Isroil G‘azodagi harbiy operatsiyani hali ham boshlamadi. Netanyaxu shoshmaydi, chunki urush tugasa Isroilda kun tartibiga bosh vazir iste’fosi chiqadi. Netanyaxu allaqachon poraxo‘rlikda ayblangan, endi mamlakat himoyasini yaxshi uyushtirmaganlikda va isroilliklar o‘limida ham ayblanadi. Xalqaro maydonda ham u sabab Isroilga nafrat kuchaymoqda. Urush davom etar ekan, Netanyaxuning siyosiy umri ham uzayadi. Urush tugashi bilan uni qamoqqa tiqishlari ehtimoli katta.

Shuning uchun hozir Netanyaxuga hech qanday tinchlik kelishuvlari, vositachilar kerak emas. U G‘azoda katta g‘alabaga erishishi, shu orqali o‘z nomini oqlashi lozim. Shu bois u mana shunday raketa otib, “o‘tirib urishish” taktikasidan foydalanadi.

Shubhasiz, G‘azoga yurish oson amaliyot bo‘lmaydi. SAXAL ancha bo‘shashganini ko‘rsatdi, qolaversa endi ular uzoq vaqtdan buyon Isroil hujumiga tayyorlanayotgan hududga kiradi. Qurbonlar ko‘p bo‘lishi tayin.

Netanyaxu G‘azoga yurishni bekor qila olmasligi aniq, chunki uning elektorati — ultramillatchilar shafqatsiz qasos olishni, Falastinni arablardan tozalashni istaydi. Netanyaxu kelajakda o‘zi suyanishi mumkin bo‘lgan qatlamni norozi qilolmaydi. Shu sabab ham Bibiga uzoq va muvaffaqiyatli urush kerak. Tinchlik muzokaralari haqida gap bo‘lishi mumkin emas.

@pan_diplomat