(مَّا یَوَدُّ ٱلَّذِینَ كَفَرُوا۟ مِنۡ أَهۡلِ ٱلۡكِتَـٰبِ وَلَا ٱلۡمُشۡرِكِینَ أَن یُنَزَّلَ عَلَیۡكُم مِّنۡ خَیۡرࣲ مِّن رَّبِّكُمۡۚ وَٱللَّهُ یَخۡتَصُّ بِرَحۡمَتِهِۦ مَن یَشَاۤءُۚ وَٱللَّهُ ذُو ٱلۡفَضۡلِ ٱلۡعَظِیمِ) [البقرة: ١٠٥].

Китоб эгалари бўлмиш куфр келтирганлар ва мушриклар сизларга Роббингиз тарафидан бирор бир яхшилик нозил бўлишини ёқтирмайдилар. Аллоҳ ўзининг раҳмати ила хоҳлаган кишиларини хослайди. Аллоҳ буюк фазл эгасидир (Бақара: 105).

Китоб эгалари (Яҳудлар) ва бутларга ибодат қилувчи мушриклар Набий соллаллоҳу алайҳи васалламга ваҳий тушишини хоҳлашмас ва ҳасад қилишар эди. Чунки ваҳий билан Ислом дини қувватланиб кенг ёйилади. Аллоҳ таоло бу икки жоҳил тоифага танбеҳ бериб, ўз раҳмати билан хоҳлаган бандасига пайғамбарликни, исломни ризқ қилиб беришини айтди. Аллоҳ таоло қилган ишидан сўралмайди. У зот илм ва ҳикмат соҳибидир, У зот буюк яхшиликлар ва мулк эгасидир.

@qisqatafsir