⏳⏳⏳⏳
3-fevral – Oʻzbekiston xalq yozuvchisi Togʻay Murod tavallud topgan kun
Togʻay Murod (taxallusi; asl ism-sharifi – Togʻaymurod Mengnorov) 1948-yil 3-fevralda Surxondaryo viloyati Oltinsoy tumanida tugʻilgan. Moskvadagi Adabiyot institutida tahsil olgan.
Adib “Yulduzlar mangu yonadi” nomli ilk qissasi bilan yozuvchi sifatida tanildi. 70–80-yillarda uning “Ot kishnagan oqshom”, “Oydinda yurgan odamlar”, “Momo yer qoʻshigʻi” qissalari chop etildi. Keyingi qissasi uchun Oybek nomidagi mukofot bilan taqdirlangan.
Uning “Otamdan qolgan dalalar” romanida Oʻzbekistonning mustamlakaga aylanishi va kecha va kunduz mehnat qilib, yashayotgan oʻzbek dehqonlarining mustabid tuzum yillaridagi ogʻir va qiyin hayoti, iztiroblari hayotiy lavhalarda haqqoniy tasvirlab berilgan. “Bu dunyoda oʻlib boʻlmaydi” romanida ham oʻz ijodiy mezonlariga sodiq qolib, yolgʻon eʼtiqodlar, soxta shiorlarga aldanib, hayotini yelga sovurgan sobiqfirqa rahbarlarining majoziy obrazlarini hajviy boʻyoqlarda tasvirlagan.
3-fevral – Oʻzbekiston xalq yozuvchisi Togʻay Murod tavallud topgan kun
Togʻay Murod (taxallusi; asl ism-sharifi – Togʻaymurod Mengnorov) 1948-yil 3-fevralda Surxondaryo viloyati Oltinsoy tumanida tugʻilgan. Moskvadagi Adabiyot institutida tahsil olgan.
Adib “Yulduzlar mangu yonadi” nomli ilk qissasi bilan yozuvchi sifatida tanildi. 70–80-yillarda uning “Ot kishnagan oqshom”, “Oydinda yurgan odamlar”, “Momo yer qoʻshigʻi” qissalari chop etildi. Keyingi qissasi uchun Oybek nomidagi mukofot bilan taqdirlangan.
Uning “Otamdan qolgan dalalar” romanida Oʻzbekistonning mustamlakaga aylanishi va kecha va kunduz mehnat qilib, yashayotgan oʻzbek dehqonlarining mustabid tuzum yillaridagi ogʻir va qiyin hayoti, iztiroblari hayotiy lavhalarda haqqoniy tasvirlab berilgan. “Bu dunyoda oʻlib boʻlmaydi” romanida ham oʻz ijodiy mezonlariga sodiq qolib, yolgʻon eʼtiqodlar, soxta shiorlarga aldanib, hayotini yelga sovurgan sobiqfirqa rahbarlarining majoziy obrazlarini hajviy boʻyoqlarda tasvirlagan.