PROJECT - Marketing

​​©️ BREND ALOQA NUQTALARI!

- Brend samarali va kuchli bo'lishi uchun biz auditoriyamiz bilan barcha aloqa nuqtalarimiz orqali aniq va doimiy muloqot qilishimiz kerak.

📲 Foydali kontentni marketologlarga jo’natishni unutmang!

❗️ Kanalimizda bundan ham foydali materiallar joylangan.

👉 https://t.me/projectuzb

PROJECT - even better!

📈 KATTA KOMPANIYA MARKЕTINGI!

📌 Katta kompaniya marketingi ko'pincha "mass marketing" yoki "brending" deb ham nomlanadi. Bu marketingning maqsadi mijozlarga yoki bo'lajak mijozlarga o'z brendi haqida imkon boricha ko'proq eslatib turish, mahsulot yoki servisning yaqin orada ekanidan darak berib turish hisoblanadi.

❗️ G'oya shundaki, siz o'zingiz haqingizda qanchalik ko'p eslatib tursangiz, mijozning ong ostiga joylashib borishingiz ehtimoli shunchalik yuqori bo'ladi va sotib olishga kelganda, mijoz albatta sizni eslaydi.

✅ Juda ham ko'p katta kompaniyalar marketingi aynan shu maqsad bilan quriladi. Agar siz to'xtovsiz "Coca-cola", "Nike", "Apple" kabi brendlarning reklamasiga ko'zingiz tushgan bo'lsa, demak, siz "mass marketing"ga duch kelgansiz.

💵 Bu kabi marketing turi juda samarali natija beradi, lekin juda qimmat va ko'p vaqt talab etadi. U turli reklama usullaridan bir vaqtning o'zida foydalanishni talab qiladi. Masalan, TV, bosma reklama, radio va internet reklamalariga ko'plab mablag' va vaqt sarflashga to'g'ri keladi va bu ko'p holatlarda uzluksiz (doimiy) davom etadi.

📊 Bunday xarajatlar va vaqt katta kompaniyalar uchun qiyinchilik tug'dirmaydi. Chunki ularning oldindan rejalashtirilgan reklamaga ajratilgan katta mablag'i, xodimlari, mahsulot va xizmatlari mavjud. Lekin kichik korxonalar o'zlarining kichik byudjeti bilan katta korxonalarga taqlid qilganda, katta muammo yuzaga keladi.

🌊 Bir necha bor bunday reklama qilish daryoga bir tomchi suv quygandek gap. (Kuniga millionlab marketing xabarlar bilan bombardimon qilinayotgan mijozning ongida siz uchun kichikkina joy ham qolmaydi!) Shuning uchun ular marketing yomg'iri ostida qoladi va kichik biznesning sarflagan mablag'i ko'pincha bekorga ketadi. Agar cho'ntagingizda millionlab dollar pul bo'lmasa, katta ehtimol bilan bu marketing turi sizni jarlikka itarib yuboradi!

♟ "Brending", "mass marketing" va boshqa o'zligini ko'rsatadigan marketing strategiyasi - katta korxonalarning yurishi. Har qanday katta reklama katta mablag' va qimmat OAVdan foydalanishni talab qiladi.

🧮 Katta kompaniyalarga havas qilish yaxshi, lekin siz o'zingiz amal qilayotgan strategiyangizni tushunib olishingiz va uni bajara olishingiz kerak. Tashqaridan qaragan odamga strategiya butunlay boshqacha tuyulishi mumkin. Agar siz o'zingizga mos bo'lmagan strategiyani tanlagan bo'lsangiz va tanlagan strategiyangiz mablag'ingizga umuman to'g'ri kelmasa, kutilgan natijaga erishishingiz uchun faqat mo'jiza ro'y berishi kerak.

- Post foydali bo'lgan bo'lsa maksimal reaksiyalaringizni kutaman. Keyingi postda "Kichik va o'rta biznes marketingi" haqida muhokama qilamiz.

📲 Foydali kontentni marketologlarga jo’natishni unutmang!

❗️ Kanalimizda bundan ham foydali materiallar joylangan.

👉 https://t.me/projectuzb

PROJECT - even better!

☠️ BIZNESNI QANDAY O'LDIRISH MUMKIN?

Sizlarga biznesni o'ldirishning oson va keng tarqalgan yo'lini aytaman, faqat buni amalda qo'llamaysiz degan umiddaman 😁

- Bu deyarli barcha biznesmenlarning - vaziyat marketingga taqalganda yo'l qo'yadigan eng katta xatolaridan biri hisoblanadi.

