SOGDIANA JIZZAKH

Umidbek Sultonov bilan hamkorlik davom etadi!

Yangi mavsumga jiddiy hozirlik ko'rayotgan sevimli jamoamiz "So'g'diyona" yana bir futbolchimiz bilan o'rtadagi mehnat shartnomasini uzaytirdi. Yarim himoyachi Umidbek Sultonov bilan kelishuv 2026-yil oxiriga qadar imzolandi.

Ma'lumot o'rnida, Sultonov o'tgan mavsumda jamoamiz safida 11 uchrashuvda maydonga tushib, jami 450 daqiqa davomida jamoaga hissa qo'shgan. Shuningdek, u 2022-yilda O‘zbekiston U20 terma jamoasi safida o‘zining ilk debyut o‘yinini o‘tkazgan.

"So'g'diyona" futbol klubi Umidbek Sultonovga kelgusi mavsumda ham muvaffaqiyatli ishtirok etishni va jamoamiz yutuqlarini yanada ko'paytirishda o‘z hissasini qo‘shishini tilaydi!

So‘g‘diyona matbuot xizmati

"So‘g‘diyona” PFK 14-yanvar – Vatan himoyachilari kuni bilan muborakbod etadi.

Ona yurtimiz har doim o‘zining mard va jasur o‘g‘lonlari bilan faxrlanib kelgan. Yigitlarimiz ona yurtiga, oilasiga, yaqinlariga bo‘lgan sadoqatini va muhabbatini doimo yuqori tutib, Vatan himoyasi yo‘lida tinimsiz kurashishda burchlarini sidqidildan ado etadilar.

O‘zbek o‘g‘lonlari mardligi, jasurligi va vatanparvarligi bilan butun dunyoda o‘zining yorqin izini qoldirgan. Ularning fidoyiligi tufayli yurtimiz tinch, bizning qalbimiz esa xotirjamdir.

Bugun, 14-yanvar – Vatan himoyachilari kuni munosabati bilan barcha yurt himoyachilarini muborakbod etib, sizlarga uzoq umr, baxt-saodat, tinchlik va oilaviy baxt tilaymiz! Sizning jasoratingiz va fidoyiligingiz bilan biz doimo faxrlanamiz.

Hurmat bilan,
“So‘g‘diyona” PFK

Behruz Jumatov — "Soʻgʻdiyona" safida!

Yangi mavsum oldidan tarkibini mustahkamlashda davom etayotgan jamoamiz O‘zbekiston milliy terma jamoasi aʼzosi, iste’dodli markaziy himoyachi Behruz Jumatovni o‘z safiga qo‘shib oldi. 2026-yil oxirigacha mo‘ljallangan shartnoma yosh futbolchi va klub uchun yangi imkoniyatlar eshigini ochadi.

Behruz Jumatov o‘z faoliyatini "Olimpik" jamoasi safida davom ettirib kelayotgan edi. Yosh va istiqbolli himoyachi O‘zbekiston U17 va U20 yoshlar terma jamoalarida ham o‘zini munosib ko‘rsatgan. Uning milliy terma jamoalar safidagi dastlabki debyuti 2022-yilda O‘zbekiston U17 tarkibida boshlangan.

"Soʻgʻdiyona" futbol klubi Behruz Jumatovga yangi mavsumda yorqin o‘yinlar va yuqori natijalar tilab qoladi. Biz birgalikda yangi marralarni zabt etishga ishonamiz!

"Soʻgʻdiyona" matbuot xizmati

"Soʻgʻdiyona" va Muhammadyusuf Sobirov hamkorligini davom ettiradi

"Soʻgʻdiyona" jamoasi yosh va istiqbolli darvozabon Muhammadyusuf Sobirov bilan yangi mehnat shartnomasi imzoladi. Shartnoma bir yil muddatga moʻljallangan bo‘lib, jamoamizning kelgusi maqsadlariga erishishda muhim qadam hisoblanadi.

Sobirov oʻtgan mavsumda yoshlar va asosiy jamoa tarkibida oʻzini aʼlo darajada koʻrsata oldi. Ayniqsa, Superliganing kuchli klublariga qarshi uchrashuvlarda yorqin oʻyinlari bilan ajralib turdi va bir necha marta eng yaxshi futbolchi deb topildi.

Maʼlumot uchun, u oʻtgan mavsum davomida Superliga doirasida 5ta uchrashuvda maydonga tushib, jami 705 daqiqa maydonda faol harakat qildi.

"Soʻgʻdiyona" klubining bu qarori Sobirovning isteʼdodini yuqori baholash bilan birga, jamoamizning yosh va iqtidorli futbolchilarni qoʻllab-quvvatlash borasidagi siyosatini davom ettirayotganini koʻrsatadi.

"Soʻgʻdiyona" matbuot xizmati

So'g'diyona bugun Zomin markaziy stadionida mashg'ulot o'tkazdi.
Foto 📸 So'g'diyona Matbuot Xizmati

So'g'diyona bugun Zomin markaziy stadionida mashg'ulot o'tkazdi.
Foto 📸 So'g'diyona Matbuot Xizmati

So'g'diyona bugun Zomin markaziy stadionida mashg'ulot o'tkazdi.
Foto 📸 So'g'diyona Matbuot Xizmati