Chunki bu amallarning tub mohiyatida Allohga go'zal taslimiyat darajasi bordir!


"Yigitlar va qizlar qachon oila qurishga tayyor boʻladi?" degan mashhur klassik savol mavjud.
Bu savolga ideal javob shuki: Qachonki ular o'z shaxsiy menini "Oila meni" uchun qurbon qilishga tayyor boʻlganida!

Yigit ham, qiz ham oila qurgunicha faqat o'z manfaatlarini o'ylab yashashgan bo'lsa, bir nuqtaga kelganida endi ularda, o'zlaridan ortib bo'lajak jufti va farzandlari uchun ham o'zlaridan nimanidir bahshida etishni istab qoladilar.
Yigitlarda bu holat asosan topayotgani o'z ehtiyojlaridan ortib qolayotganini his etganida sodir bo'lsa, qizlarda asosan bolalarga mehr ulashishni istash orqali namayon bo'ladi.

Bu holat endi ularning ongi chegaralangan "Shaxsiy meni" dan yuksalishni boshlaganini anglatadi. Aynan shu ongga kelganida yigit ham, qiz ham oila qurishsa, endi ularning energiyasi shaxsiy istaklari uchun emas, umumiy "Oila meni" uchun birlashadi va oila qo'rg'onini mustahkamlash uchun birgalikda harakat qilishni va bir birlariga o'zlaridan kerakli quvvatni bahshida etgan holda yashashni boshlashadi.

Shunday ongga chiqqan qiz anglaydiki, bo'lajak eriga itaotli bo'lishi, bu Alloh o'ziga nasib etgan erkakni minnatdorlik bilan qabul qilish ekanini va Allohning o'ziga va butun oilasiga berajak rizqini aynan shu erkak orqali yuborishini. Hamda shu ishonchi sabab Allohga va eriga to'liq taslimiyatda oilasiga o'zini bahshida eta oladi.

O'z navbatida bunday ongga erishgan yigit ham anglaydiki, Alloh o'ziga nasib etgan qizni va u orqali ko'radigan farzandlarini butun umr himoya qilish va taminlash darajasi, bu Er kishining eng buyuk vazifalaridan biri ekanini, hamda shu burchini ato etish orqali Alloh rizoligiga erishishi mumkinligini.

* Istardimki, jamiyatimizda yigit va qizlar aynan shunday ongga erishganidan so'ng oila qurishlarini. Shunda oilalardagi baxt atmosferasi yuqori darajada bo'ladi va tabiiyki ezgulik energiyasi utuvorlik qiladigan oilalar ko'paygani sari Alloh ham bu jamiyatga barakot yog'iradi. Hamda bunday oilasi va farzandlarining kamoloti uchun o'zini baxshida eta olishga qodir ota onalar sabab, xalqimiz yana buyuk ishlarga qodir avlodlarni tarbiyalay oladigan buyuk xalqqa aylanadi.