❗️ Agar siz kichik biznes egasi bo'lsangiz, shubhasiz, marketing va reklama haqida o'ylab ko'rgansiz. Aksariyat kichik biznes egalarining keng tarqalgan xatosi shundaki, ular sohadagi muvaffaqiyatga erishgan, gigant raqobatchilarga qarab taqlid qilishadi. Ya'ni kichik "fast food" rahbari "EVOS" kabi katta brendlar foydalanadigan marketing harakatlariga taqlid qiladi. Mantiqan olib qaraganda bu to'g'ri bo'lib tuyuladi - muvaffaqiyatga erishgan bizneslar nima qilsa, sen ham shu ishni qil va muvaffaqiyatli bo'lasan. To'g'rimi ?

Lekin real hayotda bu biznesni o'ldirishning eng tezkor yo'li. Nega bunday deyapman keling ko'rib chiqamiz. Buning 2 ta muhim sababi bor.

1️⃣ Katta kompaniyalarning kun tartibiga qo'ygan rejalari boshqa.

Katta kompaniyalar kichik kompaniyalardan farqli ravishda marketing borasida o'z kun tartiblariga umuman boshqa savollarni qo'yishadi. Ularning strategiyalari va vazifalari siznikidan tubdan farq qiladi. Katta kompaniyalarning marketingga qo'ygan ustuvor vazifalari mana bulardan iborat:

- foydani ko'paytirish;
- direktorlar kengashiga yoqish;
- aksiyadorlarni kafyifatini ko'tarish;
- mavjud mijozlarni xursand qilish;
- reklama va kreativ tanlovlarda g'olib bo'lish;
- turli qo'mitalar va hissadorlardan ko'proq pul kirim qilish.

Kichik biznes egasining marketingdagi vazifalari quyidagilardan iborat:

- foyda qilish vassalom.

Ko'rib turganingizdek, kichik va katta biznes egalarining marketingdagi ustuvor vazifalarida yer bilan osmoncha farq bor. Tabiiyki, strategiya va uni bajarishda ham katta farq bo'ladi.

2️⃣ Katta kompaniyalar JUDA katta byudjetga ega.

Strategiya miqdorga qarab o'zgarib boraveradi. Osmono'par binolar qurayotgan kompaniyalar strategiyasi, kichik uylar qurayotgan kompaniyalar strategiyasidan farq qiladi deb o'ylaysizmi ? Albatta farq qiladi. Shuning uchun bir xil strategiyani ko'chirib olish ish bermaydi. Siz osmono'par binoning bir qavatini qurib muvaffaqiyatli bo'lib qolmaysiz. Buning uchun sizdan 100 qavatning barchasini qurib bitkazish talab qilinadi. Agar sizda reklama uchun 10 million dollar byudjet va foydaga kirish uchun 3 yil vaqt bo'lsa, cho'ntagida 10 ming dollar puli bor va darhol foydaga kirmoqchi bo'lgan biznes egasiga butkul boshqacha strategiya qo'llaysiz. Kichik kompaniya bo'laturib katta kompaniyaning strategiyasini qo'llasangiz, sizning 10 ming dollaringiz dengizdan bir tomchi bo'lib qoladi. Bu pullar bekorga ketadi va natija bermaydi.

- Post foydali bo'lgan bo'lsa maksimal reaksiyalaringizni kutaman. Keyingi postda "Katta kompaniyalar marketingi" va "Kichik va o'rta biznes marketingi" haqida so'z yuritamiz.

📲 Foydali kontentni marketologlarga jo’natishni unutmang!

❗️ Kanalimizda bundan ham foydali materiallar joylangan.

👉 https://t.me/projectuzb

PROJECT - even better!

Assalomu alaykum xurmatli kanalimiz kuzatuvchilari va marketing ixlosmandlari! Kirib kelgan Ramazon oyi barchamizga muborak bo'lsin.

- Kanalimizda sal kam 700 ta saviyali, ziyoli qatlam vakillari yeg'ilgani bilan sizlarni ham tabriklayman va safimiz yanada kengayishini tilab qolaman.

Ilmiy ish uchun kichik tadqiqot o'tkazilayotgan edi. Shu tadqiqotda qatnashib o'z hissangizni qo'shsangiz yanada minnatdor bo'lar edik. Shu havoladagi 10 ta savolga javob berish orqali bizga katta yordam bergan bo'lasiz. Barchangizga katta rahmat!

👉 https://forms.gle/SLAxfMUYcoDQx1L57

https://t.me/iqtibosu

👆Hozir obuna bo’lsangiz, keyinchalik as qotadi!