Qiziriqmuslim

#ЭСЛАТИНГ

🔸Кишининг гўзаллиги унинг тилидан билинади (Имом Ҳоким ривояти)

🔸Ҳақиқий мусулмоннинг қўлидан ҳам тилидан ҳам мусулмонлар озор кўришмайди (Имом Муслим ривояти)

🔸Ким Аллоҳга ва охират кунига имон келтирган бўлса, яхши сўзларни гапирсин ёки сукут сақласин (Имом Бухорий, Имом Муслим ривояти)

🔸Кишининг ҳар бир эшитган нарсасини гапиравериши гуноҳкор бўлишига кифоядир (Ҳадисдан)

Ҳидоят журналидан

🕌•┈•🌙┈•┈•❁✿❁•┈•┈🌙•┈•🕌

♻️ Албатта яқинларингизга ҳам юборинг!

Каналимизга обуна бўлишни унутманг азизлар⤵️
✅ 📲 @qiziriqmuslim ✅

ТАВБАНИНГ ФАЗИЛАТИ

Бир киши келиб Абдуллоҳ ибн Масъуд розияллоҳу анҳудан: «Қилган гуноҳимга тавба қилсам, кечириладими?» деб сўради. Ундан ўгирилдилар. Яна қайтиб қараганларида унинг кўзлари ёшли эканини кўрдилар ва: «Жаннатнинг саккиз эшиги бор, ҳаммаси ёпилса ҳам, фақат тавба эшигига вакил қилинган фаришталар уни ёпмай туришади. Умидсиз бўлма, яхши амалларга кириш!» деб башорат бердилар.

Толқ ибн Ҳабиб роҳимаҳуллоҳ: «Аллоҳ таолонинг ҳақлари банда бажараётганидан улкандир, лекин эртаю кеч тавбани ўзларингизга лозим тутинглар», дедилар.

Саид ибн Мусаййиб роҳимаҳуллоҳ Аллоҳ таолонинг: «У кўп тавба қилувчиларга мағфиратлидир» ояти ҳақида: «Бу (ояти карима) гуноҳ қилганидан кейин тавба қилиб, кейин яна гуноҳ содир этиб қўйиб, қайта тавба қилган киши ҳақидадир», деганлар.

Луқмон роҳматуллоҳи алайҳ ўғилларига: «Эй ўғилчам, тавбани кечиктирмагин, зеро ўлим тўсатдан келади», деган эканлар.

Абдуллоҳ ибн Ҳабиб роҳматуллоҳи алайҳ айтади: «Сизлар гуноҳ қилаётганингизда шунақа ғазабланадики, асло чидаёлмайсизлар. Шундай экан, ҳар туну кун Унга тавба қилувчилардан бўлинглар».

Ҳасан роҳматуллоҳи алайҳ дейдилар: «Эй Одам болалари, ишларни кейинга суришдан сақланинглар, чунки бу кунгина сизники, эртангиси сизники эмас. Ўзининг дирҳамидан ҳам умрига кўпроқ бахиллик қиладиган қавмларни кўрдим».

Мужоҳид роҳимаҳуллоҳ дейди: «Ҳар бир кун Одам фарзандига қарата: «Бугун сенинг устингга келдим, эртага асло қайтиб келмайман, мендан фойдаланиб нима амал қилишингга қарагин, тугасам, Қиёматгача қайтмайман», дер экан».
Қайс қабиласидан бир киши: “Бизга бир васият қилинг”, деган одамларга: «Огоҳлантираман, гуноҳга тавба қилишни асло кечиктирманглар”, деб жавоб берган экан».

#ЭСЛАТИНГ

🔺Ким мақоми билан мақтанса, Фиръавнга қарасин!

🔺Ким моли билан мақтанса, Қорунга қарасин!

🔺Ким насли билан мақтанса, Абу Лаҳабга қарасин!

🔺Ким илми билан мақтанса, Шайтонга қарасин!

🕌•┈•🌙┈•┈•❁✿❁•┈•┈🌙•┈•🕌

♻️ Албатта яқинларингизга ҳам юборинг!

