Халқ банки матбуот котиби канали

“Юксалиш” ҳаракати томонидан Ўзбекистонда давлат бошқарув тизимида фаолият олиб борувчи раҳбар аёллар рейтинги тақдим этилди.

🏦 Банкимиз Бошқарув раиси ўринбосари Гулзода Рашидова ҳам ушбу рўйхатдан ўрин олдилар.

Расмий муносабат

Ижтимоий тармоқларда муҳокамаларга сабаб бўлаётган ҳолат юзасидан банк Ахборот хизмати қуйидагиларни маълум қилади.

2024 йилнинг ноябрь ойида Халқ банкининг ички назорат хизмати Қўқон универсал банк хизматлари марказнинг мутахассислари томонидан банк дастурий таъминоти "IABS"даги логин ва пароли орқали фуқаролар хабарисиз ва иштирокисиз банк карталари эмиссия қилиниб, 68 нафар фуқароларнинг 104 млн. сўм маблағларини ўзлаштирилганлигини аниқлаган.

Ҳолат юзасидан аниқланган маълумотлар тегишли чоралар кўриш учун 2024 йил 29 ноябрь куни Фарғона вилояти Қўқон шаҳри прокуратурасига тақдим этилган.

Шунингдек, юқоридаги ҳолат бўйича қонунбузарликка йўл қўйган ходимлар билан меҳнат шартномаси бекор қилинган.

Эслатиб ўтамиз, Халқ банки фаолияти билан боғлиқ ҳар қандай масалалар бўйича @xbcallsupport мурожаатлар маркази ва 1106, 71 210 20 02 ишонч рақамлари орқали мурожаат қилишингиз мумкин.

#Табрик

Халқ банки Шаҳрисабз БХМ бўлимининг хотин-қизлар бўйича ўринбосари Қиёмова Садоқат Темировна МДҲ миқёсидаги халқаро кўрик-танловда "Фидойи хизматлари учун" эсдалик нишони ва сертификати билан тақдирланди.

"Бу мукофотни кўп йиллик меҳнатларим учун берилган эътироф, деб биламан", — дейди Садоқат Темировна.

🖇 МДҲ миқёсида ташкил этилган халқаро илмий-амалий кўрик-танлов банк, молия ва бошқарув соҳасидаги фаолиятни баҳолаш бўйича нуфузли платформа ҳисобланади.

Халқ банки жамоаси Садоқат Қиёмовани ушбу муваффақият билан табриклайди!🎉

#Тавсия_китоб

📚 Дам олиш кунида ўқиш учун китоб танладингизми? Қуйидаги асарлар вақтингизни мазмунли ва самарали ўтишига ёрдам беради: 

1️⃣ Яланғоч иқтисодиёт. Китобда иқтисодиётнинг моҳияти ва долзарб масалалари содда, тушунарли, ҳаётий мисоллар билан ёритилган.

2️⃣ Банк 4.0да технология эволюцияси шароитида банклар келажаги қандай бўлиши ҳақида мулоҳаза юритилади. 

3️⃣ Мантиқий хато. Китоб мантиқий мулоҳаза юритишнинг асосий тамойиллари билан таништиради. Шу билан бирга, аргументлаш бўйича мисол ва фойдали тавсиялар келтирилган.

4️⃣ Юқумлилик. Маҳсулот ва ғоялар қандай оммалашади - нега одамлар айрим маҳсулот, ғоя ёки одатлар ҳақида кўп гапиради, улар оммалашишининг сабаби нимада, деган саволларга ушбу китобда аниқ мисоллар билан жавоб берилади.

Расмий муносабат

Ижтимоий тармоқларда муҳокамаларга сабаб бўлаётган ҳолат юзасидан Ахборот хизмати қуйидагиларни маълум қилади:

Ҳолат масъуллар иштирокида ўрганилганда, Халқ банки Жиззах шаҳар универсал БХМ собиқ ходими Б.Г. фуқаро О.О. номига 2019 йилда истеъмол кредити расмийлаштиргани, О.О мурожаатидан сўнг банкнинг "Ички назорат" бўлими хизмат текшируви ўтказиб, ҳужжатлар Жиззах вилояти Ҳарбий прокуратурасига тақдим қилинганлиги аниқланди.

Шунингдек, собиқ ходим Б.Г. билан тузилган меҳнат шартномаси 2023 йилда МК 161-моддасига асосан бекор қилинган бўлиб, ўз-ўзидан "Халқ банки ходими журналистни судга берди" деган маълумот ҳақиқатга тўғри келмайди.

Аниқланишича, Б.Г. "MY5" телеканали мухбирини судга беришига сабаб, суриштирув ишлари якунланмай ва суд қарори чиқмай туриб, айбсизлик презумциясини бузиб, материални оммага эълон қилгани бўлган.

Шу ўринда, ОАВ вакиллари ва ижтимоий тармоқ фаолларидан мурожаатларни эълон қилишдан аввал ҳолатга холисона ёндашишни сўраймиз. Давлат ташкилотининг обрўсига путур етказувчи ёлғон маълумот тарқатиш белгиланган тартибда жавобгарликка тортилишга сабаб бўлади.

Эслатиб ўтамиз, Халқ банки фаолияти билан боғлиқ ҳар қандай масалалар бўйича @xbcallsupport мурожаатлар маркази ва 1106, 71 210 20 02 ишонч рақамлари орқали мурожаат қилишингиз мумкин.

Расмий муносабат

Кун.уз информацион сайтида Ўзбекистон Республикаси Коррупцияга қарши курашиш агентлигининг брифинги асосида эълон қилинган хабар бўйича Халқ банки ахборот хизмати қуйидагиларни маълум қилади.

Брифингда очиқликка оид қонун ҳужжатлари талабларини бузганлиги учун маъмурий жавобгарликка тортилган давлат идоралари сафида акциядорлик тижорат Халқ банки тилга олинган.
Ушбу ҳолатда, маълумот хато берилган. Банк 2 йилдан буён очиқлик индекси рейтингида юқори ўринларни эгаллаб келмоқда. 2023 йилга доир очиқ маълумотлар жойлаштирилиши муддатларининг кечикиши бўйича ахборот хизмати раҳбари мақолада кўрсатилганидек маъмурий жавобгарликка тортилмаган.

Бироқ эътиборлиси, айнан ўша даврда маълумотларнинг тўғри ва батафсил жойлангани туфайли Халқ банки Очиқлик индексида 83,8 балл билан жами тижорат банклари орасида 1-ўринни эгаллаган.

Эслатиб ўтамиз, Халқ банки жамоатчилик учун доим очиқ. Фаолиятимиз билан боғлиқ ҳар қандай масала юзасидан 1106 ишонч рақами орқали боғланиш мумкин. Очиқ гуруҳлар, чатлар ва шарҳларда эса Халқ банки номини тилга олиш кифоя, Ахборот хизматининг тезкор @Xalq_banki_Community_Manager и алоқага чиқади.