.

Esletip ótemiz❗️: 2024-jıl 15-noyabrden Ózbekistan Respublikasınıń 997-sanlı Nızamına tiykar járiyma muǵdarı puqarlarǵa BEM 30 esesi lawazımlı shaxslarǵa 70 esesi muǵdarında qılıp belgilendi.

Qaraqalpaqstan kadastr
Telegram | Instagram  | Facebook | Youtube

#Ana_tilim

1-dekabr – Qaraqalpaq tiline Mámleketlik til biyligi berilgen kún

1989-jıl 1-dekabr kúni Qaraqalpaqstan Respublikası Joqarǵı Keńesiniń sessiyasında qaraqalpaq tiline mámleketlik til biyligi berildi.

Til millettiń aynası esaplanǵanınday tilimizdi asırap abaylaw bul hárbirimizdiń eń baslı wazıypamız.

Qaraqalpaq tiline mámleketlik til biyligi berilgeniniń otız tórt jıllıǵı múbárek bolsın!


Qaraqalpaqstan kadastr
Telegram | Instagram  | Facebook | Youtube

#infografika
"Ózbasımshalıq penen iyelep alınǵan jer uchastkalarına hám olarda qurılǵan imarat hám obektlerge bolǵan huqıqlardı tán alıw haqqında"ǵı 05.08.2024-jıldaǵı 937-Nızamǵa muwapıq huqıqlardı tán alıw aymaqlar boyınsha basqıshpa-basqısh ámelge asırıladı, bunıń ushın Kadastr agentligi hár jılı reje-keste tastıyıqlaydı, oǵan tiykarlanıp:

◼️Kadastr agentligi Avtomatlastırılǵan málimleme sistemasın jaratıp, oǵan barlıq jerler boyınsha 6 túrdegi birlemshi maǵlıwmatlardı kirgizedi;

◼️10 wákillikli uyım (hákimlik, qurılıs, ekologiya, salıq, "Ózbekkosmos" agentligi hám basqalar) hár bir jer uchastkası boyınsha óz wákilligindegi maǵlıwmatlardı sistemaǵa kirgizedi;

◼️sistemada tayarlanǵan elektron hújjet máhálle imaratlarında, Kadastr agentliginiń saytında hám basqa da dáreklerde járiyalanadı.

Qaraqalpaqstan kadastr
Telegram | Instagram  | Facebook | Youtube

Nókis qalasında úlgili kadastr arxivi jaratılmaqta

Mámleketlik kadastrlar palatası tárepinen 2024-jıl – Mámleketlik kadastrlar palatasında «Arxiv hújjetlerin tártip boyınsha sanlastırıw hám olardıń esabın durıs júrgiziwdi jolǵa qoyıw jılı» dep járiyalanıw múnásibeti menen filiallardaǵı arxivlerde saqlanıp atırǵan kadastr hújjetleri qayta tártiplestiriw hám sanlastırıw jumıslar qızǵın dawam etpekte.

Nókis qalasında jámi 93 047 kadastr hújjeti bar bolıp, bul hújjetlerdi xatlaw hám metodikalıq qollanbaǵa tiykar tártiplestiriw jumısları alıp barılmaqta.

Mámleketlik kadastrları palatası Qaraqalpaqstan Respublikası Nókis qalası fililaında hújjetlerdi ziyansız saqlaw maqsetinde arxiv bóliminde sensor datchikler, temir esik hám basqa da zárúrli texnikalar menen úskenelengen edi.

Házirde kadastr hújjetlerdiń ayrıqsha jaǵdaylar júz bergende, suw tasqınları hám basqa da hádiyselerden hújjetlerdiń qáwipsiz, uzaq múddetke saqlanıwı, keleshek áwladqa sapalı halda jetkerip beriw maqsetinde zamanagóy-mobil stellajlardı ornatıw jumısları alıp barılmaqta.

Qaraqalpaqstan kadastr
Telegram | Instagram  | Facebook | Youtube

#kóshpeli_qabıllaw_kadastr

Amudarya rayonında kóshpeli qabıllaw bolıp ótti

Kadastr agentligi Qaraqalpaqstan Respublikası basqarması tárepinen puqaralardıń kadastr tarawı boyınsha múrájatların úyreniw maqsetinde kóshpeli qabıllaw shólkemlestirdi.

Qabıllawda Kadastr agentligi Qaraqalpaqstan Respublikası basqarmasınan tiyisli taraw qánigeleri qatnasıp kelip túsken 6 dan artıq múrájattan 4 múrájat unamlı sheshildi, 2 múrájat tolıq úyrenip shıǵıwda waqıt talap etilgeni ushın qánigelerge tapsırma berildi hám qalǵan múrájat iyelerine huqıqıy túsinikler berildi.

Qaraqalpaqstan kadastr
Telegram | Instagram  | Facebook | Youtube