Qamashilik👍

Qamashi tumani Yoshlar ishlari bo‘limi tomonidan o‘zligimizni anglash, milliy madaniyatimiz va qadriyatlarimizni keng targ‘ib qilish maqsadida bir qator ishlar amalga oshirilmoqda. Har bir milliy libos – bu tarix, bu ajdodlar merosi, bu bizning g‘ururimiz!

Milliyligimizni asrab-avaylash, uni keyingi avlodga yetkazish – har birimizning burchimiz! Shu sababli, milliy liboslar челленжи orqali yoshlarimizni o‘z ildizlariga, qadriyatlariga qaytarishga chorlaymiz. Bu nafaqat kiyim-kechak, balki milliy tafakkur, an’analar va urf-odatlar timsolidir.

Keling, milliyligimizni iftixor bilan namoyon qilaylik! Bu faqat libos emas – bu bizning millatimiz ruhi!

#NAMUNA

Yoshlar bilan ishlash – nafaqat ularning ta’limi va kelajagi haqida qayg‘urish, balki ularning jismoniy va ruhiy sog‘lig‘ini ham e’tiborda tutish demakdir. Shu maqsadda Qamashi tuman Yoshlar ishlari bo‘limi tashabbusi bilan mahallalardagi yoshlar yetakchilari hamda bo‘lim xodimlari bepul tibbiy ko‘rikdan o‘tkazildi.

Bu tashabbus nafaqat ularning salomatligini tekshirish, balki ularni har tomonlama qo‘llab-quvvatlashga qaratilgan muhim qadamdir. Axir, sog‘lom inson – jamiyatning eng katta boyligi! Yetakchilar sog‘lom bo‘lsa, ular yoshlar bilan yanada faol ishlaydi, yangi g‘oyalarni ilgari suradi va kelajak sari ishonch bilan qadam tashlaydi.

Kecha Qamashi tumani hokimi Xurshid Usmonov, tuman IIB boshlig‘i Nodirbek Rahimov tuman tashkilot rahbarlari ishtirokida tuman markazidan 80 kilometr uzoqlikdagi Qo‘shko‘l qishlog‘ida sayyor qabul o‘tkazdi. Qabul avvalida, qurbonlik qilinib, Qur'on tilovat qilindi.

Shundan so‘ng qishloq aholisi bilan muloqot qilinib, ularning murojaat va takliflariga e'tibor qaratildi. Aholi tomonidan bildirilgan taklif va murojaatlar asosida tegishli ishlarni amalga oshirish bo‘yicha vazifalar belgilandi.

Shuningdek, qishloqdagi maktab, yo‘l-transport infratuzilmasi va kommunal xizmatlarning holati o‘rganildi.

Qabuldan so‘ng, qo‘shko‘lliklar uchun madaniy tadbir o'tkazildi. Tuman madaniyat bo‘limi tomonidan gulxan atrofida konsert dasturi namoyish qilindi. Tuman yoshlar ishlari bo‘limining yoshlarga sovg‘alari berildi.