Каналимизга обуна бўлишни унутманг азизлар⤵️
✅ 📲 @qiziriqmuslim ✅

ФОСИҚЛИКНИНГ ЗАРАРЛАРИ.

1. Фосиқлик Аллоҳ таолонинг, Унинг Расулининг ва мўминларнинг ғазабини жалб қиладиган нарсадир.

2. Гоҳида фосиқлик мусулмончиликдан чиқариши ҳам мумкин.
3. Фосиқ жамиятга зарарли инсондир.

4. Фосиқлик мунофиқликка, у эса дўзахга олиб боради.
5. Фосиқлик тарқалган жамият парчаланади.

Мўмин банда фосиқликнинг ҳар бир кўринишидан ўзини олиб қочиши, бу нарсанинг зарарларини ҳеч қачон эсидан чиқармаслиги керак. Мабодо билиб-билмай баъзи фисқ ишларни содир этган бўлса, дарҳол тавбага шошилиши лозим.

"Руҳий тарбия" китобидан.

@qiziriqmuslim

РАДДИЯ ДИНИМИЗДА ФИРҚАГА ЙЎЛ ЙЎҚ

Инсоннинг табиатида фирқабозликка берилиш, ўз фикри ва эътиқодини бошқаларникидан устун қўйиб, унга ўзгаларни чорлаш кайфияти мавжуд.

Ваҳоланки, инсон ҳар томонлама мукаммал бўлган эътиқод ярата олишдан ожиз. Албатта, бунинг учун илоҳий кўрсатма ва дастур зарур.

Аллоҳ таоло Қуръони Каримда шундай марҳамат қилган.
"Албатта, бу менинг тўғри йўлимдир, бас унга эргашинг ва бошқа йўлларга эргашманг. Бас сизни унинг йўлидан адаштирмасинлар. Мана шу сизга қилган амрки, шояд тақво қилсангиз".
(Анъом сураси, 153-оят)

Дунёдаги ягона тўғри йўл, Аллоҳнинг йўлидир. Инсон эргашмоғи лозим бўлган бирдан-бир йўл шу йўл. Ундан бошқа йўлларнинг ҳаммаси нотўғри йўллардир. Кимда-ким уларга ёки улардан бирортасида юрса адашади. Аллоҳнинг йўлидан адашган бўлади.

Имом Аҳмад ибн Ҳанбал роҳматуллоҳи алайҳи ривоят қилган ҳадисда Абдуллоҳ ибн Аббос розияллоҳу анҳу айтадиларки, Расулуллоҳ соллаллоҳу алайҳи васаллам қўллари билан бир чизиқ чиздиларда, сўнгра "Бу Аллоҳнинг тўғри йўли" дедилар. Кейин ўнг ва чап томонларидан чизиқ чизиб туриб, "мана бу йўлларнинг ҳар бирининг бошида унга чақириб турадиган шайтон бор" дедилар ва "бу менинг тўғри йўлимдир, бас, унга эргашинг ва бошқа йўлларга эргашманг", дедилар.

Инсоннинг ақли эса икки дунё саодатини топиш имкониятини беришга қодир эмас.

"Аллоҳни арқонини махкам тутинглар, фирқаларга бўлинманглар".

Оли-имрон сураси 103-оятида Аллоҳ таоло сизу бизга амр қилган. Шунинг учун ҳам Аллоҳ таоло бандаларини ўзининг илоҳий кўрсатмаларига мувофиқ ҳолда амал қилишга буюрган.

Уламолардан бири ақлни кўзга қиёслаб шундай деган экан.
"Кўз ҳар қанча соғлом бўлмасин у зулмат ичида ҳеч нарсани кўра олмайди. Унга ташқаридан бир ёруғлик таъсир этсагина кўра олиши мумкин".

Шундай экан, ғараз ниятли оқимларнинг тузоқларидан огоҳ бўлайлик. Муқаддас динимизнинг соф эътиқодини мустаҳкам сақлаб, келажак авлодга софлигича етказайлик.


Қизириқ тумани бош имом-хатиби
Абдухалил Абдуназаров Ҳусанович

@qiziriqmuslim